JEREMIAH 11:20 - Hakcipta - Biatah Bidayuh

²⁰ Komŭnŭ aku bidua, “TUHAN Bisa-pŭrŭg, Kaam inŭh akim adi tŭnggŭn; Kaam suba pikir daya ngga asŭng daya. Aku mbŭh na har ku ka darŭm tangan Mai; ka bada meh aku tingga Kaam maras dendam di ngara anŭ.”

JEREMIAH 11:20 ပူးပေါင်းရင်းမြစ်များ

TIBIRIK 18:25

Tatu Kaam dŭh re siŭ ngara adi dŭh sarah samah ngga ngara adi sarah. Dŭh-i bisa jadi simŭnŭ! Kaam dŭh bisa ndai simŭnŭ. Kambŭi Kaam sawŭ ndai simŭnŭ, gŭt-i daya adi dŭh sarah sua dog pirabur samah ngga daya adi sarah. Dŭh-i bisa jadi simŭnŭ. Arang ong ati an miratak ukum ngga tŭnggŭn.”

2 RAJA 19:14

Raja Hezekiah tambit surat anŭ so pinyisung ka basa-i. Komŭnŭ ayŭh di ka Ramin TUHAN, na-i diginŭ di sirung jawin TUHAN,

1 KRONIKEL 28:9

Ka di Solomon ayŭh nang, “Nak, aku mite ngga siabo asŭng ku kuu ngaku Tapa adi Tapa sama mu ka bituan di Ayŭh ngga atin tagap ka ngga siabo pikir-kira mu. Ayŭh puan sopŭrŭg pikir-kira ngga pinyiraan ta. Kambŭi kuu jiroh Ayŭh, kuu re dapŭd Ayŭh; pak kambŭi kuu nyipunok Ayŭh, Ayŭh re tangan kuu ndŭg situi tui.

1 KRONIKEL 29:17

Aku puan nang Kaam suba atin barang naan daya, ka taŭn munos asŭng di daya adi jujur. Ngga atin jujur ka tŭnggŭn aku mbŭh ngga siabo asŭng nggen sopŭrŭg ati ka Kaam, ka aku mbŭh kiris munki masam daya Mai adi agi tikuruk digiti ngga sanang asŭng taban sadis ka Kaam.

JOB 5:8

Kambŭi aku kuu, aku mite turung so Tapa ka kidaan di Ayŭh sopŭrŭg pinyusah ku.

MAZMUR 139:23

Piruh aku, O Tapa, ka puan meh pikir ku; suba aku, ka puan meh pikir-kira ku.

MAZMUR 35:2

Tambit pinangin ngga piraka perang Mai ka mandŭg di turung aku.

MAZMUR 43:1

O Tapa, kiren aku dŭh sarah, ka ngibān aku so daya adi dŭh stabi di Tapa; pirupas aku so daya adi pingadong ngga adi arap!

MAZMUR 57:1

Masi di aku, O Tapa, masi di aku, sabab aku mandŭg ka Kaam yŭn pinyiramat. Di sayung ribo urad Mai aku dapŭd pinyigrindung ndŭg ka sabak ribut adi bangat mbŭh saya.

MAZMUR 58:10

Daya tŭnggŭn re gaŭn kan ngara kiris daya bidosa dog ukum; ngara re ngu kaja ngara di deya daya ginaka.

MAZMUR 7:10

Tapa inŭh pinyigrindung ku; Ayŭh nyiramat ngara adi tunda pinganang-I.

MAZMUR 7:8

Kaam inŭh arang yŭn sopŭrŭg manusia. Tingga arap kana ku, O TUHAN; Kaam puan nang aku dŭh sarah.

MAZMUR 7:9

Kaam inŭh Tapa adi tŭnggŭn ka puan pikir-kira ngga pinyiraan ami. Pirŭŭ urah ginaka bara daya adi arap ka ngupah ngara adi kana.

MAZMUR 98:9

sabab Ayŭh mandŭg di mritah ong. Ayŭh re mritah bara daya ong ngga pinyitŭnggŭn ka ngga patut.

JEREMIAH 12:1

“TUHAN, kambŭi aku minyu pasar har ku ngga Kaam, Kaam taŭn marar batur. Pak aku dŭh siŭn dŭh siken Kaam pasar har pinyitŭnggŭn. Mani daya ginaka mujur darŭm pimudip-i? Mani daya adi dŭh tŭnggŭn atin-i manang?

JEREMIAH 12:3

Pak, TUHAN, Kaam puan aku; Kaam kiris pingandai ku, ka munki masam aku rindu Kaam. Tarik ngara adi arap anŭ ngga bu mun biri adi re dog siŭ; nguan ngara ndŭg tika adi ngga ngara dog ninong.

JEREMIAH 15:15

Komŭnŭ aku nang, “TUHAN, Kaam mirati sopŭrŭg-i. Ingat aku ka turung aku. Bada aku maras dendam di ngara adi kisiis aku. Dŭhnyah paŭh dŭdŭt ngga ngara, te ngara dapŭd siŭ aku rai-i. Ingat, yŭn kana adŭn Mai inŭh aku dog pimangŭh.

JEREMIAH 17:10

Aku, adi TUHAN, kāp pikir manusia ka suba atin manusia. Aku nggen di barang naan daya nanyam ka gaya pimudip-i, nanyam ka kayuh adi-i ndai.”

JEREMIAH 17:18

Pimangŭh daya adi kisiis aku, pak tandah aku, TUHAN. Bada ngara taru, pak dŭhnyah pitaru aku. Taban pinyirusag ka ngara ka pirandŭk ngara.

JEREMIAH 20:12

Pak, TUHAN adi Bisa-pŭrŭg, Kaam suba daya ngga pinyitŭnggŭn; Kaam puan ani di atin ngga pikir ngara. Jadi bada aku kiris Kaam maras dendam di pinganyu ku, amai aku mbŭh na har ku darŭm tangan Mai.

PUĀS 3:58

“Kaam mandŭg di batu aku, TUHAN, ka mbŭh nyiramat asŭng ku.

PUĀS 3:59

Kaam kiris kayuh arap adi dog ndai di tunduh aku;

PUĀS 3:64

“Ngukum ngara amai kayuh adi ngara mbŭh ndai, O TUHAN;

EZEKIEL 11:5

Roh TUHAN nguasa aku, ka TUHAN kidaan di aku bada nggen di bara daya pinganang ati: “Daya Israel, Aku puan kayuh adi angān nang ka kayuh adi angān bisatur an ndai.

PINGANDAI 17:31

Amai Ayŭh muko so ka ndi naan daya adi-I ko mien miratak andu adi ngga-I nggen bisara di ndi ong ong ngga pinyitŭnggŭn. Ayŭh muko kiren kayuh anŭ agi sawŭ darŭm-I pakat daya anŭ so kabŭs!”

PHILIPPI 4:6

Dŭhnyah gapang pasar tadŭ kayuh, pak siraru mite di Tapa darŭm simayang kayuh adi angān biguna ngga atin trima kaseh.

2 TIMOTHY 4:14

Alexander adi tukang basi agi ndai pinyusah bās di tunduh aku. Tuhan re maras ayŭh nanyam pingandai-i.

1 PETER 2:23

Kan Ayŭh dog pimangŭh, Ayŭh dŭh maras ngga pinganang adi arap; kan Ayŭh jera-birasa Ayŭh dŭh natang daya, pak na pingarap-I di Tapa, arang adi tŭnggŭn.

PINANDŬNG 18:20

Gaŭn meh, shorga, sabab pinyirubuh-i! Gaŭn meh, bara daya adi Tapa mbŭh mien ngga bara pinyuruh ka bara nabi, amai Tapa mbŭh nunggu ayŭh sabab kayuh adi-i ko ndai di angān!

PINANDŬNG 2:23

Aku re siŭ bara pinunda-i gŭh, ka komŭnŭ sopŭrŭg eklisia re puan nang Aku ati inŭh sianŭ adi puan sopŭrŭg pikir-kira ngga pinyiraan manusia. Aku re maras barang naan so bara mu nanyam ka pingandai adŭp ngara.

1 SAMUEL 16:7

Pak TUHAN nang di Samuel, “Dŭhnyah piduri ayŭh bigatung bait ramus. Aku dŭh raan ayŭh, amai Aku dŭh mien mun manusia mien. Manusia tingga sapa pŭrŭng ganan, pak Aku tingga darŭm atin daya.”

1 SAMUEL 24:15

TUHAN re tingga asi so ata duwŭh manak adi sarah. Isa-i Ayŭh nakit tingga kayuh ati, grindung aku, ka nyiramat aku so kaam.”