JEREMIAH 11:17 - Hakcipta - Biatah Bidayuh

¹⁷ “Aku, adi TUHAN Bisa-pŭrŭg, adi purun Israel ngga Judah; pak madin Aku bada pinyirusag nyatŭk ngara. Adŭp ngara adi bada kayuh anŭ nyatŭk ngara, so pingandai ngara adi sarah. Ngara bada Aku baji ngga pingandai ngara adi jugan sadis ka Baal.”

JEREMIAH 11:17 ပူးပေါင်းရင်းမြစ်များ

2 SAMUEL 7:10

Aku mbŭh mien tarun yŭn bara daya Ku Israel ka mbŭh bada ngara rŭŭ diginŭ, di yŭn ngara dŭh re tia dog kinanyuh. So sibungas ngara mŭrŭt tarun tana anŭ, ngara ari dog nyerang bara daya adi ganas, pak-i dŭh re tia mun anŭ. Aku bijanji Aku re grindung kuu so sopŭrŭg pinganyu mu ka re nggen di kuu sesang.

2 KRONIKEL 28:25

Di barang kupo ngga anak kupo di Judah, ayŭh pijog tarun yŭn bisambah adat karŭm, di yŭn kimanyan an dog badang yŭn tapa tapa saruh. Ngga kraja pingandai anŭ ayŭh bada TUHAN, adi Tapa tayung babuk-i, baji di adŭp-i.

MAZMUR 44:2

simuki adŭp Mai pibu daya adi dŭh puan Kaam ka piguru daya Mai di tarun tana ngara; simuki Kaam ngukum bangsa bangsa adi bŭkŭn ka bada tung adŭp Mai mujur.

MAZMUR 80:15

Mandŭg ka nyiramat tŭngŭn anggor ati adi Kaam purun, tŭngŭn anggor ati adi mara adi Kaam bada tagap!

MAZMUR 80:8

Kaam taban tŭngŭn anggor ruah so Egypt; Kaam pibu bangsa bangsa adi bŭkŭn ka purun-i di tana ngara.

ISAIAH 5:2

Ayŭh nyakor tana ka pibisig-i so dudu batuh; ayŭh purun anggor adi siabo kana. Ayŭh pijog sirangga ngga jaga-i, kareh rubang yŭn ngindik-mŭ buwa anggor. Ayŭh kajŭn buwa-i masak, pak barang pŭrŭng buwa-i masŭm.

ISAIAH 61:3

bada nggen di ngara adi ngurid di Zion pinyigaŭn ngga pawŭn, ka dŭh pinyusah, ragu puji, ka dŭh ragu pinyusah. Ngara re keya ka tŭngŭn tŭngŭn kayuh adi adŭp TUHAN mbŭh purun. Sopŭrŭg ngara re ndai kayuh adi batur, ka Tapa re dog muji amai kayuh adi Ayŭh mbŭh ndai.

JEREMIAH 1:14

Ayŭh nang di aku, “Pinyirusag re babas so utara nyatŭk sopŭrŭg adi rŭŭ di tarun tana ati,

JEREMIAH 11:11

Jadi madin, Aku, adi TUHAN, bakan ngara nang Aku re bada pinyirusag nyatŭk ngara, ka ngara dŭh re dapŭd pirupas adŭp ngara. Ka kan ngara bagan mite turung so Aku, Aku dŭh re dingah ngara.

JEREMIAH 11:13

Daya Judah biyŭn bagŭ tapa, kiang dudu kupo adi ngara biyŭn, ka bara adi darŭm Jerusalem mbŭh pijog bagŭ mija-sambah yŭn jugan sadis ka tapa Baal adi sipŭ anŭ: mija-sambah anŭ kiang dudu aran di darŭm kupo.

JEREMIAH 12:2

Kaam purun ngara, ka ngara piruat; ngara timbu ka buān. Ngara ari minyu kana pasar Kaam, pak ngara dŭh sawŭ piduri pasar Kaam.

JEREMIAH 18:15

Pak daya Ku kambŭt Aku; ngara badang kimanyan ka tibudo. Ngara mbŭh sikak sikakong di aran adi ngara mien, ngara dŭh tia kadŭg aran adi amba; ngara panu di aran adi bayuh dog pirata.

JEREMIAH 18:8

pak ko anŭ bangsa anŭ marik pimudip-i dŭh tia ndai arap, Aku dŭh re ndai kayuh adi Aku nang adŭp Ku re ndai.

JEREMIAH 19:15

nang TUHAN Bisa-pŭrŭg, adi Tapa Israel, mbŭh nang, “Aku re taban ka kupo ati ka di barang kupo adi sindŭk-i sopŭrŭg ukum adi Aku muko nang, sabab angān baking ka abah dingah pinganang Ku.”

JEREMIAH 2:21

Aku purun kuu keya ka purun tŭngŭn anggor adi kana so ruwang adi siabo kana. Pak tingga ani pinyadi mu! Kuu mbŭh keya ka tŭngŭn anggor adi madam ka adi dŭh biguna.

JEREMIAH 24:6

Aku re jaga ngara ka taban ngara ngga pari ka tarun tana ati. Aku re pijog ngara ka dŭh nyirubuh ngara; Aku re purun ngara ka dŭh re dimbut ngara.

JEREMIAH 26:13

Angān dŭh siŭn dŭh ngubah aran pimudip ngan samŭn kayuh adi angān ndai, ka dŭh siŭn dŭh nundok di Tapa ngan. Kambŭi angān ndai simŭnŭ, Ayŭh re nukar pikir-I pasar pinyirusag adi Ayŭh nang re bada nyatŭk angān.

JEREMIAH 26:19

Raja Hezekiah ngga bara daya Judah dŭh siŭ Micah. Hezekiah tanŭ ka stabi di TUHAN ka suba mite masi so Ayŭh. Ka TUHAN nukar pikir-I pasar pinyirusag adi Ayŭh nang adŭp-I an bada nyatŭk ngara. Ka madin ata gŭh mbŭh sindŭk re an bada pinyirusag bās nyatŭk adŭp ta.”

JEREMIAH 32:29

ka badang-i. Ngara re badang-i ndŭg ka rŭpŭg, samŭn ramin ramin adi yŭn daya mbŭh bada Aku baji, anŭ inŭh badang kimanyan yŭn Baal di tibung ramin ka ren wain sadis yŭn tapa tapa bŭkŭn.

JEREMIAH 32:30

So sibungas dundan ngara jah, daya Israel ngga daya Judah mbŭh bada asŭng Ku dŭh munos ka mbŭh kinuas Aku ngga pingandai ngara.

JEREMIAH 35:17

Jadi madin, Aku, adi TUHAN Bisa-pŭrŭg, adi Tapa Israel, re taban ka angān adi daya Judah ngga daya Jerusalem sopŭrŭg pinyirusag adi Aku mbŭh nang re nyatŭk angān kambŭi angān dŭh an dingah pinganang Ku. Aku re ndai anŭ sabab angān abah dingah kan Aku minyu ngga angān, ka angān abah nam kan Aku bagan angān.”

JEREMIAH 36:7

Kadŭ ngara an bidua ka TUHAN ka pasan aran pimudip ngara adi arap anŭ, sabab TUHAN mbŭh pirawan daya-I ngga baji-I adi bisā ka riyŭn-I.”

JEREMIAH 40:2

Pingibās soldadu anŭ taban aku ka bŭngŭn ka nang, “TUHAN adi Tapa mu muko bakan nang adŭp-I re taban pinyirusag bada nyatŭk tarun tana ati,

JEREMIAH 40:3

ka madin Ayŭh mbŭh ndai anŭ adi-I nang adŭp-I an ndai. Sopŭrŭg kayuh anŭ jadi sabab daya mu bidosa rawan TUHAN ka dŭh tunda pinganang-I.

JEREMIAH 42:10

‘Kambŭi angān raan adu adu rŭŭ di tarun tana ati, Aku an pijog angān ka dŭh nyirubuh angān; Aku re purun angān ka dŭh dimbut angān. Pinyirusag adi Aku mbŭh bada nyatŭk angān mbŭh bada Aku susah.

JEREMIAH 44:5

Pak angān dŭh an dingah ka abah mbit piduri. Angān abah pasan kraja pingandai arap ngan anŭ adi jugan sadis ka tapa bŭkŭn.

JEREMIAH 44:8

Mani angān bada Aku baji ngga pingandai ngan adi nyambah tibudo ka nyadis ka tapa bŭkŭn digiti di Egypt, tarun yŭn ngan rŭŭ madin? Angān ndai simŭnŭ ngga pirabur adŭp ngan kah, isa barang bangsa di ong ngamun angān ka pakai dŭn ngan ndu pangu?

JEREMIAH 45:4

“Pak Aku, adi TUHAN, aŭn nyirubuh kayuh adi Aku pijog ka pitumbang kayuh adi Aku purun. Aku re ndai simŭnŭ di ndi ong ong.

JEREMIAH 7:18

Anak-anya ndu uwang, bara dari ndai apui, ka bara dayung kunyu tibaduk ngga ndai kue yŭn tapa dayung adi ngara kadŭn Rani Shorga. Ngara gŭh jugan sadis wain ka tapa tapa adi bŭkŭn, ngga kandam Aku.

JEREMIAH 7:9

Angān naku, siŭ daya, tanggah, nggen taksi kadong, jugan sadis ka Baal, ka nyambah tapa tapa adi angān bŭn puan.

EZEKIEL 17:5

Komŭnŭ beuh anŭ taban ndi anak kayuh-udip so tarun tana Israel ka purun-i di tana adi damŭn, di yŭn agi piin ngga bada-i udip.

HOSEA 10:1

Daya Israel mbŭh mun tŭngŭn anggor adi sarad ngga buwa anggor. Pimudip ngara mujur, pak tanŭ ka bagŭ mija-sambah dog pijog ngara. Bagŭ buwa pimuruh ngara, pak tanŭ ka bagŭ uros pirapu' dog nyambah ngara.