JEREMIAH 11:13 - Hakcipta - Biatah Bidayuh

¹³ Daya Judah biyŭn bagŭ tapa, kiang dudu kupo adi ngara biyŭn, ka bara adi darŭm Jerusalem mbŭh pijog bagŭ mija-sambah yŭn jugan sadis ka tapa Baal adi sipŭ anŭ: mija-sambah anŭ kiang dudu aran di darŭm kupo.

JEREMIAH 11:13 ပူးပေါင်းရင်းမြစ်များ

2 RAJA 23:13

Josiah nyembar mija-sambah adi Raja Solomon pijog di timor Jerusalem, tura ka siratan Sandah Kanā, adi ngga nyambah tibudo tibudo adi sipŭ anŭ — Astart adi tapa tapa Sidon, Chemosh adi tapa Moab, ka Molech adi tapa Ammon.

2 KRONIKEL 28:25

Di barang kupo ngga anak kupo di Judah, ayŭh pijog tarun yŭn bisambah adat karŭm, di yŭn kimanyan an dog badang yŭn tapa tapa saruh. Ngga kraja pingandai anŭ ayŭh bada TUHAN, adi Tapa tayung babuk-i, baji di adŭp-i.

ISAIAH 2:8

Tarun tana ngara puno ngga tibudo, ka ngara nyambah kayuh adi dog ndai so tangan adŭp ngara.

JEREMIAH 11:17

“Aku, adi TUHAN Bisa-pŭrŭg, adi purun Israel ngga Judah; pak madin Aku bada pinyirusag nyatŭk ngara. Adŭp ngara adi bada kayuh anŭ nyatŭk ngara, so pingandai ngara adi sarah. Ngara bada Aku baji ngga pingandai ngara adi jugan sadis ka Baal.”

JEREMIAH 17:1

TUHAN nang, “Daya Judah, dosa ngan mbŭh dog nuris ngga pen basi. Dosa ngan dog mŭŭt di atin ngan ngga pen itan ka dog mŭŭt di sikuh sikuh mija-sambah.

JEREMIAH 18:15

Pak daya Ku kambŭt Aku; ngara badang kimanyan ka tibudo. Ngara mbŭh sikak sikakong di aran adi ngara mien, ngara dŭh tia kadŭg aran adi amba; ngara panu di aran adi bayuh dog pirata.

JEREMIAH 19:4

Aku re ndai simŭnŭ sabab daya mbŭh tagan Aku ka mbŭh nyembar tarun ati ngga kraja ngara adi jugan sadis ka tapa tapa bŭkŭn; tapa tapa adi dŭh ngara bait tayung-babuk ngara, bait raja raja Judah puan. Ngara mbŭh ngisi tarun ati ngga deya daya adi dŭh sarah,

JEREMIAH 19:5

ka ngara mbŭh pijog mija-sambah yŭn Baal isa ngara dapŭd badang anak anak ngara ndu sadis. Aku bŭn pesan ngara bada ndai simŭnŭ. Bŭn kayuh mun anŭ darŭm pikir Ku.

JEREMIAH 2:28

“Diki tapa tapa anŭ adi ko angān ndai yŭn adŭp ngan? Kan angān dog pinyusah, bada ngara nyiramat angān, kambŭi ngara dapŭd? Judah, kuu biyŭn raru bagŭ tapa kiang dudu kupo mu.

JEREMIAH 3:24

Pak nyambah Baal, tapa adi taban mangŭh, mating nyiramat dāng kudip ami, anak anak dari ami ngga anak anak dayung ami; anŭ inŭh sopŭrŭg adi tayung-babuk ami mbŭh dapŭd so turang udas ngara so jaman jah.

JEREMIAH 3:25

Kieh patut guring darŭm mangŭh ka bada mangŭh ami nutu kieh. Kieh ngga tayung-babuk ami mbŭh ari bidosa rawan TUHAN adi Tapa ami; kieh bŭn tunda pinyipesan-I.”

JEREMIAH 32:35

Ngara mbŭh pijog mija mija-sambah yŭn Baal di Rubān Hinnom, yŭn nyadis anak anak dari ngga anak anak dayung ngara ka tapa Molech. Aku mating pesan ngara bada ndai simŭnŭ, ka bŭn-i di pikir Ku nang ngara re ndai kayuh adi mun anŭ ngga bada daya Judah bidosa.”

JEREMIAH 44:21

“Mun sadis sadis adi angān ngga tayung-babuk ngan, raja raja ngan ngga bara pinguru ngan, ka daya tarun tana rais ngan, jugan di kupo kupo di Judah ka di aran aran Jerusalem, angān pikir TUHAN dŭh puan ka mbŭh kambŭt kah?

JEREMIAH 44:5

Pak angān dŭh an dingah ka abah mbit piduri. Angān abah pasan kraja pingandai arap ngan anŭ adi jugan sadis ka tapa bŭkŭn.

JEREMIAH 48:35

Aku re pirŭŭ daya Moab jugan sadis badang di tarun yŭn ngara bisambah, ka pirŭŭ ngara jugan sadis sadis adi bŭkŭn ka tapa tapa ngara. Aku, adi TUHAN, mbŭh minyu.

JEREMIAH 7:9

Angān naku, siŭ daya, tanggah, nggen taksi kadong, jugan sadis ka Baal, ka nyambah tapa tapa adi angān bŭn puan.

EZEKIEL 16:24

di bŭngŭn barang aran kuu pijog tarun yŭn nyambah tibudo ka nyundar.

HOSEA 10:1

Daya Israel mbŭh mun tŭngŭn anggor adi sarad ngga buwa anggor. Pimudip ngara mujur, pak tanŭ ka bagŭ mija-sambah dog pijog ngara. Bagŭ buwa pimuruh ngara, pak tanŭ ka bagŭ uros pirapu' dog nyambah ngara.

HOSEA 12:11

Pak tibudo dog nyambah di Gilead, ka ngara adi nyambah-i re kabŭs. Dari sapi dog nyadis di Gilgal, ka mija mija-sambah diginŭ re jadi tugung batuh di sapa tarun.”

HOSEA 9:10

TUHAN nang, “Di andu sibungas Aku dapŭd Israel, anŭ mbŭh keya ka dapŭd anggor timbu di tarun tana-pajam. Di andu sibungas Aku kiris tayung-babuk ngan, anŭ mbŭh keya ka kiris sibungas asak buwa ara di tipuh-i. Pak kan ngara mandŭg ka Darŭd Peor, ngara piguru nyambah Baal, ka dŭh tui rasu arap mun tapa adi ngara rindu.