JEREMIAH 10:10 - Hakcipta - Biatah Bidayuh

¹⁰ Pak Kaam, TUHAN, inŭh Tapa adi sawŭ, Kaam inŭh Tapa adi udip ka raja adi tan adu adu. Kan Kaam baji, ong bigagar; bangsa bangsa dŭh tan nura baji Mai.

JEREMIAH 10:10 ပူးပေါင်းရင်းမြစ်များ

TIBIRIK 21:33

Komŭnŭ Abraham purun ndi tŭngŭn tamarisk di Beersheba ka nyambah TUHAN, adi Tapa adi udip adu adu.

1 RAJA 18:39

Kan bara daya kiris kayuh anŭ, ngara mŭŭb di tana ka nang, “TUHAN inŭh Tapa; TUHAN sadi adŭ Tapa!”

1 RAJA 8:60

Jadi sopŭrŭg bangsa di ong re puan nang TUHAN sadi inŭh Tapa — mating adi bŭkŭn.

1 KRONIKEL 29:11

Kaam inŭh bās ka bikuasa, bibragah, sangŭn, ka adi siabo bigatung. Sopŭrŭg kayuh di shorga ngga di ong inŭh jamai, ka Kaam inŭh raja, pimritah sopŭrŭg kayuh.

2 KRONIKEL 15:3

Mbŭh raru tui daya Israel udip dŭh biyŭn Tapa adi sawŭ, dŭh biyŭn imam adi ngajar ngara, ka dŭh biyŭn ukum-adat.

JOB 9:6

Tapa adi bada tana bigugoh ka adi bada tana bigŭgŭs; Ayŭh ngagar tiang tiang adi yŭn ong bisangan.

MAZMUR 10:16

TUHAN inŭh raja adi ndŭg situi tui. Ngara adi nyambah tapa tapa adi bŭkŭn re miyap so tarun tana-I.

MAZMUR 100:3

Ngaku TUHAN inŭh Tapa. Ayŭh napa ata, ka ata tung jangi; ata daya-I, ata kaban biri-I.

MAZMUR 100:5

TUHAN inŭh kana; pinyirindu-I tan adu adu ka pinyitŭtŭd-I tan ndŭg situi tui.

MAZMUR 104:32

Ayŭh tingga ong, ka-i kimŭtŭr; Ayŭh tama darŭd, ka ngara piruah asuh.

MAZMUR 114:7

Bigagar meh, tana, kan TUHAN mandŭg, di sirung jawin Tapa Jacob,

MAZMUR 145:13

Pinyipritah Mai inŭh tan adu adu, ka Kaam inŭh raja ndŭg situi tui. TUHAN inŭh tŭtŭd ngga janji-I, ka darŭm sopŭrŭg pingandai-I ayŭh puno ngga masi.

MAZMUR 146:6

adi napa rangit, ong, ka rawŭt, ka sopŭrŭg adi darŭm-i. Ayŭh ari ndai nanyam ka janji-I;

MAZMUR 18:7

Komŭnŭ tana bigagar ka bigugoh; ka sigŭn darŭd gimŭgŭs ka biguyut, amai Tapa mbŭh baji.

MAZMUR 29:10

TUHAN mritah rawŭt tŭrŭp; Ayŭh mritah nimun raja adu adu.

MAZMUR 31:5

Aku na adŭp ku ka darŭm tangan Mai. Kaam re nyiramat aku, TUHAN; Kaam Tapa adi tŭtŭd.

MAZMUR 42:2

Aku jabŭng di Kaam, Tapa adi udip; sinde aku dapŭd di nyambah di yŭn pinyirŭŭ Mai?

MAZMUR 68:11

TUHAN nggen pesan-I, ka bagŭ dayung taban agah anŭ:

MAZMUR 68:8

tana bigugoh, ka ujen rabu so rangit, sabab pimandŭg Tapa Sinai, pimandŭg Tapa Israel.

MAZMUR 74:12

Pak Kaam mbŭh raja ami so sibungas-i, O Tapa; Kaam mbŭh siraru nyiramat kieh.

MAZMUR 76:7

Pak Kaam, TUHAN, dog taru sopŭrŭg. Mating daya tungang situra jawin ngga Kaam kan Kaam baji.

MAZMUR 76:8

Kaam nggen pinganang Mai so shorga; ong mbŭh taru ka pajam,

MAZMUR 77:18

Jawŭn dudū raru tui, ka mikirab kijat pijawa ong; ka ong bigagar ka gimŭgŭs.

MAZMUR 84:2

Aku raru raan rŭŭ diginŭ! Aku raru natis an rŭŭ di Ramin TUHAN. Ngga siabo asŭng ku aku biragu amai gaŭn yŭn Tapa adi udip.

MAZMUR 9:8

Ayŭh mritah ong ngga pinŭnggŭn; Ayŭh tingga arap kana bangsa bangsa ngga pinyitŭnggŭn.

MAZMUR 90:11

Asi mbŭh kinyam kuasa bās baji Mai? Asi puan taru anŭ adi timbur sabab riyŭn Mai?

MAZMUR 90:2

Diŭ so Kaam napa dudu sandah bait napa ong, Kaam inŭh mbŭh Tapa adi tan adu adu, ka Tapa ndŭg situi tui.

MAZMUR 93:2

Takta Mai, O TUHAN, taŭn mbŭh tagap so sibungas-i ka Kaam mbŭh agi sibayuh tipuh piguru.

MAZMUR 97:4

Kijat-I pijawa ong; ong kiris-i ka kimŭtŭr.

ISAIAH 37:17

Madin TUHAN, dingah kieh ka tingga kayuh adi mbŭh jadi di kieh. Dingah sopŭrŭg kayuh adi Sennacherib nang ngga pimangŭh Kaam, Tapa adi udip.

ISAIAH 37:4

Raja-empaya Assyria mbŭh pait pingubak soldadu-i adi siabo bās pangkat-i bada ngamun Tapa adi udip. Isa-i TUHAN adi Tapa mai dingah pinganang ngamun anŭ ka ngukum ngara adi nang-i. Jadi bidua ka Tapa yŭn daya ta adi gibabŭ udip.”

ISAIAH 40:15

Di TUHAN bangsa bangsa inŭh au-tarun, dŭh rabis so ndi titeg piin; purau adi jo mbŭh jangan mun dabu.

ISAIAH 40:28

Dŭh kah angān puan? Bayuh kah angān dingah? TUHAN inŭh Tapa adi udip adu adu; Ayŭh napa ndi ong ong. Ayŭh bŭn kawŭk bait rarah. Mating daya mirati pikir kira-I.

ISAIAH 57:15

“Aku ati Tapa adi di sambu ka adi kudus. Aku rŭŭ di yŭn adi bigatung ka adi kudus, pak Aku gŭh adi rŭŭ ngga daya adi pirapat adŭp-i ka adi mbŭh marik pimudip-i pari ka Aku, isa Aku dapŭd bada pari tagap pinyabah ngga pingarap ngara.

ISAIAH 65:16

Daya adi rŭŭ di tarun tana anŭ adi mite berkat re mite dog nyiberkat Tapa adi tŭtŭd. Asi asi adi bipayu re bipayu pakai adŭn Tapa adi tŭtŭd. Pinyusah adi mbŭh ripas re miyap ka dog kambŭt.”

JEREMIAH 23:36

Jadi ngara dŭh siŭn tia nang ‘TUHAN inŭh pinyirabis bat’, sabab kambŭi agi so ngara nang sakanŭ, Aku re bada pinganang Ku sawŭ pinyirabis adi bat yŭn-i.

JEREMIAH 4:2

kuu bisa bipayu pakai adŭn Ku. Komŭnŭ sopŭrŭg bangsa re mite Aku nyiberkat ngara, ka ngara re muji Aku.”

JEREMIAH 4:24

Aku tingga darŭd, sopŭrŭg-i bigagar, ka sandah sandah biguyut.

JEREMIAH 50:46

Kan Babylon rabu, re agi jawŭn adi raru bana ndŭg ka ndi ong ong re bigugoh bada-i, ka sirais bara daya adi rŭŭ diginŭ re dapŭd dog dingah bangsa bangsa bŭkŭn.”

JEREMIAH 51:29

Ong bigagar ka bigŭgŭs sabab TUHAN mbŭh taban atur-i ngga bada Babylonia jadi tarun tana-pajam, di yŭn daya mating rŭŭ.

DANIEL 4:3

“Munki masam bās-i pingandai saruh adi Tapa kiren di aku! Munki masam saruh-i pingandai-nginga adi-I ndai! Tapa inŭh raja ndŭg situi tui; Ayŭh re adu adu mritah.

DANIEL 4:34

“Kan ju sawa anŭ mbŭh ripuan,” raja nang, “aku nyigura ka rangit, ka pikir-kira ku pari mun adi dawŭ-i. Aku muji Tapa adi Siabo Bigatung ka nggen stabi ngga bragah di Ayŭh adi udip ndŭg situi tui. “Ayŭh re mritah ndŭg situi tui, ka pritah-I re tan adu adu.

DANIEL 6:26

Aku pesan di ndi tarun tana empaya ku nang sopŭrŭg daya patut taru ka stabi di Tapa Daniel. “Ayŭh inŭh Tapa adi udip, ka Ayŭh re mritah ndŭg situi tui. Pritah-I dŭh re tungang dog nyirubuh, ka kuasa-I dŭh re mungan.

DANIEL 6:27

Ayŭh nyiramat ka pirupas; Ayŭh ndai pingandai saruh ngga pingandai-nginga di shorga ngga di ong. Ayŭh nyiramat Daniel so dog man singah.”

DANIEL 7:14

Ayŭh dog nggen kuasa, stabi, kuasa-raja, isa bara daya so barang bangsa, kaum, ngga piminyu bisa bituan di ayŭh. Kuasa-i re tan adu adu, ka pritah-i dŭh re mungan.

JOEL 2:11

TUHAN nyirais nggen ukum di bara soldadu-I. Tibaran soldadu adi tunda pinganang-I inŭh bagŭ buang bake. Munki masam sipŭ-i andu TUHAN! Mating daya re tan.

MICAH 1:4

Komŭnŭ darŭd darŭd re riris dog punda kaja-I mun dian dog apui; tana darŭd re ruruh ka rubān mun piin aman mūn sandah.

NAHUM 1:5

Darŭd darŭd bigagar di sirung jawin TUHAN; sandah sandah riris kan situra ngga Ayŭh. Ong bigugoh kan TUHAN nandŭng; ong ngga sopŭrŭg daya-i kimŭtŭr.

NAHUM 1:6

Kan Ayŭh baji, asi tan? Asi dapŭd rupas so bisā baji-I? Ayŭh piruah baji-I keya ka apui adi bijagu; batuh ruruh kan situra ngga Ayŭh.

HABAKKUK 3:10

Kan darŭd darŭd kiris Kaam, ngara kimŭtŭr; ujen rabu so rangit. Piin di ribo tana magā, ka girumbang-i raru bigatung.

HABAKKUK 3:6

Kan Ayŭh rŭŭ, ong bigugoh; bangsa bangsa kimŭtŭr kan Ayŭh kimat. Darŭd adi tan tui mbŭh asur; sandah adi tan tui mbŭh timŭtŭm, sandah di yŭn-I panu di jaman jah.

MALACHI 3:2

Pak asi re tan kinyam andu adi ngga-I mandŭg? Asi re tan kan Ayŭh pinandŭng adŭp-I? Ayŭh re keya ka sabun adi bake, keya ka apui adi pibisig basi.

MATTHEW 16:16

Simon Peter nam, “Kaam inŭh Kristus, Anak Tapa adi udip.”

MATTHEW 26:63

Pak Jesus pirŭŭ adŭp-I. Imam Bās minyu di Ayŭh dinge, “Ngga adŭn Tapa adi udip aku bada Kuu bipayu: kidaan di kieh kambŭi Kuu ati Kristus, Anak Tapa.”

JOHN 17:3

Ka udip adi sawŭ adi tan adu adu rati-i puan Kaam sadi adŭ adi Tapa, ka puan Jesus Kristus adi Kaam mbŭh bada mandŭg.

PINGANDAI 14:15

“Mani angān ndai kayuh ati? Kieh ati daya manusia mun angān! Kieh digiti kidaan Agah Kana, isa angān pasan kayuh ati adi dŭh biguna ka pari ka Tapa adi udip, adi napa rangit, ong, rawŭt, ka sopŭrŭg kayuh adi di darŭm-i.

DITRONOMI 32:4

“TUHAN inŭh pingibān ngan adi bikuasa, sukup kana ka tŭnggŭn darŭm sopŭrŭg kayuh, Tapa ngan inŭh tŭtŭd ngga sawŭ, Ayŭh ndai kayuh adi batur ngga patut.

DITRONOMI 5:26

Mbŭh kah tadŭ tadŭ manusia gibabŭ udip ripas muko dingah Tapa adi udip minyu so darŭm apui?

1 THESSALONICA 1:9

Sopŭrŭg daya minyu nang angān agi nakit kambat kieh di andu kieh munan angān, ka simuki angān mbŭh bu mangān tibudo ka pari ka Tapa, an bituan di Ayŭh adi sawŭ ka adi udip.

1 TIMOTHY 1:17

Di Raja adi udip adu adu ka adi dŭh bisa kabŭs buang adi dŭh tatŭng, Ayŭh adi ndi adŭ; di Ayŭh inŭh stabi ngga bragah ndŭg situi tui! Amen.

1 TIMOTHY 6:17

Nakit ngajar ngara adi kaya di kayuh ong siŭn dŭh jadi gambung, pak na pingarap ngara, dŭh di kayuh adi dŭh tan tui mun pinyikaya, pak di Tapa, adi ngga pinyikana-I mbŭh nggen sopŭrŭg kayuh di ata yŭn udip sanang.

HEBREW 10:31

Taŭn-i raru payah inŭh nŭŭh rabu ka darŭm tangan Tapa adi udip!

JOSHUA 3:10

Buang angān masang panu, Ayŭh tatu re pibu daya Canaan, daya Hitti, daya Hivi, daya Periz, daya Girgash, daya Amor, ka daya Jebus. Angān re puan nang Tapa adi udip agi di ruang ngan

1 JOHN 5:20

Ata puan Anak Tapa mbŭh mandŭg ka mbŭh nggen di ata pinyimirati, isa ata puan Tapa adi sawŭ. Ata udip ndi ngga Tapa adi sawŭ, amai ata udip ndi ngga Anak-I Jesus Kristus. Ati inŭh Tapa adi sawŭ, ka ati inŭh udip adi sawŭ adi tan adu adu.

PINANDŬNG 20:11

Komŭnŭ aku kiris takta bās adi buda ngga sianŭ adi guru dieh. Ong ngga rangit babak bu so sirung jawin-I ka dŭh tia dog kiris.

AKIM 5:4

O TUHAN, di tika Kaam bu so darŭd Seir, di tika Kaam ruah so abong tarun tana Edom, tana bigugoh, ka ujen rabu so rangit, sawŭ, piin dog basen so kruman.

1 SAMUEL 17:26

David siken bara daya adi sindŭk ayŭh, “Ani upah daya adi siŭ daya Philistine anŭ ka pirupas Israel so dog pimangŭh? Buang ja, asi daya Philistine anŭ adi dŭh puan Tapa, adi natang bara soldadu Tapa adi udip?”

1 SAMUEL 17:36

Aku muko siŭ singah ngga buāng, aku re ndai simŭnŭ gŭh di daya Philistine anŭ adi dŭh puan Tapa, adi natang bara soldadu Tapa adi udip.