JEREMIAH 1:9 - Hakcipta - Biatah Bidayuh

⁹ Komŭnŭ TUHAN ton tangan-I, tama bibis ku, ka nang di aku, “Dingah, Aku nggen di kuu buwa pinganang adi kuu re nang.

JEREMIAH 1:9 ပူးပေါင်းရင်းမြစ်များ

ISAIAH 49:2

Ayŭh bada pinganang ku reja mun pedang. Ngga tangan adŭp-I Ayŭh grindung aku. Ayŭh ndai aku bada mun reja-panah, reja ka mbŭh sidia yŭn dog pakai.

ISAIAH 50:4

TUHAN Raja mbŭh ngajar aku kayuh adi re ku nang, isa aku bisa nyibake ngara adi mbŭh rarah. Barang isan Ayŭh bada aku graŭh an dingah kayuh adi Ayŭh ngajar di aku.

ISAIAH 51:16

Aku mamad rangit ka na pimŭnŭs ong; Aku nang di Jerusalem, ‘Kuu inŭh daya Ku! Aku mbŭh nggen di kuu ajar Ku, Aku grindung kuu ngga tangan Ku.’ ”

ISAIAH 59:21

Aku ndai simanya ngga angān: Aku mbŭh nggen di angān kuasa Ku ngga Ajar Ku adi re jadi jangān ndŭg situi tui, ka so madin angān re tunda pinganang Ku ka ngajar anak anak ngan ka sesang sesang ngan bada tunda pinganang Ku ndŭg situi tui.”

JEREMIAH 15:19

TUHAN nam, “Kambŭi kuu pari, Aku trima kuu, ka kuu re jadi urun Ku dinge. So kuu minyu nang kayuh adi sipadin, kana dŭ kuu piagah pinganang adi biguna, ka kuu re pari jadi nabi Ku. Adŭp daya re tudu kuu, dŭhsah kuu tudu ngara.

JEREMIAH 34:6

Komŭnŭ aku nggen pinganang anŭ ka Raja Zedekiah di Jerusalem

JEREMIAH 36:2

“Tambit surat-barun ka nuris dieh sopŭrŭg kayuh adi Aku mbŭh kidaan di kuu pasar Israel ngga Judah ngga bangsa bangsa. Nuris sopŭrŭg kayuh adi Aku mbŭh kidaan di kuu so tika adi ngga Aku minyu ngga kuu di sibungas-i, kan Josiah mbŭh jadi raja, ndŭg andu ati.

EZEKIEL 3:10

Tapa pijuu minyu, “Manusia, nakit dingah ka ingat sopŭrŭg kayuh adi Aku nang di kuu.

DANIEL 10:10

Komŭnŭ agi tangan tama aku ka turung aku makat bisangan di tangan ngga kaja ku; aku gibabŭ kimŭtŭr.

DANIEL 10:16

Komŭnŭ malaikat anŭ, adi mun manusia, ton tangan-i ka tama bibis ku. Aku nang di ayŭh, “Tuan, kayuh adi kiris ku anŭ keya ka darŭm pŭmŭh mbŭh bada aku raru ramah ndŭg ka dŭh ko ko kimŭtŭr.

PINYIKIANG 23:5

TUHAN kidaan di Balaam kayuh adi patut-i nang, ka bada ayŭh pari ka yŭn Balak bada nggen pinganang-I di ayŭh.

MATTHEW 10:19

Kan ngara taban angān yŭn dog bisara, dŭhnyah gapang pasar ani re ngan nang, puan kah munki angān nang-i; kan tipuh-i mandŭg, angān re dog nggen kayuh adi re ngan nang.

MARK 7:33

Jesus taban ayŭh bu, jo so daya bagŭ, na trinju-I di kajit-i, nyiruja, ka tama jura-i.

LUKE 12:12

Amai Roh Kudus re ngajar angān di tika anŭ kayuh adi patut angān nang.”

LUKE 21:15

sabab Aku re nggen di angān bang bang piminyu samŭn pinyibijak adi pinganyu ngan dŭh tungang rawan bait matah.

DITRONOMI 18:16

“Di andu adi ngga angān tikuruk di Darŭd Sinai, angān mite adŭp ngan dŭh tia dingah TUHAN minyu, bait tingga Ayŭh nandŭng darŭm jireb apui, amai angān taru adŭp ngan kabŭs.

DITRONOMI 18:17

Jadi TUHAN nang di aku, ‘Raru bijak pimite ngara.

DITRONOMI 18:18

Aku re pait ndi naan nabi adi mun kuu ka yŭn ngara so ruang bangsa adŭp ngara. Aku re kidaan di ayŭh kayuh adi re-i nang, ka ayŭh re kidaan di ngara sopŭrŭg kayuh adi Aku pesan.