JEREMIAH 1:8 - Hakcipta - Biatah Bidayuh

⁸ Dŭhnyah taru ngara, amai Aku re agi ngga kuu ka grindung kuu. Aku, adi TUHAN, mbŭh minyu!”

JEREMIAH 1:8 ပူးပေါင်းရင်းမြစ်များ

PINYIRUAH 3:12

Tapa nam, “Aku re agi ngga kuu, ka kan kuu mbŭh taban daya Israel ngga ruah so Egypt, kuu re nyambah Aku di darŭd ati. Anŭ re jadi tandā adi kiren Aku mbŭh pait kuu.”

ISAIAH 43:2

Kan kuu mutas rawŭt adi tŭrŭp, Aku re agi ngga kuu; pinyusah mu re dŭh ngarah kuu. Kan kuu mutas apui, kuu re dŭh sau; pisuba adi bat adi dog kuu re dŭh kandam kuu.

ISAIAH 51:12

TUHAN nang, “Aku inŭh adi nyibake angān. Ngga mani angān taru daya adi bisa kabŭs, adi mun uduh adi rikas rayu?

ISAIAH 51:7

“Dingah Aku, angān adi puan kayuh adi batur, adi mbŭh nyikŭn ajar ku darŭm atin ngan. Dŭhnyah taru kan daya kinuas ka ngamun angān;

JEREMIAH 1:17

Sidia adŭp mu, Jeremiah; panu di kidaan di ngara sopŭrŭg kayuh adi Aku pesan di kuu bada nang. Dŭhnyah taru ngara madin, te Aku bada kuu rabis taru kan kuu mbŭh situra jawin ngga ngara rai-i.

JEREMIAH 20:11

Pak Kaam, TUHAN, agi parad ka aku, bake buang bikuasa, ka ngara adi kisiis aku re rabu ka dŭh bigaya. Ngara re dog pimangŭh ndŭg situi tui, sabab ngara dŭh mujur di pingandai ngara anŭ. Mangŭh ngara re dŭh dog kambŭt.

JEREMIAH 30:11

Aku re mandŭg ka angān ka nyiramat angān. Aku re pirabur sopŭrŭg bangsa tarun yŭn Aku mbŭh bada angān papar sasah, pak Aku dŭh re pirabur angān. Aku dŭh re tandah angān dŭh dog ukum; pak kan Aku ngukum angān, Aku ngukum ngga pinyitŭnggŭn. Aku, adi TUHAN, mbŭh minyu.”

JEREMIAH 39:11

Raja Nebuchadnezzar pesan di Nebuzaradan, adi pingibās soldadu, bada nggen ukum sakati:

JEREMIAH 42:11

Dŭh tia taru raja Babylonia. Aku agi ngga angān, ka Aku re nyiramat angān so kuasa-i.

DANIEL 3:17

Kambŭi Tapa adi yŭn ami bituan dapŭd nyiramat kieh so buwang apui adi bijagu apui dieh ka so kuasa mai, Ayŭh dŭh re dŭh nyiramat kieh.

DANIEL 3:25

“Ka mani ata kiris pat naan daya bijaruh di darŭm apui anŭ?” ayŭh siken. “Ngara dŭh dog mŭŭng, ka ngara dŭh gŭh kinaman — ka ndi naan so ngara adi pat anŭ mun malaikat.”

MATTHEW 10:26

“Jadi dŭhnyah taru daya. Ani ani adi dog sukan madin re dog kiruwar, ka barang masam rusia re dog puan.

MATTHEW 28:20

ka ngajar ngara da sita sopŭrŭg kayuh adi Aku ko pesan di angān. Aku re ari agi ngga angān, ndŭg Andu Sikasŭn.”

PINGANDAI 18:10

amai Aku agi ngga kuu. Mating daya re tungang ida ida ngga kuu, amai bagŭ daya di kupo ati mbŭh daya Ku.”

PINGANDAI 26:17

Aku re nyiramat kuu so tangan daya Israel ka so tangan daya adi dŭh bangsa Jahudi, adi yŭn Ku re pait kuu.

PINGANDAI 4:13

Bara daya Kunsil mbŭh inga inga kiris munki masam birani-i Peter ngga John, buang gŭh dinge ngara duwŭh mbŭh daya adi dŭh biyŭn sikura. Ka ngara gŭh rada nang ngara duwŭh anŭ taŭn ko biayo ngga Jesus.

PINGANDAI 4:29

Ka tingga meh madin, Tuhan, munki masam ngara natang kieh. Turung kieh, bara urun Mai piagah agah Mai ngga atin pagan.

EPHESUS 6:20

Sitagar Agah Kana anŭ aku mbŭh jadi ndi masam pinyisung, sunggu aku madin darŭm jer. Simayang yŭn ku isa aku pagan, nanyam patut, minyu pasar Agah Kana anŭ.

DITRONOMI 31:6

Angān dŭh siŭn dŭh birani ka dŭhnyah bada atin ngan arot. Dŭhnyah taru ngara. Tapa ngan, adi adŭp-I TUHAN, re agi ngga angān. Ayŭh dŭh re tandah angān puan kah tagan angān.”

DITRONOMI 31:8

Adŭp TUHAN re nguru angān ka re agi ngga angān. Ayŭh dŭh re tandah angān puan kah tagan angān, jadi dŭhnyah jimŭ puan kah taru.”

JOSHUA 1:5

Joshua, mating daya re tungang ngarah kuu sitŭkŭd kuu udip. Aku re agi ngga kuu nimun Aku agi ngga Moses. Aku re ari agi ngga kuu; Aku dŭh re tagan kuu.

JOSHUA 1:9

Ingat Aku mbŭh pesan di kuu nang kuu dŭh siŭn dŭh birani buang dŭhnyah bada atin mu arot! Dŭhnyah taru puan kah jimŭ; Aku, TUHAN adi Tapa mu, agi ngga kuu di barang ka yŭn kuu panu.”