JEREMIAH 1:7 - Hakcipta - Biatah Bidayuh

⁷ Pak TUHAN nang di aku, “Dŭhnyah nang adŭp mu gibabŭ mara, pak di adŭ ka yŭn daya adi Aku bada kuu tudu, ka kidaan di ngara sopŭrŭg kayuh adi Aku bada kuu kidaan.

JEREMIAH 1:7 ပူးပေါင်းရင်းမြစ်များ

1 RAJA 22:14

Pak Micaiah nam, “Ngga adŭn TUHAN adi udip aku bijanji aku re nang kayuh adi Ayŭh bada aku nang!”

1 RAJA 3:7

O TUHAN Tapa, Kaam mbŭh bada aku gati sama ku jadi raja, sunggu aku gi-raru mara ka dŭh puan simuki nŭŭh mritah.

2 KRONIKEL 18:13

Pak Micaiah nam, “Ngga adŭn TUHAN, aku re nang kayuh adi Tapa ku bada aku nang!”

PINYIRUAH 6:29

Ayŭh nang, “Aku ati TUHAN. Kidaan di raja Egypt sopŭrŭg kayuh adi Aku kidaan di kuu.”

JEREMIAH 26:2

TUHAN nang di aku, “Mijog di badag Ramin TUHAN ka piagah sopŭrŭg kayuh adi Aku mbŭh pesan bada kuu nang di daya adi mandŭg so kupo kupo Judah di nyambah diginŭ. Dŭh bada ndi buwa pinganang anŭ kurang.

JEREMIAH 43:1

Aku muko kidaan sopŭrŭg kayuh adi TUHAN Tapa ngara bada aku kidaan di ngara.

JEREMIAH 7:27

“Jadi, Jeremiah, kan kuu kidaan sopŭrŭg pinganang ati di daya Ku, ngara dŭh re an dingah kuu; kuu re bagan ngara pak ngara re dŭh nam.

EZEKIEL 2:7

Kuu re kidaan di ngara tadŭ kayuh adi Aku kidaan di kuu bada nang, bait-i ngara dingah bait dŭh. Ingat nŭh sopŭrŭg ngara inŭh daya adi an birawan.

EZEKIEL 3:27

Komŭnŭ, kan Aku minyu ngga kuu dinge ka bada kuu dapŭd minyu dinge, kuu re kidaan di ngara kayuh adi Aku, adi TUHAN Raja, nang. Kada so ngara re dingah, pak kada re dŭh piduri kuu, amai ngara inŭh bangsa adi an birawan.”

AMOS 7:15

Pak TUHAN tambit aku so kraja ku adi pingingat-biri ka mritah aku bada mandŭg di minyu-binabi di daya-I Israel.

JONAH 3:2

Ayŭh nang, “Di ka Nineveh, kupo bās anŭ, ka kidaan di daya diginŭ pinganang adi Aku mbŭh nggen di kuu.”

PINYIKIANG 22:20

Ngarŭm anŭ Tapa mandŭg ka yŭn Balaam ka nang, “Kambŭi bara daya anŭ mbŭh mandŭg an mite kuu tunda adŭp-i, sidia adŭp mu ka di, pak ndai anŭ adi Aku bada kuu ndai adŭ.”

PINYIKIANG 22:38

Balaam nam, “Dŭh kah aku agi mandŭg? Pak madin, ani kuasa ku? Kaŭs aku bisa nang anŭ adi Tapa bada aku nang.”

MATTHEW 28:20

ka ngajar ngara da sita sopŭrŭg kayuh adi Aku ko pesan di angān. Aku re ari agi ngga angān, ndŭg Andu Sikasŭn.”

PINGANDAI 20:27

Amai aku bŭn abah kidaan di angān sopŭrŭg kayuh adi Tapa raan angān puan.