JEREMIAH 1:16 - Hakcipta - Biatah Bidayuh

¹⁶ Aku re ngukum daya Ku sabab ngara mbŭh bidosa; ngara mbŭh tagan Aku, mbŭh jugan sadis sadis ka tapa bŭkŭn, ka mbŭh ndai tibudo ka nyambah-i.

JEREMIAH 1:16 ပူးပေါင်းရင်းမြစ်များ

2 RAJA 22:17

Ngara mbŭh tirawan Aku ka mbŭh jugan sadis ka tapa bŭkŭn, ka mbŭh kinuas Aku ngga sopŭrŭg kayuh adi ngara mbŭh ndai. Jerusalem mbŭh kinuas Aku, ka baji Ku dŭh re ko.

2 KRONIKEL 15:2

ka ayŭh di bidapŭd ngga Raja Asa. Ayŭh nang, “Dingah aku, Raja Asa, ngga sopŭrŭg daya Judah ngga Benjamin! TUHAN agi ngga angān atas angān agi ngga Ayŭh. Kambŭi angān jiroh Ayŭh, Ayŭh re bada angān dapŭd adŭp-I, pak kambŭi angān tagan Ayŭh, Ayŭh re tagan angān.

2 KRONIKEL 28:2

ka tunda suto danding raja raja Israel. Ayŭh ndai gayŭn gayŭn Baal so basi,

2 KRONIKEL 34:25

Ngara mbŭh tirawan Aku ka mbŭh jugan sadis ka tapa tapa bŭkŭn, ka mbŭh kinuas Aku ngga sopŭrŭg pingandai ngara. Jerusalem mbŭh kinuas Aku ka baji Ku dŭh re pura.

2 KRONIKEL 7:19

Pak kambŭi kuu ngga daya mu dŭh tunda ukum-adat ngga pesan Ku adi Aku mbŭh nggen di kuu, ka nyambah tapa bŭkŭn,

ISAIAH 2:8

Tarun tana ngara puno ngga tibudo, ka ngara nyambah kayuh adi dog ndai so tangan adŭp ngara.

ISAIAH 37:19

ka badang tapa tapa ngara — adi tapa au-tarun, adi kaŭs-i gayŭn dog ndai ngga tangan manusia so kayuh ngga batuh.

ISAIAH 44:15

Daya pakai kada apŭg tŭngŭn kayuh ndu uwang ka kada-i ngga ndai tibudo. Kada-i ngga ndai apui ngga nyinduh ka ngga ndai ruti. Adi bŭkŭn ayŭh pakai ngga ndai tapa adi-i nyambah.

ISAIAH 65:3

Ngga dŭh mangŭh ngara adu adu bada Aku baji. Ngara jugan sadis adat karŭm di teya pirapu' ka badang kimanyan di tunduh mija-sambah adat karŭm.

JEREMIAH 10:15

Tibudo tibudo anŭ dŭh biguna ka patut dog ngamun; sopŭrŭg-i re dog pirabur kan TUHAN mandŭg di pitumbang-i.

JEREMIAH 10:3

Adat bangsa bangsa anŭ dŭh biguna. Tŭngŭn kayuh dog tabŭng di tuān; tŭngŭn anŭ dog mŭŭt ngga pingakas tukang kayuh,

JEREMIAH 11:12

Komŭnŭ daya Judah ngga daya Jerusalem re di ka tapa tapa adi yŭn ngara jugan sadis ka mite turung so tapa tapa anŭ. Pak tapa tapa anŭ re dŭh dapŭd nyiramat ngara kan pinyirusag anŭ mandŭg.

JEREMIAH 11:17

“Aku, adi TUHAN Bisa-pŭrŭg, adi purun Israel ngga Judah; pak madin Aku bada pinyirusag nyatŭk ngara. Adŭp ngara adi bada kayuh anŭ nyatŭk ngara, so pingandai ngara adi sarah. Ngara bada Aku baji ngga pingandai ngara adi jugan sadis ka Baal.”

JEREMIAH 15:6

Angān mbŭh tirawan Aku; angān mbŭh nyipunok Aku. Ngapŭi Aku pakat tangan Ku ka pirandŭk angān sabab Aku mbŭh reju nyijŭn baji Ku.

JEREMIAH 16:11

Kidaan di ngara nang TUHAN mbŭh nang, ‘Tayung-babuk ngan bu so Aku ka nyambah ka bituan di tapa tapa bŭkŭn. Ngara tagan Aku ka abah tunda ajar Ku.

JEREMIAH 17:13

TUHAN, Kaam inŭh pingarap Israel; sopŭrŭg adi tagan Kaam re dog pimangŭh. Ngara re miyap mun dŭn dŭn daya adi dog nuris di runas, sabab ngara mbŭh tagan Kaam, adi TUHAN, adi atak piin adi nggen udip.

JEREMIAH 18:15

Pak daya Ku kambŭt Aku; ngara badang kimanyan ka tibudo. Ngara mbŭh sikak sikakong di aran adi ngara mien, ngara dŭh tia kadŭg aran adi amba; ngara panu di aran adi bayuh dog pirata.

JEREMIAH 19:4

Aku re ndai simŭnŭ sabab daya mbŭh tagan Aku ka mbŭh nyembar tarun ati ngga kraja ngara adi jugan sadis ka tapa tapa bŭkŭn; tapa tapa adi dŭh ngara bait tayung-babuk ngara, bait raja raja Judah puan. Ngara mbŭh ngisi tarun ati ngga deya daya adi dŭh sarah,

JEREMIAH 2:13

amai daya Ku mbŭh ndai duwŭh dosa: ngara mbŭh tagan Aku, atak piin bisig, ka ngara mbŭh kareh pagong, pagong adi siret ka adi dŭh adŭ dapŭd nyikŭn piin.

JEREMIAH 2:17

Israel, kuu bada kayuh ati nyatŭk adŭp mu! Kuu tagan Aku, adi TUHAN Tapa mu, darŭm Aku kayak nyiruton kuu.

JEREMIAH 2:19

Arap adŭp mu re ngukum kuu, ka urah mu adi tagan Aku re nunggu kuu. Kuu re puan munki masam sipŭ buang arap-i kuu tagan Aku, adi TUHAN Tapa mu, buang kuu mbŭh dŭh tia tŭtŭd di Aku. Aku, adi TUHAN Raja adi Bisa-pŭrŭg, mbŭh minyu.”

JEREMIAH 2:28

“Diki tapa tapa anŭ adi ko angān ndai yŭn adŭp ngan? Kan angān dog pinyusah, bada ngara nyiramat angān, kambŭi ngara dapŭd? Judah, kuu biyŭn raru bagŭ tapa kiang dudu kupo mu.

JEREMIAH 4:12

Sabak adi mandŭg so ka pesan TUHAN inŭh bake so anŭ! Adŭp TUHAN inŭh adi pirabu ukum di tunduh daya-I.

JEREMIAH 4:28

Ong re ngurid; rangit re karŭm. TUHAN mbŭh minyu ka re dŭh nukar pikir-I. Ayŭh mbŭh matŭd pikir-I ka re dŭh pari.

JEREMIAH 44:17

Kieh re ndai sopŭrŭg anŭ adi kieh nang re ndai. Kieh re jugan sadis ka tapa ami, Rani Shorga, ka kieh re jugan sadis wain ka ayŭh, nimun adi mbŭh ami ngga tayung-babuk ami, raja ami ka pinguru ami ari ndai di kupo kupo di Judah ka di aran aran di Jerusalem. Komŭnŭ kieh re biyŭn bagŭ pinguman, kieh re udip mujur, ka dŭh biyŭn pinyusah.

JEREMIAH 5:29

“Pak Aku, adi TUHAN, re ngukum ngara amai kayuh kayuh anŭ; Aku re maras dendam di tunduh bangsa ati.

JEREMIAH 5:9

Re dŭh kah Aku ngukum ngara amai sopŭrŭg anŭ ka maras dendam di bangsa adi mun anŭ?

JEREMIAH 51:17

Kiris kayuh anŭ, daya jadi budo ka dŭh puan ani ani; ngara adi ndai tibudo mbŭh asa sabab tapa tapa adi ngara ndai dŭh biyŭn asŭng.

JEREMIAH 7:17

Adŭp mu mbŭh kiris kayuh adi ngara ndai di kupo kupo Judah ka di aran aran Jerusalem!

JEREMIAH 7:18

Anak-anya ndu uwang, bara dari ndai apui, ka bara dayung kunyu tibaduk ngga ndai kue yŭn tapa dayung adi ngara kadŭn Rani Shorga. Ngara gŭh jugan sadis wain ka tapa tapa adi bŭkŭn, ngga kandam Aku.

JEREMIAH 7:9

Angān naku, siŭ daya, tanggah, nggen taksi kadong, jugan sadis ka Baal, ka nyambah tapa tapa adi angān bŭn puan.

EZEKIEL 16:18

Kuu tambit piraka adi dog ngabuh ngga butik bunga jiit adi Aku nggen di kuu ka na-i di patong patong anŭ, ka kuu jugan ka patong patong anŭ inyo kanā ngga kimanyan adi muko Aku nggen di kuu.

EZEKIEL 24:14

Aku, adi TUHAN Raja, mbŭh minyu. Tika-i mbŭh mandŭg adi ngga Ku ngukum. Aku dŭh re tandah dosa mu bait kiren masi di kuu. Kuu re dog ukum amai kayuh adi kuu mbŭh ndai.” TUHAN Raja mbŭh minyu.

HOSEA 11:2

Pak makin Aku bagan ayŭh, makin ka ayŭh bu so Aku. Daya Ku nyadis ka Baal; ngara badang kimanyan ka tibudo.

HOSEA 8:6

Ndi naan daya Israel adi tukang, ndai tibudo, adi taŭn dŭh tapa! Sapi mas adi dog nyambah di Samaria re dog mape bada asur!

JOEL 2:11

TUHAN nyirais nggen ukum di bara soldadu-I. Tibaran soldadu adi tunda pinganang-I inŭh bagŭ buang bake. Munki masam sipŭ-i andu TUHAN! Mating daya re tan.

PINGANDAI 7:41

Jadi ngara ndai tibudo nunda gayŭn pŭrŭng anak sapi, jugan sadis dieh, ka ndai gawai ngga nyibragah kayuh adi adŭp ngara mbŭh ndai.

DITRONOMI 28:20

“Kambŭi angān ndai kayuh adi arap ka nyipunok TUHAN, Ayŭh re taban ka angān pinyirusag, pinyiriruk, ngga pinyusah di barang kayuh adi angān ndai, ndŭg ka angān rasu rarap dog pirabur.

DITRONOMI 31:16

TUHAN nang di Moses, “Kuu dŭm dŭh tui re kabŭs, ka ripas pinyikabŭs mu bara daya re dŭh tia tŭtŭd di Aku ka miranggar simanya adi Aku muko ndai ngga ngara. Ngara re tagan Aku ka nyambah tapa tapa adi dog nyambah di tarun tana adi ngara re ngisi.

JOSHUA 24:20

ka kambŭi angān tingge Ayŭh amai an bituan di tapa adi saruh, Ayŭh re rawan angān ka ngukum angān. Ayŭh re pirabur angān sunggu Ayŭh ko kana ngga angān.”

PINANDŬNG 9:20

Bara rayat manusia adi bŭkŭn, sopŭrŭg adi dŭh kabŭs da susah-bās anŭ, dŭh an taran kayuh adi ngara ko ndai. Ngara abah ko nyambah umot, bait kah tibudo adi dog ndai so mas, pirak, timaga, batuh, puan kah so apŭg kayuh, adi dŭh kiris tarun, adi dŭh dingah kayuh, ka adi dŭh panu.