JEREMIAH 1:15 - Hakcipta - Biatah Bidayuh

¹⁵ sabab Aku bagan sopŭrŭg bangsa di utara bada mandŭg. Raja raja ngara re pijog takta takta ngara di tiban-bās Jerusalem ka maning sindung-i, ka maning kupo kupo Judah adi bŭkŭn.

JEREMIAH 1:15 ပူးပေါင်းရင်းမြစ်များ

ISAIAH 22:7

Rubān rubān di Judah mbŭh puno ngga krita kuda; bara soldadu pinunggang kuda mijog di jawin tiban-bās Jerusalem.

JEREMIAH 10:22

Dingah! Agah mbŭh mandŭg! Agi ndi bangsa di utara adi taban pito bās; tibaran bara soldadu-i re pirabur kupo kupo Judah bada jadi tarun tana-pajam, tarun adi yŭn kasong kasong tarun udip.”

JEREMIAH 10:25

Taran baji Mai di bangsa bangsa adi dŭh nyambah Kaam ka di tunduh daya adi tirawan Kaam. Ngara mbŭh siŭ daya Mai; ngara mbŭh bandar bandar pirabur kieh ka bada rais ami jadi tibawang.

JEREMIAH 13:20

Jerusalem, tingga! Pinganyu mu mbŭh mandŭg so utara! Diki daya adi kuu grindung, daya adi kuu raru ngangŭn?

JEREMIAH 25:28

Ka kambŭi ngara abah tambit saker anŭ so tangan mu ka dŭh nok-i, kidaan di ngara nang TUHAN Bisa-pŭrŭg mbŭh nang ngara babŭ gŭh re nok so saker anŭ.

JEREMIAH 25:9

‘Aku re bagan sopŭrŭg daya di utara samŭn urun Ku, Raja Nebuchadnezzar so Babylonia. Aku re bada ngara rawan Judah ngga sopŭrŭg adi rŭŭ dieh samŭn bangsa bangsa adi rŭŭ maning-i. Aku re pirabur bangsa ati samŭn ngara adi maning-i ka tandah-i adu adu jadi tibawang. Anŭ re kayuh adi sipŭ ka adi gŭgŭh daya kiris. Aku, adi TUHAN, mbŭh minyu.

JEREMIAH 33:10

TUHAN nang, “Daya nang tarun yŭn ati mun tarun tana-pajam, adi mating daya bait dāng rŭŭ dieh. Ka pinganang ngara sawŭ; kupo kupo Judah ngga aran aran di Jerusalem mbŭh mating daya dieh; mating daya bait dāng rŭŭ dieh. Pak di tarun tarun yŭn anŭ angān re dingah dinge

JEREMIAH 34:1

TUHAN minyu ngga aku kan Raja Nebuchadnezzar so Babylonia ngga tibaran bara soldadu-i, adi dog batu bara soldadu so rais rais ngga bangsa bangsa adi mbŭh di ribo-i, nyerang Jerusalem ngga kupo kupo maning-i.

JEREMIAH 34:22

Aku re pesan, ka ngara re pari ka kupo ati. Ngara re nyerang-i, sirabut-i, ka badang-i. Aku re bada kupo kupo Judah mun tarun tana-pajam di yŭn daya mating rŭŭ dieh. Aku, adi TUHAN, mbŭh minyu.”

JEREMIAH 39:3

(Kan Jerusalem dog sirabut, sopŭrŭg pingubak soldadu raja Babylonia adi baga pangkat-i mandŭg ka guru di Tiban Yūn, samŭn Nergal Sarezer, Samgar Nebo, Sarsechim, ka Nergal Sarezer adi bŭkŭn).

JEREMIAH 4:16

Ngara mbŭh mandŭg an bakan bangsa bangsa ka kidaan di Jerusalem nang pinganyu mbŭh aŭn mandŭg so rais adi jo. Bara pinganyu anŭ re nyirais natang kupo kupo Judah

JEREMIAH 4:6

Tiju aran di ka Zion! Rikas di nyiramat adŭp ngan! Dŭhnyah nyikite! TUHAN inŭh taban pinyirusag ngga pinyirabur so utara.

JEREMIAH 43:10

Komŭnŭ kidaan di ngara nang Aku, adi TUHAN Bisa-pŭrŭg, adi Tapa Israel, re taban urun Ku Raja Nebuchadnezzar so Babylonia kamati, ka ayŭh re na takta-i di tunduh batuh batuh anŭ adi kuu kubur, ka re nutu-i ngga bari raja.

JEREMIAH 44:6

Jadi baji bangok Ku nyatŭk kupo kupo di Judah ka di aran aran di Jerusalem, ka Aku sigot sopŭrŭg-i. Sopŭrŭg anŭ mbŭh jadi tugung rakang tibawang adi tikŭnŭd daya kiris, ndŭg andu ati.

JEREMIAH 46:24

Daya Egypt dog pimangŭh; ngara dog ngarah daya so utara. Aku, adi TUHAN, mbŭh minyu.”

JEREMIAH 5:15

Daya Israel, TUHAN inŭh taban ndi bangsa so tarun adi jo bada nyerang angān. Anŭ inŭh bangsa adi bake adi mbŭh agi so jah, ka piminyu-i angān dŭh puan.

JEREMIAH 6:22

TUHAN nang, “Daya re mandŭg so ndi rais di utara; bangsa adi bikuasa adi jo mbŭh sidia yŭn biperang.

JEREMIAH 9:11

TUHAN nang, “Aku re bada Jerusalem jadi tugung rakang tibawang, tarun yŭn kasong tarun rŭŭ; kupo kupo Judah re jadi tarun tana-pajam, tarun adi dŭh daya yŭn rŭŭ.”

PUĀS 5:11

Bara sawŭn ami dog miragag di Sandah Zion; di barang anak kupo Judah anak anak dayung ami dog takan bada nggen adŭp-i.

EZEKIEL 32:30

“Sopŭrŭg pinguasa di rais rais di utara agi diginŭ, ka simŭnŭ gŭh bara daya Sidon. Kuasa ngara ko dawŭ-i nimbur pinyitaru, pak madin ngara kabŭs gŭrŭng mangŭh ngga ngara adi dog siŭ darŭm perang. Ngara dog kubur samah ngara adi dŭh puan Tapa. Ngara samah dapu mangŭh ngara adi mūn ka ong daya adi mbŭh kabŭs.

JOEL 2:20

Aku re kadi bara tibaran kadis adi mandŭg so utara ka re kasig kada-i ka tarun tana-pajam. Bara-i adi tura ka jawin re dog kasig ka Rawŭt Pide, bara adi tura ka punok ka rawŭt Mediterranean. Tadang ngara re buuh madam. Aku re pirabur ngara sabab sopŭrŭg kayuh adi ngara mbŭh ndai di tunduh ngan.

ZECHARIAH 6:6

Krita kuda adi dog tarik kuda kuda adi singŭt inŭh masang ka parad ka utara nuju Babylonia, kuda kuda adi buda inŭh masang ka parad ka barat, ka adi bibatŭng masang ka rais di siratan.