JAMES 5:7 - Hakcipta - Biatah Bidayuh

⁷ Sabar meh angān adi bara dingan ku, ndŭg ka Tuhan mandŭg. Tingga munki masam sabar-i bara tukang-teya darŭm ngara kajŭn tana piruah buwa adi brega. Ngga atin sabar ngara kajŭn ujen di tipuh jaya ngga di tipuh bunga.

JAMES 5:7 ပူးပေါင်းရင်းမြစ်များ

JEREMIAH 5:24

Angān bŭn bipikir re an stabi di Aku, sunggu Aku adi nggen ujen di tipuh jaya ngga ujen di tipuh bunga, ka nggen di angān tipuh ngatŭm barang sawa.

HOSEA 6:3

Ja ata suba puan TUHAN. Ayŭh re sawŭ mandŭg ka ata nimun batŭh andu sawŭ re makat, nimun ujen adi misa tana sawŭ re mandŭg di tipuh bunga.”

JOEL 2:23

“Gaŭn angān, daya Zion, gaŭn meh angān amai kayuh adi TUHAN adi Tapa ngan mbŭh ndai yŭn ngan. Ayŭh mbŭh nggen di angān sukup ujen di tipuh jaya; Ayŭh mbŭh ren ujen tipuh madud ka ujen tipuh bunga mun dawŭ-i yŭn ngan.

ZECHARIAH 10:1

Mite TUHAN nggen ujen di tipuh bunga. TUHAN inŭh adi bada kruman mandŭg taban ujen ndŭg ka tana jadi barŭm yŭn barang naan daya.

MATTHEW 16:27

Amai Anak Manusia mbŭh re rikas mandŭg darŭm bragah Sama-I ngga bara Malaikat-I, ka-I re ngupah barang naan daya nanyam ka pingandai-i.

MATTHEW 16:28

Puan meh! Agi kada ngara digiti dŭh re kabŭs sibayuh ngara kiris Anak Manusia mandŭg nimun Raja.”

MATTHEW 24:27

Amai Anak Manusia re mandŭg keya ka kijat adi mikirab di rangit nyekar so timor ndŭg barat.

MATTHEW 24:44

Ngapŭi meh, angān dŭh siŭn dŭh gŭh an ari sidia, sabab Anak Manusia re mandŭg di jam adi angān dŭh puan Ayŭh mandŭg.

LUKE 18:8

Aku kidaan di angān, Ayŭh re bigaut turung ngara. Pak re Anak Manusia dapŭd kah dŭh daya adi sabah di adŭp-I kan Ayŭh mandŭg?”

LUKE 21:27

Nganŭ Anak Manusia re nandŭng, mandŭg darŭm abun ngga kuasa bās ka bragah.

LUKE 8:15

Bine adi rabu di tana adi mandis, rati-i ngara adi dingah agah anŭ ka nyikŭn-i darŭm atin adi kana ka nundok; ngara bijijŭ ndŭg ka ngara buān buwa.”

JOHN 21:22

Jesus nam ayŭh, “Kambŭi Aku raan ayŭh udip ndŭg ka Aku mandŭg dinge, ani meh anŭ di kuu? Tunda Aku!”

JOHN 21:23

Jadi so pinganang anŭ, bara pinunda adi bŭkŭn samah nang murid anŭ dŭh re kabŭs. Pak Jesus mating nang ayŭh dŭh re kabŭs; Ayŭh batur nang, “Kambŭi Aku raan ayŭh udip ndŭg ka Aku mandŭg dinge, ani meh anŭ di kuu?”

ROME 15:4

Sopŭrŭg kayuh adi dog nuris darŭm Surat-kudus mbŭh dog nuris ngga ngajar ata, siŭn ata bisa biyŭn pingarap so ka atin sabar ngga pingatat adi Surat-kudus nggen di ata.

ROME 2:7

Agi kada daya piguruh adŭp-i ndai kana, ka jiroh bragah, stabi, ka pimudip adi dŭh puan pinyikabŭs; di ngara Tapa re nggen udip adi sawŭ adi tan adu adu.

1 CORINTH 1:7

adi bada angān biar dŭh kurang ndi berkat, darŭm angān kajŭn Tuhan ta Jesus Kristus dog pinandŭng.

GALATIA 5:5

Mun kieh, kayuh adi kieh harap inŭh Tapa re bada kieh bamai ngga adŭp-I; anŭ kieh kajŭn ngga kuasa Roh Tapa adi turung so ka pinyabah ami.

GALATIA 6:9

Ka dŭhnyah meh ata kawŭk ndai pingandai kana; amai kambŭi ata dŭh jimŭ, andu-i re mandŭg kan ata re kambat upah-i.

DITRONOMI 11:14

Kambŭi angān ndai simŭnŭ, Ayŭh re pait ujen ka tarun tana ngan di tipuh ujen dog biguna, di tipuh jaya ngga di tipuh bunga, isa gandom, wain, ngga inyo kanā, agi yŭn guna ngan,

COLOSSAE 1:11

Isa-i angān dog nyibake ngga sopŭrŭg pinyibake adi mandŭg so bragah kuasa-I, isa angān tungang nyijŭn sopŭrŭg kayuh ngga atin sabar. Ka ngga atin gaŭn nggen trima kaseh di Sama, adi mbŭh bada angān tibirang kambat tung jangān utung adi-I mbŭh sidia yŭn daya-I darŭm pinyipritah jawa.

1 THESSALONICA 1:3

Kieh ingat di sirung jawin Tapa adi Sama ta simuki kraja pingandai ngan mbŭh birasŭk ngga pinyabah ngan, simuki pinyirindu ngan mbŭh bada angān bandar nyiraja, ka simuki pingarap ngan mbŭh tagap di Tuhan Jesus Kristus.

1 THESSALONICA 2:19

Taŭn-i mbŭh adŭp ngan, angān adi dŭh kurang so bara adi bŭkŭn adi kieh harap, adi jadi pinyigaŭn ami, ka adi sabab-i kieh bisa mingangŭn di pimanang ami di sirung jawin Tuhan Jesus kan Ayŭh mandŭg.

1 THESSALONICA 3:13

Simŭnŭ Ayŭh re nyibake angān, ka angān re jadi sukup kana buang kudus di sirung jawin Tapa adi Sama ta kan Tuhan ta Jesus mandŭg ngga sopŭrŭg daya adi mbŭh tung adŭp-I.

HEBREW 6:15

Abraham tŭtŭd, ka sawŭ ayŭh kambat kayuh adi Tapa ko bijanji an nggen.

JAMES 4:11

Bara dingan ku, dŭhnyah angān ngamun dingan ngan. Kambŭi angān ngamun puan kah nyarah dingan ngan, angān ngamun ka nyarah Ukum-adat. Kambŭi angān nyarah Ukum-adat, rati-i angān mbŭh dŭh tia sita Ukum-adat, pak mbŭh nyarah-i.

JAMES 5:10

Bara dingan ku, ingat bara nabi adi minyu ngga adŭn Tuhan. Tambit ngara ndu suto danding yŭn pinyitŭtŭd atin ngga sabar di tika sangsara.

JAMES 5:3

Mas pirak ngan mbŭh bitagar, ka tagar anŭ re jadi saksi rawan angān ka re man isin ngan mun apui. Angān mbŭh nguruk pinyikaya di sikasŭn tipuh ati.

2 PETER 3:4

buang re siken, “Ayŭh bijanji re an mandŭg, dŭh kah? Diki meh Ayŭh, garang? Bara tayung-babuk ta mbŭh kabŭs, pak sopŭrŭg kayuh babŭ mun mun-i so sibungas ong jadi!”