JAMES 5:5 - Hakcipta - Biatah Bidayuh

⁵ Pimudip ngan di ong ati mbŭh puno ngga pinyikaya ka sanang. Angān mbŭh pigamu adŭp ngan yŭn andu adi ngga angān dog simareh.

JAMES 5:5 ပူးပေါင်းရင်းမြစ်များ

MAZMUR 17:14

nyiramat aku so ngara adi nugung buat-rata di ong. Ngukum ngara ngga sangsara adi Kaam mbŭh sidia yŭn ngara. Isa-i anak ngara biyŭn sukup ka agi gŭh dŭm yŭn sukuh ngara!

MAZMUR 73:7

atin ngara piruah kayuh arap, ka pikir ngara puno ngga akar adi arap.

PITAS 17:1

Kana dŭ man ruti adi mbŭh badŭh buang riang ngga pikir adi tanang so nŭŭh bigawai di ramin adi puno ngga kaii.

PITAS 7:14

“Aku muko jugan sadis andu ati ka mbŭh biyŭn dagin so sadis anŭ.

EKLISIASTIS 11:9

Angān adi babŭ mara, pimunos adŭp ngan ngga udip mara ngan. Nyipawŭn adŭp ngan darŭm angān gibabŭ mara. Ndai kayuh adi angān raan, ka tunda pinyiraan atin ngan. Pak ingat Tapa re tingga arap kana ngan di barang kraja pingandai ngan.

ISAIAH 22:13

Pak gŭt-i angān tawŭh ka bigawai. Angān siŭ biri ngga sapi an ngan man, ka angān nok wain. Angān nang, “Ata bisa man nok, amai sipagi ata kabŭs.”

ISAIAH 3:16

TUHAN nang, “Tingga munki masam sambuh dayung Jerusalem! Ngara migaŭng buang panu. Ngara ari main batŭh, ka ngutai sakong-i, ka garang kaja-i prikareng jawŭn.

ISAIAH 47:8

“Dingah ati, kuu adi rindu udip pawŭn, kuu adi pikir adŭp mu siramat ka bamai. Kuu nang adŭp mu bās mun Tapa, ka mating daya bŭkŭn re mun kuu. Kuu pikir adŭp mu dŭh re jadi dayung uban bait naman sarang anak anak mu mbŭh mating.

ISAIAH 56:12

‘Ja nok wain,’ bara pimabuk anŭ nang, ‘ka nok sipuas puas ta! Sipagi re rabis kana so andu ati!’ ”

JEREMIAH 12:3

Pak, TUHAN, Kaam puan aku; Kaam kiris pingandai ku, ka munki masam aku rindu Kaam. Tarik ngara adi arap anŭ ngga bu mun biri adi re dog siŭ; nguan ngara ndŭg tika adi ngga ngara dog ninong.

JEREMIAH 25:34

Sien angān, bara pinguru, angān bara pingingat daya Ku, sien bana! Ngurid ka gurai marik adŭp ngan di tana. Tika re mandŭg adi ngga ngan dog siŭ, ka angān re dog natad mun dari biri.

EZEKIEL 16:49

Ayŭh ngga anak anak dayung-i sambuh amai ngara biyŭn raru bagŭ kayuh man ka rŭŭ darŭm damai ngga siramat, pak ngara dŭh turung daya adi sirata ngga adi susah.

EZEKIEL 39:17

TUHAN Raja nang di aku, “Manusia, bagan sopŭrŭg manuk ngga dāng dāng bada mandŭg so sopŭrŭg yŭn bada man sadis adi aku mbŭh sidia yŭn ngara. Anŭ re jadi gawai bās di darŭd darŭd Israel, di yŭn ngara dapŭd man dagin ka nok deya.

AMOS 6:1

Munki masam sipŭ-i re di angān adi mbŭh udip sanang di Zion ka angān adi kinyam adŭp ngan siramat di Samaria. Angān adi bara pinguru bās bangsa adi bās anŭ, ka yŭn ngan daya mandŭg mite turung!

LUKE 16:19

“Agi ndi naan daya kaya nēn piraka adi raru brega buang udip darŭm sangŭn barang andu.

LUKE 16:25

“Pak Abraham nang, ‘Ingat nak, kuu darŭm pimudip ong mu mbŭh dog nggen sopŭrŭg kayuh kana, ka Lazarus kayuh arap. Pak madin ayŭh dog nyaduh digiti, ka kuu mbŭh sangsara.

ROME 13:13

Ja ata nakit ngatur pimudip ta, nimun daya adi udip darŭm jawa. Dŭh tia ndai rubi kais, pimabuk, pimudip adi dŭh tatu, pingandai kais, bikaii ka sina.

1 TIMOTHY 5:6

Pak dayung uban adi sayŭp ngga pinyirami mbŭh kabŭs, sunggu darŭm pŭrŭng ayŭh udip.

2 TIMOTHY 3:4

Ngara gagā muker, bŭn nakit bipikir sibayuh ndai kayuh, rawā. Ngara re awang pinyirami ong so-i rindu di Tapa;

2 PETER 2:13

ka re dog maras ngga sangsara yŭn pinyusah adi ngara ko ndai. Ngara raru suka ndai di rawa tarun di sirung jawin daya bagŭ tadŭ kayuh adi pimunos pinyiraan pŭrŭng-i. Kan ngara man ngga angān, urah ngara taŭn mangŭh angān ngarun. Ngara raru munos asŭng amai tungang nipu angān!

JUDE 1:12

Ngga urah ngara adi mangŭh nŭŭh ngarun ngara mbŭh keya ka takar kais di dupan angān di tika tikuruk man. Ngara rada adŭp-i adŭ. Ngara mbŭh keya ka kruman dog poh sabak, pak dŭh taban ujen. Keya ka tŭngŭn kayuh adi dŭh buān, ndŭg ka di tipuh jaya ani, ka adi dog dimbut ndŭg uat-i ka kabŭs.

PINANDŬNG 18:7

Nggen di ayŭh sangsara ngga pinyusah brinyam ngga bragah ka sangŭn adi-i nggen di adŭp-i. Amai ayŭh dŭh ko ko nang di adŭp-i: ‘Aku rani adi mritah! Aku dŭh dayung uban, Aku dŭh re kinyam pinyusah!’

1 SAMUEL 25:36

Abigail pari maad ka yŭn Nabal. Ayŭh agi di arŭn, aŭn guru man pinguman adi situgu ngga paan raja. Ayŭh mabuk buang asŭng-i sanang, jadi Abigail dŭh nang ani ani di ayŭh ndŭg andu jawa ndi.

1 SAMUEL 25:6

Ayŭh ngajar ngara bada nang di Nabal: “David pait tabi ka kaam, ka rawang mai, ngga ka sopŭrŭg adi agi ngga kaam.