JAMES 4:9 - Hakcipta - Biatah Bidayuh

⁹ Jadi susah meh angān, sien, ka muās; nukar tawŭh ngan da jadi sien, gaŭn ngan da jadi atin susah!

JAMES 4:9 ပူးပေါင်းရင်းမြစ်များ

NEHEMIAH 8:9

Kan bara daya dingah Ukum-adat dog basa, ngara piguru sien. Jadi Nehemiah, adi gabenor, Ezra, adi imam ka adi sukup pandai di Ukum-adat, ka bara daya Levi adi kidaan rati Ukum-adat nang di sopŭrŭg daya, “Andu ati inŭh kudus di TUHAN adi Tapa ngan, ka angān dŭhsah susah bait sien.

JOB 30:31

Tarun yŭn adi ko aku yŭn dingah jawŭn gaŭn musik, madin mbŭh yŭn aku dingah kaŭs-i puās ngga sien.

MAZMUR 119:136

Randang batŭh ku aman mun piin sungi, sabab daya dŭh tunda ukum-adat Mai.

MAZMUR 119:67

Diŭ so Kaam ngukum aku, aku taŭn mbŭh ari ndai sarah, pak madin aku tunda pinganang Mai.

MAZMUR 119:71

Taŭn kana Kaam ngukum aku, sabab-i bada aku birajar pesan Mai.

PITAS 14:13

Tawŭh bisa sukan atin susah. Kan pinyigaŭn mating tia, pinyusah taŭn agi diginŭ.

EKLISIASTIS 2:2

Aku puan tawŭh inŭh kayuh adi budo, ka udip rami inŭh kayuh adi dŭh kana di nŭŭh.

JEREMIAH 31:13

Nganŭ bara dayung re birajang ngga pawŭn, ka bara dari, adi mara ngga adi minyamba, re pawŭn. Aku re nyaduh ngara isa ngara ko ngurid ka jadi gaŭn, isa pinyusah ngara jadi sanang.

JEREMIAH 31:9

Daya Ku re pari buang sien, bidua buang Aku taban ngara pari. Aku re kayak ngara ka anak anak sungi, kadŭg aran adi rata isa ngara dŭh sikak sikakong. Aku keya ka sama di Israel, ka Ephraim inŭh anak pinuai Ku.”

PUĀS 5:15

Pinyigaŭn mbŭh mating darŭm pimudip ami; atin susah mbŭh gati tanda ami.

EZEKIEL 16:63

Aku re apun sopŭrŭg sarah adi kuu mbŭh ndai, pak kuu re ingat-i ka re raru mangŭh kanga baba mu.” TUHAN Raja mbŭh minyu.

EZEKIEL 7:16

Kada re bikaduh bu ka darŭd mun manuk asang mikabur bu so rubān. Sopŭrŭg ngara re muās amai dosa ngara.

MATTHEW 21:41

“Ayŭh manŭn re siŭ bara adi ginaka anŭ,” ngara nam, “ka nyewa teya anggor anŭ di pinyewa teya adi bŭkŭn, adi re nggen jangi utung so buwa buwa adi dog sun di tipuh sun buwa.”

MATTHEW 5:4

Sanang inŭh ngara adi ngurid; Tapa re nyaduh ngara!

LUKE 16:25

“Pak Abraham nang, ‘Ingat nak, kuu darŭm pimudip ong mu mbŭh dog nggen sopŭrŭg kayuh kana, ka Lazarus kayuh arap. Pak madin ayŭh dog nyaduh digiti, ka kuu mbŭh sangsara.

LUKE 6:21

Sanang inŭh angān adi sikirau madin, amai angān re bisoh! Sanang inŭh angān adi muās madin, amai angān re tawŭh!

LUKE 6:25

Payah inŭh angān adi bisoh madin, amai angān re sibŭrŭk! Payah inŭh angān adi tawŭh madin, amai angān re ngurid ka muās!