JAMES 4:2 - Hakcipta - Biatah Bidayuh

² Angān raan kayuh, pak angān dŭh tungang biyŭn-i, jadi angān mbŭh biyŭn atin an siŭ; angān raru ripong di kayuh, pak angān dŭh tungang dapŭd-i, jadi angān bikaii ka raan biperang. Angān dŭh biyŭn kayuh adi angān raan sabab angān dŭh mite so Tapa.

JAMES 4:2 ပူးပေါင်းရင်းမြစ်များ

1 RAJA 21:6

Ayŭh nam, “Sabab kayuh adi Naboth nang di aku. Aku mite adŭp ku miris teya anggor-i, puan kah, kambŭi ayŭh raan, nggen di ayŭh adi bŭkŭn ngga gati-i, pak ayŭh kidaan di aku nang aku dŭh siŭn dapu-i!”

PITAS 1:19

Daya adi jiroh utung ngga pinyiganas re bayar ngga asŭng adŭp-i.

EKLISIASTIS 4:8

Agi ndi naan daya adi udip sadi. Ayŭh dŭh biyŭn anak, dŭh biyŭn jurud, pak ayŭh marar nyiraja, dŭh puas ngga pinyikaya adi ayŭh mbŭh biyŭn. Yŭn asi ayŭh bandar nyiraja ka bitan adŭp-i so pinyirami? Anŭ gŭh dŭh biyŭn rati, buang pimudip adi sangsara.

ISAIAH 7:12

Ahaz nam, “Aku dŭh re mite tandā. Aku abah suba TUHAN.”

HABAKKUK 2:5

Pinyikaya bisa nipu daya. Daya adi tama inŭh gambung buang girungos, keya ka adŭp pinyikabŭs taŭn dŭh pandai puas. Ngapŭi ngara ngarah bangsa ndi ngga bangsa andi yŭn adŭp ngara.

JOHN 16:24

Ndŭg madin angān gi-bŭn mite kayuh ngga adŭn Ku; mite meh ka angān re kambat, isa pinyigaŭn ngan jadi gŭgŭp.

JOHN 4:10

Jesus nam, “Kambŭi kuu puan ani adi Tapa nggen, ka asi Ayŭh adi mite nok so kuu, kuu manŭn re an mite, ka Ayŭh gŭh taŭn re an nggen di kuu piin adi nggen udip.”

JAMES 1:5

Pak kambŭi agi so angān dŭh biyŭn pinyibijak, ayŭh patut bidua ka Tapa, adi an nggen-i di ayŭh; sabab Tapa inŭh adi an nggen ngga siabo asŭng-I di sopŭrŭg daya.

JAMES 5:6

Angān nunggu ka siŭ daya adi dŭh biyŭn sarah, pak ngara dŭh rawan angān.

1 JOHN 3:15

Ngara adi tiru di dingan-i inŭh pinyiŭ, ka angān puan nang pinyiŭ dŭh biyŭn udip adi sawŭ adi tan adu adu darŭm ngara.