JAMES 4:11 - Hakcipta - Biatah Bidayuh

¹¹ Bara dingan ku, dŭhnyah angān ngamun dingan ngan. Kambŭi angān ngamun puan kah nyarah dingan ngan, angān ngamun ka nyarah Ukum-adat. Kambŭi angān nyarah Ukum-adat, rati-i angān mbŭh dŭh tia sita Ukum-adat, pak mbŭh nyarah-i.

JAMES 4:11 ပူးပေါင်းရင်းမြစ်များ

MAZMUR 140:11

Bada dŭh mujur daya adi napŭ daya; isa-i arap nyandat daya adi ganas ka pirabur ngara.

LUKE 6:37

“Dŭhnyah nyarah daya, ka Tapa dŭh re nyarah angān; dŭhnyah nunggu daya, ka Tapa dŭh re nunggu angān; apun daya, ka Tapa re apun angān.

ROME 2:1

Angān nyarah daya kah? Angān dŭh re dapŭd nyibandar adŭp ngan, tadŭ tadŭ angān. Amai kan angān nyarah daya pak adŭp ngan ndai sarah anŭ gŭh, angān mbŭh nunggu adŭp ngan.

ROME 2:13

Amai dŭh-i so ka dingah Ukum-adat daya bamai ngga Tapa, pak so ka ndai kayuh adi Ukum-adat pesan daya da ndai.

ROME 7:7

Bisa kah ata nang garang, Ukum-adat kayuh adi bidosa? Manŭn dŭh! Pak Ukum-adat inŭh adi bada aku puan ani dosa. Kambŭi Ukum-adat mating nang, “Dŭhnyah ripong di kayuh adi daya dapu,” aku taŭn dŭh re puan pinyiripong adi mun anŭ.

1 CORINTH 4:5

Ngapŭi angān dŭh patut nang daya sarah bait dŭh sarah diŭ so tipuh-i. Itong dŭh siŭn patŭd sibayuh Tuhan mandŭg; Ayŭh re bada tatŭng sopŭrŭg rusia adi dog sukan darŭm karŭm samŭn pinŭtŭn atin manusia adi bisukan. Ka komŭnŭ barang naan daya re trima puji-i so Tapa nanyam patut.

2 CORINTH 12:20

Aku taru sibia-i kan aku mbŭh mandŭg te, aku dapŭd angān dŭh mun adi aku raan, ka angān dapŭd aku dŭh mun adi angān raan. Aku taru te aku kiris kaii, sina, baji, sibut, paki-pangu ka ngitong daya, uap-sambuh ka pito.

EPHESUS 4:31

Dŭhnyah bidendam, gŭtŭh, puan kah baji. Dŭhnyah tia bikaii puan kah bakit daya. Dŭhnyah tia tiru di daya.

1 TIMOTHY 3:11

Sawŭn ngara gŭh dŭh siŭn dŭh an daya adi kana urah-i, dŭh daya adi pingitong; ngara dŭh siŭn dŭh an pandai jaga adŭp-i, ka taban atin-tŭnggŭn darŭm sopŭrŭg kayuh.

2 TIMOTHY 3:3

ngara re dŭh mandis ngga daya, dŭh biyŭn apun, pinapŭ, gŭtŭh, ka mangah; ngara re tiru di pinyikana;

TITUS 2:3

Simŭnŭ gŭh ngajar bara dayung adi tuuh isa urah ngara birasŭk ngga urah dayung adi bituan di Tapa. Ngara dŭh siŭn jadi pinapŭ puan kah pimabuk. Ngara dŭh siŭn dŭh ngajar kayuh adi kana,

JAMES 1:16

Dŭhnyah budo, angān adi aku rindu!

JAMES 1:19

Ingat ati, angān adi aku rindu! Barang naan dŭh siŭn dŭh an rikas dingah, pak sais minyu ka sais baji.

JAMES 1:25

Pak kambŭi angān nakit tingga ukum-adat adi sukup kana adi pirupas daya, ka nakit pirati-i ka dŭh dingah adŭ ka rasu kambŭt, pak ndai-i; mun anŭ angān re dog nyiberkat Tapa darŭm kraja pingandai ngan.

JAMES 2:8

Angān ndai pingandai kana kambŭi angān sita ukum-adat pinyipritah Tapa adi dog nuris darŭm Surat-kudus, “Rindu dingan ngan nimun angān rindu adŭp ngan.”

JAMES 5:10

Bara dingan ku, ingat bara nabi adi minyu ngga adŭn Tuhan. Tambit ngara ndu suto danding yŭn pinyitŭtŭd atin ngga sabar di tika sangsara.

JAMES 5:7

Sabar meh angān adi bara dingan ku, ndŭg ka Tuhan mandŭg. Tingga munki masam sabar-i bara tukang-teya darŭm ngara kajŭn tana piruah buwa adi brega. Ngga atin sabar ngara kajŭn ujen di tipuh jaya ngga di tipuh bunga.

JAMES 5:9

Dŭhnyah mingungut di dingan ngan, angān adi bara dingan ku, isa Tapa dŭh ngukum angān. Arang mbŭh sindŭk, mbŭh sidia re tatŭng.

1 PETER 2:1

Ngapŭi meh, kadi adŭp ngan so sopŭrŭg arap; dŭhnyah tia kadong daya, nyibudo daya, sina di daya ka bakit daya.