JAMES 4:1 - Hakcipta - Biatah Bidayuh

¹ So ki puun tibirik kaii ngga karit timbur di dupan ngan? Ayŭh timbur so pinyiripong di pinyanang ong, adi adu adu birawan darŭm angān.

JAMES 4:1 ပူးပေါင်းရင်းမြစ်များ

JEREMIAH 17:9

“Asi dapŭd mirati atin manusia? Mating kayuh bŭkŭn re rabis bidikok mun atin manusia; atin anŭ mbŭh sera andam-i.

MATTHEW 15:19

Amai so atin daya mandŭg pikir-kira adi arap adi bada ayŭh siŭ daya, tanggah, ka ndai barang masam pingandai kais; mirupak, kadong, ka napŭ daya.

JOHN 8:44

Angān inŭh bara anak sama ngan, Siarap; angān raan tunda pinyiraan-i. So sibungas-i ayŭh taŭn mbŭh pinyiŭ ka bŭn adŭ tura ka pinyawŭ, sabab mating pinyawŭ darŭm ayŭh. Kan ayŭh kadong, anŭ mbŭh taŭn tibiat adŭp-i, sabab ayŭh pingadong ka raja pingadong.

ROME 7:23

Pak aku kinyam agi ukum-adat adi bŭkŭn darŭm pŭrŭng ku, adi birawan ngga ukum-adat adi aku situju; anŭ bada aku jadi urun ukum-adat dosa adi nguasa pŭrŭng ku.

ROME 7:5

Amai kan ata udip nimun ka tibiat adŭp ta manusia, Ukum-adat mirasang pinyiripong adi sarah darŭm pŭrŭng ta, ka pinŭbŭn sopŭrŭg kayuh adi ata ndai inŭh pinyikabŭs.

ROME 8:7

Jadi daya jadi pinganyu Tapa kan ngara dog nguasa tibiat manusia; amai ngara dŭh sita ukum-adat Tapa, buang sibandar-i ngara dŭh tungang sita-i.

GALATIA 5:17

Amai kayuh adi tibiat pŭrŭng raan inŭh rawan kayuh adi Roh Kudus raan, ka kayuh adi Roh Kudus raan rawan kayuh adi tibiat pŭrŭng raan. Anŭ duwŭh taŭn-i mbŭh pinganyu, ka sirati-i angān dŭh tungang ndai kayuh adi angān raan.

COLOSSAE 3:5

Angān patut siŭ pinyiraan ong adi nguasa angān, mun pingandai kais, pimudip adi dŭh tatu, pinyiripong ngga pinyiraan adi sarah, ka tama (amai tama inŭh nyambah tibudo).

2 TIMOTHY 2:23

Pijo adŭp mu so karit adi sipadin ngga adi dŭh biguna; kuu puan pinŭbŭn-i kaii.

TITUS 3:3

Amai adŭp ta ko gŭh budo, dŭh an dingah pinganang, buang sarah. Ata ko jadi urun bagŭ masam pinyiripong ka bagŭ masam pinyiraan. Pimudip ta ko puno ngga dendam ka sina; daya tiru di ata ka ata tiru di daya.

TITUS 3:9

Pijo adŭp mu so karit adi budo, susud taris tayung-babuk adi ambu, kaii, ka birawan pasar ukum-adat. Kayuh anŭ dŭh biguna ka dŭh biyŭn rati.

JAMES 1:14

Pak ata dog suba kan ata dog tarik ka dog mirakap pinyiripong ta adi arap.

JAMES 4:3

Angān mite, pak dŭh trima-i, sirati-i pinŭtŭn ngan agi arap; angān mite kayuh yŭn pimunos adŭp ngan sadi.

1 PETER 1:14

Nundok di Tapa, ka dŭhnyah bada pimudip ngan dog nguasa pinyiripong arap ngan adi dawŭ, di andu angān gibayuh puan Tapa.

1 PETER 2:11

Bara dingan ku, angān agi keya ka daya saruh ka daya nupang di ong ati! Dŭhnyah nurut pinyiripong pŭrŭng, adi taŭn siraru rawan simangi!

2 PETER 2:18

Ngara piruah piminyu sambuh ka sipadin, ka pakai pinyiripong pŭrŭng ngga kudog daya adi aŭn suba an pirupas adŭp-i so bara daya adi udip darŭm sarah.

2 PETER 3:3

Diŭ so kayuh bŭkŭn, angān dŭh siŭn dŭh an mirati di sikasŭn tipuh re agi kada daya timbur; pimudip ngara dog nguasa pinyiripong pŭrŭng-i. Ngara re nyibudo angān