JAMES 3:13 - Hakcipta - Biatah Bidayuh

¹³ Agi kah di dupan ngan daya adi bijak buang mirati? Ayŭh an kiren-i ngga aran pimudip-i adi kana, ka ngga kraja pingandai-i adi kana adi dog ndai ngga atin tŭkŭn ka ngga pinyibijak.

JAMES 3:13 ပူးပေါင်းရင်းမြစ်များ

JOB 28:28

Tapa nang di manusia, “An bijak, angān dŭh siŭn dŭh stabi di TUHAN. An mirati, angān dŭh siŭn dŭh taran kayuh arap.”

MAZMUR 107:43

Isa-i ngara adi bijak bipikir di kayuh anŭ; isa-i ngara bipikir di pinyirindu TUHAN adi dŭh bisa birubah.

MAZMUR 122:8

Yŭn kana bara madis ka bara jerā ku aku nang di Jerusalem, “Damai di kuu!”

MAZMUR 149:4

TUHAN munos asŭng-I di daya-I; Ayŭh nggen pimanang di ngara adi pirapat adŭp-i.

MAZMUR 25:9

Ayŭh nguru daya adi pirapat adŭp-i di aran adi batur ka ngajar ngara pinyiraan-I.

MAZMUR 45:4

Panu meh ngga kuasa nuju pimanang yŭn ngibān pinyawŭ ngga pinyitŭnggŭn! Pinyibake mai re bada kaam dapŭd pimanang bās!

EKLISIASTIS 8:1

Kaŭs daya adi bijak adŭ mirati bagŭ kayuh. Pinyibijak bada ngara sanyum ka bada jawin ngara jawa.

EKLISIASTIS 8:5

Siragi kuu tunda pesan-i, kuu siramat, ka daya adi bijak puan munki ka sinde ayŭh tunda pesan-i.

ISAIAH 29:19

Daya sirata ngga daya adi dog pimangŭh re pari dapŭd udip sanang so TUHAN, Tapa kudus Israel.

ISAIAH 60:6

Bara pinunggang onta re mandŭg, so Midian ngga Ephah. Ngara re mandŭg so Sheba, taban mas ngga kimanyan. Daya re kidaan agah kana pasar kayuh adi TUHAN mbŭh ndai!

ISAIAH 61:1

TUHAN Raja mbŭh nguasa aku ngga Roh-I. Ayŭh mbŭh mien aku ka pait aku bada taban agah kana ka daya sirata, bada pibua daya adi susah atin, bada piagah pinyirupas di daya-takap ka pinyirupas di ngara adi dog jer.

JEREMIAH 9:12

Aku siken “TUHAN, mani tarun tana jadi matung ka badŭh mun tarun tana-pajam, ndŭg ka daya mating panu mutas-i? Asi adi sukup bijak re mirati kayuh adi mun anŭ? Di asi Kaam mbŭh kidaan rati-i isa ayŭh bisa kidaan di daya bŭkŭn?”

JEREMIAH 9:23

TUHAN nang, “Daya adi bijak dŭh patut mingangŭn pasar pinyibijak ngara, simŭnŭ gŭh daya adi bake pasar pinyibake ngara, simŭnŭ gŭh daya adi kaya pasar pinyikaya ngara.

DANIEL 2:21

Ayŭh nguasa masā ngga tipuh; Ayŭh garar raja ka taran raja; Ayŭh inŭh adi nggen pinyibijak ngga pinyimirati.

ZEPHANIAH 2:3

Pari ka TUHAN, sopŭrŭg ngan adi di rais ati adi pirapat adŭp ngan, adi tunda pesan-I. Ndai kayuh adi batur, ka pirapat adŭp ngan di sirung jawin TUHAN. Kadŭ angān dapŭd pirupas adŭp ngan so ukum di andu anŭ adi ngga TUHAN kiren baji-I.

PINYIKIANG 12:3

(Moses inŭh daya adi pirapat adŭp-i. Ayŭh pirapat adŭp-i rabis so daya bŭkŭn adi di ong.)

MATTHEW 11:29

Tunda pritah Ku ka trima ajar Ku, amai Aku ati duduh buang tŭkŭn darŭm roh; Aku re piranyah angān.

MATTHEW 21:5

“Kidaan di Kupo Zion, Tingga, Raja mu mandŭg ka kuu! Ayŭh pirapat adŭp-I ka nunggang kaldi ngga anak kaldi.”

MATTHEW 5:5

Sanang inŭh ngara adi pirapat adŭp-i; ngara re kambat kayuh adi Tapa ko bijanji an nggen!

MATTHEW 7:24

“Jadi meh, barang naan daya adi dingah pinganang Ku ati ka tunda-i agi keya ka daya adi bijak adi pijog ramin-i di tunduh batuh.

1 CORINTH 6:5

Nggen mangŭh adŭ! Tatu agi sikurang kurang-i ndi naan daya adi bijak so tibaran ngan adi tungang ngatur kaii adi timbur di dupan adŭp ngan adi samah Kristen.

2 CORINTH 10:1

Aku, Paul, mite angān nyiringa aku. Sak adi nang daya, aku tŭkŭn buang dŭdŭt atin kan aku agi ngga angān, pak mangah kan aku jo so angān. Ngga pinyiduduh ka mandis Kristus

2 CORINTH 8:24

Kiren pinyirindu ngan di ngara, isa sopŭrŭg eklisia kiris-i ka puan kieh dŭh kadong kan kieh mingangŭn pasar angān.

GALATIA 5:23

atin tŭkŭn, ka pandai jaga adŭp so pinyiripong adi sarah. Mating ukum-adat adi re bisa rawan sopŭrŭg anŭ.

GALATIA 6:1

Bara dingan ku, kambŭi agi daya dog nakap darŭm ndai sarah, angān adi udip dog nyiruton Roh Kudus patut nyiruton ayŭh da kana; pak ngajar ayŭh ngga aran adi duduh. Ka nakit jaga adŭp ngan sibia-i angān dog suba gŭh te.

GALATIA 6:4

Barang naan angān patut tingga adŭp ngan di urah-rakah ngan. Kambŭi kana, angān bisa mingangŭn di kayuh adi angān ko ndai, dŭh danding-i ngga pingandai daya bŭkŭn.

EPHESUS 4:2

Angān an siraru pirapat adŭp ngan, duduh ngga daya, ka sabar ngga daya. Turung dingan ngan ngga pinyirindu.

PHILIPPI 1:27

Jadi, kayuh adi raru biguna inŭh aran pimudip ngan patut nanyam ka ajar Agah Kana pasar Kristus isa, tungang bait dŭh aku di tudu angān, aku bisa dingah angān mijog tagap ngga ndi pinŭtŭn, darŭm ndi pinyiraan samah birawan yŭn pinyabah Agah Kana anŭ.

COLOSSAE 3:12

Angān mbŭh bara daya adi Tapa dapu; Ayŭh rindu angān ka mbŭh mien angān da jadi daya adi-I dapu. Jadi meh angān dŭh siŭn dŭh kasŭk di adŭp ngan atin masi, atin mandis, atin tŭkŭn, atin duduh, ka atin sabar.

1 TIMOTHY 4:12

Dŭhnyah daya ngamun kuu sabab kuu gibabŭ mara, pak jadi suto danding yŭn sopŭrŭg adi sabah darŭm piminyu mu, darŭm urah-rakah mu, darŭm pinyirindu mu, darŭm pinyabah mu, ka darŭm aran pimudip bisig mu.

1 TIMOTHY 6:11

Pak kuu, daya Tapa, pijo adŭp mu so sopŭrŭg kayuh adi mun anŭ. Kuu patut gruwŭn: pinŭnggŭn, udip nimun ka pinyiraan Tapa, sabah di Kristus, rindu dingan, biyŭn pinyitŭtŭd atin di tika sangsara, ka atin duduh ngga daya.

2 TIMOTHY 2:25

kuu an duduh darŭm kuu ngika ka ngajar daya adi matah kuu; amai sawŭ, nŭŭh dŭh puan kadŭ Tapa re nggen di ngara aran ngga marik pimudip ngara pari ka adŭp-I ka natŭng ajar adi sawŭ.

TITUS 3:2

Kidaan di ngara da dŭh kinarap ngamun tadŭ daya, pak udip darŭm damai buang pinyijerā, ka siraru duduh ngga sopŭrŭg daya.

HEBREW 13:5

Bada pimudip ngan jo so pinyiawang duit, ka bada adŭp ngan munos ngga anŭ adi angān mbŭh biyŭn. Amai Tapa mbŭh nang, “Aku dŭh re tandah angān; Aku dŭh re tagan angān.”

JAMES 1:21

Jadi taran meh pimudip adi sembar ka urah adi ginaka. Jugan adŭp ngan ka darŭm tangan Tapa ka kambat pinganang adi-I purun darŭm atin ngan, adi dapŭd nyiramat angān.

JAMES 2:18

Pak agi daya re nang, “Ndi naan daya biyŭn pinyabah, adi bŭkŭn biyŭn pingandai.” Pinyinam ku sakati, “Kiren di aku munki daya bisa biyŭn pinyabah kambŭi mating pingandai. Ngga pingandai ku aku re kiren di angān pinyabah ku.”

JAMES 3:1

Bara dingan ku, dŭh sopŭrŭg ngan patut jadi gurū. Angān puan, ata adi jadi gurū taŭn re dog tingga arap kana ta rabis so daya bŭkŭn.

JAMES 3:17

Pak pinyibijak adi so sambu, inŭh bisig, pinyidamai, duduh, ka pinyijerā; ayŭh puno ngga pinyirasi ka pijadi pingandai kana; dŭh-i napŭ daya, dŭh-i nyibudo daya.

1 PETER 1:15

Pak, bada adŭp ngan kudus darŭm sopŭrŭg kayuh adi angān ndai, nimun Tapa adi bagan angān inŭh kudus.

1 PETER 2:12

Urah-rakah ngan di dupan daya adi dŭh puan Tapa patut raru kana isa kan ngara nyarah angān, nang angān ndai kayuh arap, ngara re ngaku pingandai ngan adi kana ka rasu muji Tapa di Andu-I mandŭg.

1 PETER 2:9

Pak angān inŭh bangsa adi ko dog mien, imam imam Raja, bangsa adi kudus, daya adŭp Tapa, dog mien da piagah pingandai bās Tapa, adi bagan angān so karŭm da mŭrŭt sangŭn jawa-I.

1 PETER 3:4

Pinyiramus ngan inŭh patut so tura ka darŭm, pimudip adi dŭh bidudu buang adi duduh. Pinyiramus adi mun anŭ tan tui, ka mbŭh brega dŭ di batŭh Tapa.