JAMES 2:18 - Hakcipta - Biatah Bidayuh

¹⁸ Pak agi daya re nang, “Ndi naan daya biyŭn pinyabah, adi bŭkŭn biyŭn pingandai.” Pinyinam ku sakati, “Kiren di aku munki daya bisa biyŭn pinyabah kambŭi mating pingandai. Ngga pingandai ku aku re kiren di angān pinyabah ku.”

JAMES 2:18 ပူးပေါင်းရင်းမြစ်များ

ROME 14:23

Pak kambŭi ngara dŭh paŭh puan re ngara man kah dŭh pinguman anŭ, Tapa nunggu ngara kambŭi ngara man-i, sabab pingandai ngara dŭh bisangan di pinyabah. Ka tadŭ kayuh adi dŭh bisangan di pinyabah taŭn-i dosa.

ROME 3:28

Ata mbŭh puan nang daya bamai ngga Tapa adŭ-i so ka pinyabah, ka dŭh-i so ndai kayuh adi Ukum-adat pesan.

ROME 4:6

Anŭ inŭh rati pinganang David kan ayŭh minyu pasar pinyigaŭn daya adi Tapa ngitong tŭnggŭn, sunggu daya anŭ mating ndai ani ani adi yŭn-i patut dapŭd berkat anŭ:

ROME 8:1

Madin daya adi udip ndi ngga Kristus Jesus dŭh re dog nunggu.

ROME 9:19

Pak agi so angān re nang di aku, “Kambŭi anŭ sawŭ, mani Tapa nyarah daya? Asi tungang rawan pinyiraan Tapa?”

1 CORINTH 13:2

Agi bait kani aku pinganggen ngga nyuse agah so Tapa, ka puan sopŭrŭg kayuh ka mirati sopŭrŭg kayuh adi bisukan; agi bait kani aku pinyabah bās adi ngga mindah darŭd, pak kambŭi aku dŭh biyŭn pinyirindu, aku ati au-tarun.

2 CORINTH 5:17

Daya adi udip darŭm Kristus mbŭh daya bauh; adi amba mbŭh mating, adi bauh mbŭh mandŭg.

2 CORINTH 7:1

Angān adi aku rindu, sopŭrŭg janji anŭ mbŭh dog ndai yŭn ta. Ngapŭi ata patut pibisig adŭp ta so sopŭrŭg kayuh adi kinais pŭrŭng ngga simangi, ka udip darŭm taru di Tapa, ka bada adŭp ta kudus.

GALATIA 5:6

Amai kan ata mbŭh ndi ngga Kristus Jesus, bisunat bait dŭh ata anŭ mbŭh dŭh biguna tia; adi biguna inŭh pinyabah adi taban pinyirindu.

1 TIMOTHY 1:5

Pinŭtŭn pritah ati inŭh ngga kies pinyirindu adi mandŭg so atin bisig, pikir-kira atin adi bisig, ka pinyabah adi sawŭ batur.

TITUS 2:7

Darŭm sopŭrŭg kayuh, adŭp mu dŭh siŭn dŭh an jadi suto danding yŭn urah-rakah adi kana. Kuu dŭh siŭn dŭh an mbit bat di ajar mu, buang ngajar-i ngga atin tŭnggŭn.

HEBREW 11:31

Pinyabah inŭh adi bada Rahab adi dayung sundar dŭh dog siŭ samah ngga ngara adi nyibireu pinganang Tapa, amai ayŭh ko nakit kambat pinyiong pinyiong Israel.

HEBREW 11:33

Ngga Pinyabah ngara nyerang ka ngarah barang rais. Ngara ndai kayuh adi batur ka kambat kayuh adi Tapa ko bijanji an nggen. Ngara tŭŭp baba singah,

HEBREW 11:6

Mating daya tungang pimunos asŭng Tapa, adŭ-i ngga pinyabah. Amai asi asi adi mandŭg ka Tapa dŭh siŭn dŭh an sabah di Tapa nang Ayŭh sawŭ agi, Ayŭh adi ngupah daya adi jiroh adŭp-I.

JAMES 2:14

Bara dingan ku, ani kana-i kambŭi daya nang adŭp-i biyŭn pinyabah, pak mating pingandai-i ngga kiren ayŭh sawŭ biyŭn pinyabah? Bisa kah pinyabah anŭ nyiramat ayŭh?

JAMES 3:13

Agi kah di dupan ngan daya adi bijak buang mirati? Ayŭh an kiren-i ngga aran pimudip-i adi kana, ka ngga kraja pingandai-i adi kana adi dog ndai ngga atin tŭkŭn ka ngga pinyibijak.