JAMES 2:1 - Hakcipta - Biatah Bidayuh

¹ Bara dingan ku, nimun daya adi sabah di Tuhan Jesus Kristus adi Tuhan bragah, angān dŭh siŭn mien daya nanyam ka raŭn gayŭn ngara.

JAMES 2:1 ပူးပေါင်းရင်းမြစ်များ

2 KRONIKEL 19:7

Stabi di TUHAN ka ndai kraja ngan ngga nakit, sabab TUHAN adi Tapa ta abah di pingandai tipu, pingandai marad di pingatur yŭn daya, puan kah trima suap.”

PITAS 24:23

Daya bijak agi gŭh nang kayuh ati: Dŭh-i batur akim marad di kraja-i.

PITAS 28:21

Mbit bat ndi parad inŭh sarah. Pak agi akim an ndai sarah ngga dapŭd suap, biar-i nisŭ.

LEVITICUS 19:15

“Ndai anŭ adi batur ka dŭhnyah marad kan angān ngatur har daya; dŭhnyah marad ngga tadŭ daya, bait-i daya sirata puan kah daya kaya.

MATTHEW 22:16

Komŭnŭ ngara pait ka yŭn-I kada so bara pinunda ngara samŭn kada daya so tibaran daya Herod. “Gurū,” ngara nang, “Kieh puan Kaam kidaan kayuh adi sawŭ. Kaam ngajar kayuh adi sawŭ pasar pinyiraan Tapa yŭn manusia, dŭh kira ani nang daya, sabab Kaam dŭh piduri pangkat daya.

PINGANDAI 10:34

Peter piguru minyu: “Aku puan di batŭh Tapa sopŭrŭg daya agi brimun.

PINGANDAI 20:21

Di daya Jahudi, simŭnŭ gŭh di daya adi dŭh bangsa Jahudi, aku agi bakan ngara da marik pimudip ngara pari ka Tapa, ka sabah di Tuhan Jesus.

PINGANDAI 24:24

Ripas kudu kudu andu, Felix agi mandŭg ngga sawŭn-i Drusilla, adi daya Jahudi. Ayŭh bagan Paul ka komŭnŭ nyiringa Paul minyu pasar pinyabah di Kristus Jesus.

PINGANDAI 7:2

Stephen nam, “Bara dingan ka bara pimas, dingah pinganang ku ati! Diŭ so babuk ta Abraham bipindah ka Haran, Tapa adi bragah nandŭng di ayŭh di Mesopotamia

ROME 1:11

Amai aku ruai aus an bidapŭd ngga angān, siŭn aku bisa samah ngga angān berkat roh ngga nagap angān.

1 CORINTH 2:8

Bara adi mritah ong ati dŭh puan pasar pinyibijak anŭ. Kambŭi ngara puan, ngara dŭh masak Tuhan Bragah di atuh rigang.

DITRONOMI 1:17

Dŭhnyah marad kan matŭd itong. Ngatur sarah barang naan daya dŭh mien asi asi ngara. Dŭhnyah taru di tadŭ daya, amai pimatŭd itong ngan agi mandŭg so Tapa. Kambŭi agi har adi raru mbar angān ngatur, taban-i ka ku, ka aku re ngatur-i.’

DITRONOMI 16:19

Ngara dŭh siŭn taban atin adi bidikok puan kah marad kambŭi matŭd itong; ka ngara dŭh siŭn trima suap, amai anŭ bada karak batŭh daya adi bijak ngga adi batur, ka bada ngara matŭd itong ngga aran adi sarah.

COLOSSAE 1:4

sabab kieh mbŭh dingah pinyabah ngan di Kristus Jesus ka pasar pinyirindu ngan di sopŭrŭg daya adi Tapa mbŭh mien.

1 TIMOTHY 1:19

ka bidigŭng di pinyabah ngga pikir-kira atin mu adi bisig. Agi daya adi bŭn nyiringa ka tunda pikir-kira atin-i adi bisig ka mbŭh pirusak pinyabah-i.

1 TIMOTHY 5:21

Di sirung jawin Tapa ka di sirung jawin Kristus Jesus ka di sirung jawin bara malaikat kudus aku mite kuu tunda pinyitayan ati ngga atin kana adi dŭh mien daya darŭm sopŭrŭg pingandai mu.

TITUS 1:1

So Paul, adi urun Tapa ka pinyuruh Jesus Kristus. Aku mbŭh dog mien ka dog pait da turung nagap pinyabah bara daya adi Tapa mbŭh mien ka nyiruton ngara siŭn ngara natŭng ajar adi sawŭ adi dog ngajar adat ta,

TITUS 2:13

darŭm ata kajŭn andu adi biberkat anŭ adi ata harap, adi ngga bragah Tapa bās ta ngga Pinyikudip ta, Jesus Kristus, re tatŭng.

HEBREW 1:3

Ayŭh nyekar jawa bragah Tapa ka raŭn gayŭn-I agi samah ngga raŭn gayŭn Tapa. Ngga pinganang-I adi bikuasa, Ayŭh digŭng rangit ngga ong. Ripas-I mbŭh dapŭd pingapun dosa yŭn sopŭrŭg manusia, Ayŭh guru di shorga tura ka tauh Tapa, adi siabo bikuasa.

HEBREW 12:2

Ja ata adu adu nyigura ka Jesus, di yŭn pinyabah ta bisangan so sibungas-i ndŭg sikasŭn-i. Ayŭh dŭh arah da rigang! Pak, sabab pinyigaŭn adi kajŭn Ayŭh, Ayŭh dŭh kira mangŭh kabŭs di atuh rigang, ka madin Ayŭh mbŭh guru tura ka tauh takta Tapa.

JAMES 1:16

Dŭhnyah budo, angān adi aku rindu!

JAMES 1:19

Ingat ati, angān adi aku rindu! Barang naan dŭh siŭn dŭh an rikas dingah, pak sais minyu ka sais baji.

JAMES 2:3

Kambŭi angān stabi dŭ di sianŭ adi grua piraka-i ka nang di ayŭh, “Guru kamati ka sambu,” pak nang di sianŭ adi sirata, “Mijog dijeh, puan kah guru digiti di tana sindŭk kaja ku,”

JAMES 2:9

Pak kambŭi angān ndai di daya nanyam ayong-i, angān mbŭh bidosa, ka Ukum-adat nunggu angān mun nunggu daya adi miranggar ukum-adat.

JAMES 3:17

Pak pinyibijak adi so sambu, inŭh bisig, pinyidamai, duduh, ka pinyijerā; ayŭh puno ngga pinyirasi ka pijadi pingandai kana; dŭh-i napŭ daya, dŭh-i nyibudo daya.

2 PETER 1:1

So Simon Peter, urun ka pinyuruh Jesus Kristus, nuju sinadan daya adi mbŭh sabah mun kieh, so pinŭnggŭn Tapa ngga Pinyikudip ta Jesus Kristus.

JUDE 1:16

Ngara anŭ siraru mingungut buang nyarah daya; ngara tunda pinyiripong adŭp-i adi arap, muji adŭp-i ka nganju daya bŭkŭn yŭn dapŭd utung.

PINANDŬNG 14:12

Sirati-i bara daya adi Tapa mbŭh mien dŭh siŭn dŭh an biyŭn pinyitŭtŭd atin, ngara adi sita Pinyipesan Tapa ka adi tŭtŭd di Jesus.