JAMES 1:27 - Hakcipta - Biatah Bidayuh

²⁷ Adat adi Tapa Sama nyirundeng bisig buang sawŭ batur inŭh simuti: kingat jaga ngara adi tumang ka dayung uban di pinyusah ngara, ka jaga adŭp ngan so dog kinais ong ati.

JAMES 1:27 ပူးပေါင်းရင်းမြစ်များ

MAZMUR 119:1

Sanang inŭh ngara adi udip dŭh ndai sarah, adi udip nanyam ka ukum-adat TUHAN.

MAZMUR 146:9

Ayŭh grindung daya saruh adi udip di tarun tana ta; Ayŭh turung dayung uban ngga anak tumang, pak pirabur daya adi ginaka.

MAZMUR 68:5

Tapa, adi rŭŭ di Ramin kudus-I, kingat anak tumang ka grindung dayung uban.

ISAIAH 1:23

Bara pinguru mu inŭh daya adi an birawan ka jerā bara pinaku; ngara marar trima pinganggen ngga suap. Ngara bŭn ngibān anak tumang di yŭn bisara bait dingah pinganang dayung uban pasar har ngara.

MATTHEW 12:32

Daya adi nang pinganang arap rawan Anak Manusia dapŭd dog apun; pak daya adi ngujat rawan Roh Kudus dŭh dapŭd dog apun, madin bait di tadŭ nga-i.

MATTHEW 5:8

Sanang inŭh ngara adi bisig di atin-i; ngara re kiris Tapa!

LUKE 1:6

So-duwŭh ngara mbŭh daya tŭnggŭn di sirung jawin Tapa ka mbŭh sita ukum ukum-adat ngga pinyipesan Tuhan.

ROME 12:2

Dŭhnyah bada adŭp ngan mun daya di ong ati, pak bada Tapa ngubah aran pikir ngan. Mun anŭ angān re tungang puan pinyiraan Tapa, anŭ inŭh kayuh adi kana, adi sukup batur ka adi pimunos asŭng-I.

ROME 2:13

Amai dŭh-i so ka dingah Ukum-adat daya bamai ngga Tapa, pak so ka ndai kayuh adi Ukum-adat pesan daya da ndai.

GALATIA 1:4

Siŭn-I bisa pirupas ata so jaman adi arap ati, Kristus mbŭh nggen adŭp-I ngga ngarun dosa ta, nanyam pinyiraan Tapa adi Sama ta.

GALATIA 3:11

Madin, mbŭh granan mating katŭn daya dapŭd bamai ngga Tapa so ka Ukum-adat, sabab Surat-kudus nang, “Kaŭs daya adi bamai ngga Tapa so ka pinyabah re udip.”

GALATIA 5:6

Amai kan ata mbŭh ndi ngga Kristus Jesus, bisunat bait dŭh ata anŭ mbŭh dŭh biguna tia; adi biguna inŭh pinyabah adi taban pinyirindu.

GALATIA 6:14

Ka aku ati, kaŭs aku an mingangŭn pasar rigang Tuhan ta Jesus Kristus; amai ngga pinyikabŭs Kristus di atuh rigang, ong ati mbŭh dŭh biyŭn rati di aku, ka aku gŭh mbŭh keya ka kabŭs di kayuh ong.

EPHESUS 2:2

Nganŭ angān kadŭg aran pimudip ong adi sarah; angān bituan di pinguasa roh roh adi arap di rangit ngga di ong, anŭ inŭh roh adi nguasa daya adi nyibireu pinganang Tapa.

DITRONOMI 14:29

Pinguman anŭ inŭh yŭn bara daya Levi amai ngara dŭh biyŭn buat-rata, ka gŭh yŭn daya pinami, anak tumang ka dayung uban adi rŭŭ di kupo kupo ngan. Ngara siŭn mandŭg ka tambit sikiang adi ngara biguna. Ndai simŭnŭ, ka TUHAN adi Tapa ngan re nyiberkat angān di sopŭrŭg kayuh adi angān ndai.

1 TIMOTHY 1:5

Pinŭtŭn pritah ati inŭh ngga kies pinyirindu adi mandŭg so atin bisig, pikir-kira atin adi bisig, ka pinyabah adi sawŭ batur.

1 TIMOTHY 5:4

Pak kambŭi dayung uban biyŭn bara anak puan kah bara sukuh, ngara patut diŭ so kayuh bŭkŭn birajar ndai kayuh adi patut ngara ndai yŭn rawang ngara nanyam ka adat. Ka darŭm ndai simŭnŭ ngara maras budi pimas, simbuk ka babai ngara. Pingandai adi mun ati pimunos asŭng Tapa.

TITUS 2:12

Pinyirasi mandis-I anŭ ngajar ata da pasan pimudip adi dŭh nanyam ka pinyiraan Tapa, ka da ata dŭh nurut pinyiripong ong. Di ong ati ata patut pandai jaga adŭp ta so pinyiripong adi sarah, an jujur, ka udip nanyam ka pinyiraan Tapa,

JAMES 3:17

Pak pinyibijak adi so sambu, inŭh bisig, pinyidamai, duduh, ka pinyijerā; ayŭh puno ngga pinyirasi ka pijadi pingandai kana; dŭh-i napŭ daya, dŭh-i nyibudo daya.

JAMES 3:9

Ata pakai-i ngga nggen trima kaseh di Tuhan ngga Sama ta, ka pakai-i gŭh ngga mangu daya, adi dog napa darŭm gayŭn Tapa.

JAMES 4:4

Angān daya adi dŭh tŭtŭd di Tapa! Dŭh kah angān puan nang bidingan ngga ong sirati-i jadi pinganyu Tapa? Kambŭi angān raan bidingan ngga ong, angān mbŭh bada adŭp ngan jadi pinganyu Tapa.

2 PETER 1:4

Simuti inŭh, Ayŭh mbŭh nggen di ata pinganggen anŭ adi bās ka brega adi Ayŭh ko bijanji an nggen, isa ngga pinganggen anŭ angān bisa pirupas adŭp ngan so pinyiripong adi bisa pirusak angān di ong ati, ka mandŭg sua dapu tibiat Tapa.

2 PETER 2:20

Kambŭi daya mbŭh pirupas adŭp ngara so kuasa aran pimudip adi arap amai mbŭh puan pasar Tuhan adi Pinyikudip ta Jesus Kristus, ka komŭnŭ pari rabu, pimudip ngara anŭ agi rabis arap sikasŭn-i so pimudip ngara adi mbŭh.

2 PETER 3:14

Ngapŭi meh, bara dingan ku, darŭm angān kajŭn Andu anŭ, ngga sibisa bisa ngan bada adŭp ngan bisig ka dŭh biyŭn takar sarah di sirung jawin Tapa ka udip bamai ngga Ayŭh.

1 JOHN 5:18

Ata puan mating anak Tapa re babŭ an ndai dosa, amai Anak Tapa jaga ngara, ka sianŭ adi Arap dŭh re tungang kandam ngara.