JAMES 1:25 - Hakcipta - Biatah Bidayuh

²⁵ Pak kambŭi angān nakit tingga ukum-adat adi sukup kana adi pirupas daya, ka nakit pirati-i ka dŭh dingah adŭ ka rasu kambŭt, pak ndai-i; mun anŭ angān re dog nyiberkat Tapa darŭm kraja pingandai ngan.

JAMES 1:25 ပူးပေါင်းရင်းမြစ်များ

MAZMUR 106:3

Sanang inŭh ngara adi tunda pinyipesan-I, adi siraru ndai kayuh adi batur.

MAZMUR 119:32

Aku re graŭh tunda pesan Mai, sabab Kaam re bada aku rabis mirati.

MAZMUR 119:45

Aku re udip dŭh dog ngabŭt pinganyu, sabab aku suba tunda ajar Mai.

PITAS 14:15

Daya budo sabah barang masam kayuh; daya bijak kingat sakong ngara.

ISAIAH 8:20

Angān dŭh siŭn dŭh nam ngara, “Dingah kayuh adi TUHAN ngajar di angān! Dŭhnyah dingah pinganang daya adi minyu ngga simangi daya adi mbŭh kabŭs. Kayuh adi ngara kidaan di angān dŭh dapŭd pijo pinyusah.”

LUKE 11:28

Pak Jesus nam, “Rabis bituah inŭh ngara adi dingah pinganang Tapa ka tunda-i!”

JOHN 13:17

Amai madin angān puan kayuh ati, munki masam sanang angān kambŭi angān ndai simŭnŭ!

JOHN 8:36

Kambŭi Anak pirupas angān, angān tŭk sawŭ mbŭh dog pirupas.

PINGANDAI 13:43

Ka kan daya mbŭh ruah so ramin simayang-Jahudi, Paul ngga Barnabas dog tunda bara daya Jahudi samŭn bara daya adi dŭh bangsa Jahudi adi mbŭh mŭrŭt adat Jahudi. Ngara duwŭh minyu ngga ngara ka ngatat ngara da adu adu udip darŭm pinyirasi-mandis Tapa.

PINGANDAI 2:42

Ngara awet mandŭg tikuruk dingah ajar so bara pinyuruh. Ngara udip keya ka bijurud bimadis, man samah, simayang samah.

PINGANDAI 26:22

Pak ndŭg andu ati aku agi dog turung Tapa, ka aku mijog digiti nggen taksi di sopŭrŭg ngan, sŭ bait bās-i angān. Kayuh adi aku kidaan inŭh kayuh adi muko adŭp bara nabi samŭn Moses kidaan nang re jadi:

ROME 11:22

Digiti meh ata kiris munki masam mandis-i ka munki masam mangah-i Tapa. Ayŭh mangah ngga ngara adi mbŭh rabu, pak mandis ngga angān, anŭ inŭh kambŭi angān bijijŭ darŭm mandis-I. Pak kambŭi angān dŭh, angān gŭh re dog kadi.

ROME 2:13

Amai dŭh-i so ka dingah Ukum-adat daya bamai ngga Tapa, pak so ka ndai kayuh adi Ukum-adat pesan daya da ndai.

ROME 7:12

Ngapŭi meh, adŭp Ukum-adat anŭ kudus, ka Pinyipesan anŭ kudus, batur, ka kana.

ROME 8:15

Amai Roh adi Tapa nggen di angān dŭh-I bada angān jadi urun ka bada angān taru; Roh Kudus bada angān jadi bara anak Tapa kidŭ-i, ka sabab Roh Kudus ata bagan Tapa, “Sama! Sama ku!”

ROME 8:2

Amai ukum-adat Roh Kudus, adi bada ata udip ndi ngga Kristus Jesus, inŭh adi pirupas aku so ukum-adat dosa ngga pinyikabŭs.

1 CORINTH 15:58

Jadi meh, angān adi aku rindu, mijog tagap ka dŭhnyah bada ani ani pigayo adŭp ngan. Na atin ngga pikir ngan di kraja Tuhan, amai angān puan sopŭrŭg kayuh adi angān ndai yŭn Tuhan dŭh-i au-tarun.

2 CORINTH 13:5

Nakit suba adŭp ngan ka tingga, nang kah udip darŭm pinyabah kah dŭh angān. Tatu angān puan Kristus Jesus agi rŭŭ darŭm angān, anŭ inŭh kambŭi angān dŭh arah darŭm pisuba anŭ.

GALATIA 2:4

sunggu agi daya raan bada ayŭh bisunat. Bara daya anŭ bada adŭp-i mun bara adi sabah di Jesus, mbŭh mŭrŭt ka darŭm tibaran ta keya ka pinyiong, an puan pasar pinyirupas adi ata biyŭn darŭm udip ndi ngga Kristus Jesus. Ngara raan piurun ata,

GALATIA 5:1

Kristus mbŭh nggen di ata pinyirupas. Mijog tagap meh ka dŭhnyah tandah adŭp ngan jadi urun dinge.

GALATIA 6:2

Turung dingan ngan adi dog pinyusah. Simŭnŭ, angān mbŭh sita ukum-adat Kristus.

COLOSSAE 1:23

Angān dŭh siŭn dŭh an adu adu sabah di Agah Kana anŭ ka jadi tagap darŭm pinyabah ngan. Dŭhnyah pasan pingarap ngan anŭ adi angān ko kambat darŭm angān dingah Agah Kana anŭ. Yŭn Agah Kana anŭ inŭh aku, Paul, mbŭh jadi urun. Ka Agah Kana anŭ mbŭh dog nyuse di ndi ong ong.

1 TIMOTHY 2:15

Pak dayung re dog nyiramat darŭm-i mira, kambŭi ayŭh bijijŭ darŭm pinyabah, pinyirindu ka darŭm pimudip kudus, ngga atin tŭkŭn.

1 TIMOTHY 4:16

Jaga adŭp mu ka ingat ani anŭ adi kuu ngajar. Adu adu ndai simŭnŭ, ka kuu re nyiramat dŭh-i adŭp mu adŭ, pak sopŭrŭg daya adi dingah kuu.

HEBREW 12:15

Ingat dŭhnyah angān ngundur so pinyirasi-mandis Tapa. Dŭhnyah angān jadi mun anak tŭngŭn kayuh adi pa'it adi taban bagŭ pinyusah ngga rasun-i.

JAMES 2:12

Minyu ka ndai kraja nimun daya adi re dog bisara pakai ukum-adat adi re pirupas ata.

1 PETER 2:16

Udip mun daya adi mbŭh dog pirupas; pak dŭhnyah pakai pimudip ngan anŭ ndu aran yŭn barang masam arap, pak udip nimun urun Tapa.

1 JOHN 2:24

Ingat meh, angān an nyikŭn darŭm atin ngan agah anŭ adi angān ko dingah so sibungas-i. Kambŭi angān bidigŭng di agah anŭ, angān re siraru udip ndi ngga Anak ka ngga Sama.

PINANDŬNG 14:13

Komŭnŭ aku dingah sirŭŭn so shorga nang, “Nuris ati: So madin, sanang inŭh ngara adi kabŭs darŭm ngara bituan di Tuhan!” “Manŭn sawŭ!” nam Roh Kudus. “Ngara re rŭŭ so kraja jera ngara, amai ngara re dog ngupah sabab pingandai kana ngara.”

PINANDŬNG 22:14

Sanang inŭh ngara adi ngu piraka ambu ngara da bisig ka biyŭn hak man buwa so tŭngŭn kayuh adi nggen udip, ka mŭrŭt so tiban di ka darŭm kupo.

1 SAMUEL 12:14

Angān re sanang kambŭi angān stabi di TUHAN adi Tapa ngan, bituan di Ayŭh, dingah pinganang-I, ka tunda pinyipesan-I, ka kambŭi angān ngga raja ngan tŭtŭd di Ayŭh.