JAMES 1:21 - Hakcipta - Biatah Bidayuh

²¹ Jadi taran meh pimudip adi sembar ka urah adi ginaka. Jugan adŭp ngan ka darŭm tangan Tapa ka kambat pinganang adi-I purun darŭm atin ngan, adi dapŭd nyiramat angān.

JAMES 1:21 ပူးပေါင်းရင်းမြစ်များ

MAZMUR 25:9

Ayŭh nguru daya adi pirapat adŭp-i di aran adi batur ka ngajar ngara pinyiraan-I.

ISAIAH 2:20

Kan andu anŭ mandŭg, ngara re taran tibudo adi ngara ndai so mas ngga pirak, ka tingge-i yŭn babu ngga kadā.

ISAIAH 29:19

Daya sirata ngga daya adi dog pimangŭh re pari dapŭd udip sanang so TUHAN, Tapa kudus Israel.

ISAIAH 30:22

Angān re tambit tibudo ngan adi dog marut ngga pirak ka adi dog marut ngga mas, ka taran-i mun taran kayuh adi kais. Angān nang, “Bu so aku!”

ISAIAH 61:1

TUHAN Raja mbŭh nguasa aku ngga Roh-I. Ayŭh mbŭh mien aku ka pait aku bada taban agah kana ka daya sirata, bada pibua daya adi susah atin, bada piagah pinyirupas di daya-takap ka pinyirupas di ngara adi dog jer.

EZEKIEL 18:31

Pasan sopŭrŭg arap adi angān mbŭh ndai, ka bada pikir ngga atin ngan jadi bauh. Mani angān daya Israel raan kabŭs?

EZEKIEL 36:25

Aku re masik piin bisig di angān, angān adi sembar bada tibudo ka bada barang masam kayuh.

ZEPHANIAH 2:3

Pari ka TUHAN, sopŭrŭg ngan adi di rais ati adi pirapat adŭp ngan, adi tunda pesan-I. Ndai kayuh adi batur, ka pirapat adŭp ngan di sirung jawin TUHAN. Kadŭ angān dapŭd pirupas adŭp ngan so ukum di andu anŭ adi ngga TUHAN kiren baji-I.

MATTHEW 5:5

Sanang inŭh ngara adi pirapat adŭp-i; ngara re kambat kayuh adi Tapa ko bijanji an nggen!

JOHN 6:63

Anŭ adi nggen udip di manusia inŭh Roh Tapa; kuasa manusia dŭh tungang. Pinganang Ku tejah inŭh mandŭg so Roh Kudus adi nggen udip.

JOHN 6:68

Simon Peter nam, “Tuhan, ka yŭn asi kieh re bu? Kaam biyŭn pinganang adi nggen udip adi sawŭ adi tan adu adu.

PINGANDAI 10:33

Jadi aku rasu pait daya da di jiroh kaam, ka kaam mbŭh raru kana gŭh an mandŭg. Ka madin kieh sopŭrŭg agi digiti di sirung jawin Tapa, an dingah kayuh adi Tuhan mbŭh bada kaam nang.”

PINGANDAI 13:26

“Bara dingan ku daya Israel, adi bara sesang Abraham, ka sopŭrŭg adi dŭh bangsa Jahudi digiti adi nyambah Tapa: yŭn ata inŭh Tapa mbŭh pait agah pinyiramat anŭ.

ROME 1:16

Aku mingangŭn di Agah Kana anŭ; Agah kana anŭ inŭh kuasa Tapa ngga nyiramat sopŭrŭg adi sabah, daya Jahudi diŭ, komŭnŭ daya adi dŭh bangsa Jahudi.

ROME 11:17

Kada daan tŭngŭn kanā adi taŭn daya purun dog kadi, ka ndi daan so tŭngŭn kanā tuān dog tubu dieh. Angān daya adi dŭh bangsa Jahudi agi keya ka tŭngŭn kanā tuān, ka madin mbŭh samah dapu pimudip roh adi tagap anŭ adi tung daya Jahudi.

ROME 6:17

Pak trima kaseh di Tapa! Amai sunggu angān ko jadi urun dosa, angān mbŭh tunda ngga siabo atin ngan ajar adi sawŭ adi mbŭh dog nggen di angān.

1 CORINTH 15:2

Anŭ inŭh Agah Kana, agah adi aku ko nggen di angān. Agah Kana anŭ re nyiramat angān kambŭi angān bidigŭng tagap dieh. Kambŭi dŭh, pinyabah ngan anŭ dŭh biyŭn guna.

2 CORINTH 7:1

Angān adi aku rindu, sopŭrŭg janji anŭ mbŭh dog ndai yŭn ta. Ngapŭi ata patut pibisig adŭp ta so sopŭrŭg kayuh adi kinais pŭrŭng ngga simangi, ka udip darŭm taru di Tapa, ka bada adŭp ta kudus.

EPHESUS 1:13

Ka angān gŭh jadi bara daya adi Tapa mbŭh mien kan angān mbŭh dingah agah pasar ajar adi sawŭ, anŭ inŭh Agah Kana adi taban pinyiramat ka angān. Angān sabah di Kristus, ka Tapa, ngga-I kiren angān mbŭh tung adŭp-I, mbŭh nandā angān ngga Roh Kudus adi-I ko bijanji an nggen.

EPHESUS 4:22

Jadi taran meh pimudip ngan adi amba, adi bada angān mun adi mbŭh, anŭ inŭh rusak da pinyiraan ngga pingandai tipu-i.

EPHESUS 4:25

Dŭhnyah tia kadong! Barang naan dŭh siŭn dŭh nang kayuh adi sawŭ di dingan adi samah sabah di Jesus, sabab sopŭrŭg ta mbŭh samah darŭm ndi pŭrŭng Kristus.

EPHESUS 5:4

Dŭh gŭh angān siŭn pakai piminyu pinganang adi kais, adi sembar, puan kah tapat adi kais. Pak angān patut nggen trima kaseh di Tapa.

1 THESSALONICA 1:5

Amai kieh taban Agah Kana ka angān, dŭh ngga piminyu adŭ, pak ngga kuasa, ka ngga Roh Kudus, buang mbŭh tatu puan nang Agah Kana anŭ agi granan sawŭ. Angān puan munki kieh udip sitadŭn kieh agi ngga angān; anŭ mbŭh taŭn yŭn kana adŭp ngan.

1 THESSALONICA 2:13

Ka agi gŭh sabab adi bŭkŭn adi bada kieh siraru nggen trima kaseh di Tapa. Kan kieh taban ka angān agah so Tapa, angān dingah ka kambat-i dŭh mun daya kambat agah so manusia, pak kambat-i nimun agah adi sawŭ so Tapa. Amai Tapa agi nyiraja darŭm angān adi sabah.

TITUS 2:11

Amai Tapa mbŭh pinandŭng pinyirasi mandis-I yŭn pinyiramat sopŭrŭg manusia.

HEBREW 12:1

Mun ata ati, ata biyŭn bara saksi maning ata. Ja ata pasan kadi kayuh adi matŭn ata, samŭn dosa adi rakat di ata, ka bikaduh ngga siabo asŭng darŭm rumba adi mbŭh dog sidia yŭn ta.

HEBREW 2:3

Simuki meh garang ata re bisa mangān ukum kambŭi ata dŭh piduri pinyiramat bās anŭ? Adŭp Tuhan mbŭh piagah pinyiramat anŭ, ka ngara adi dingah Ayŭh mbŭh kiren di ata kayuh anŭ agi sawŭ.

HEBREW 4:2

Amai ata mbŭh dingah Agah Kana anŭ, mun ngara gŭh. Ngara dingah agah anŭ, pak-i dŭh biguna yŭn ngara, sabab kan ngara dingah-i, ngara dŭh kambat-i ngga pinyabah.

JAMES 4:8

Mandŭg nyindŭk Tapa, ka Ayŭh re mandŭg nyindŭk angān. Ngu tangan ngan, angān daya bidosa! Pibisig atin ngan, angān daya pingadong!

JAMES 5:20

ingat ati: asi asi so angān adi nyiruton daya adi bidosa da pari so aran-i adi sarah, ayŭh mbŭh nyiramat simangi daya bidosa anŭ so pinyikabŭs buang taban pingapun yŭn bagŭ dosa.

1 PETER 1:22

Amai madin so ka adŭp ngan adi dingah ka nurut ajar adi sawŭ pasar Tapa, angān mbŭh pibisig adŭp ngan ka mbŭh biyŭn pinyirindu ngga atin tŭnggŭn yŭn bara adi bŭkŭn adi samah sabah di Jesus; rindu dingan ngan ngga siabo atin ngan.

1 PETER 1:9

sabab angān kambat pinyiramat simangi ngan, adi taŭn pinŭtŭn pinyabah ngan di Ayŭh.

1 PETER 2:1

Ngapŭi meh, kadi adŭp ngan so sopŭrŭg arap; dŭhnyah tia kadong daya, nyibudo daya, sina di daya ka bakit daya.

1 PETER 2:11

Bara dingan ku, angān agi keya ka daya saruh ka daya nupang di ong ati! Dŭhnyah nurut pinyiripong pŭrŭng, adi taŭn siraru rawan simangi!