Kadŭ aku re dog siŭ ka deya ku re dog ren mun pinganggen di tunduh sadis adi angān jugan ka Tapa ngga kiren angān mbŭh sawŭ sabah di Ayŭh. Kambŭi anŭ sawŭ, sanang asŭng ku isa angān sua gaŭn ngga aku.
Angān mbŭh samah kinyam pinyusah daya-takap, ka kan sopŭrŭg rata ngan dog sirapas, angān nyijŭn ngga sanang asŭng, sabab angān puan nang adŭp ngan babŭ biyŭn anŭ adi kana dŭ, adi tan adu adu.
Sanang inŭh ngara adi tŭtŭd darŭm ngara dog suba, sabab kan ngara manang ngarah pisuba anŭ, ngara re kambat upah-i, anŭ inŭh udip adi sawŭ adi Tapa mbŭh bijanji an nggen di sinadan daya adi rindu di Ayŭh.
Ngapŭi Tuhan puan munki Ayŭh re nyiramat daya adi nurut pinyiraan Tapa so pisuba ngara ka munki re nguruk bara adi ginaka di ribo ukum yŭn Andu Bisara,
Dŭhnyah taru kayuh adi re bada kuu sangsara. Ingat! Siarap re taran kada so bara mu ka darŭm jer ngga suba kuu, ka kuu re susah sitian simŭng andu. Tŭtŭd meh darŭm Aku, sunggu kuu dog siŭ bait kani, ka Aku re nggen di kuu udip adi sawŭ adi tan adu adu ndu upah pimanang mu.