JAMES 1:17 - Hakcipta - Biatah Bidayuh

¹⁷ Sopŭrŭg pinganggen adi sukup kana mandŭg so shorga; ayŭh mūn so Tapa adi Pinapa jawa shorga. Ayŭh Tapa adi dŭh birubah ka bŭn re kinarŭm darŭm-I marik adŭp-I.

JAMES 1:17 ပူးပေါင်းရင်းမြစ်များ

TIBIRIK 41:16

Joseph nam, “Dŭh aku pandai, Tuan Raja, pak Tapa tungang kidaan rati-i.”

1 KRONIKEL 22:12

Ka isa-i TUHAN adi Tapa mu nggen di kuu pinyipitar ngga pinyibijak isa kuu bisa mritah Israel nanyam ka Ukum adat-I.

1 KRONIKEL 29:19

Nggen di anak ku Solomon atin adi sukup raan tunda pinganang Mai ka pijog ramin simayang ati pakai sopŭrŭg kayuh adi mbŭh aku sidia ati.”

MAZMUR 102:27

Pak Kaam dŭh re birubah, ka udip Mai dŭh re mungan.

MAZMUR 122:6

Bidua mite udip bamai yŭn Jerusalem: “Isa-i ngara adi rindu kuu mujur.

MAZMUR 136:7

Ayŭh napa batŭh andu ngga buran; pinyirindu-I tan adu adu;

MAZMUR 84:11

TUHAN inŭh pinyigrindung ngga raja ta adi bibragah, nyiberkat ata ngga mandis ngga stabi. Ayŭh dŭh abah nggen tadŭ tadŭ kayuh kana di ngara adi ndai kayuh adi batur.

MAZMUR 85:12

TUHAN re bada ata mujur, ka tana ta re piruah pingatŭm bās.

PITAS 2:6

TUHAN inŭh adi nggen pinyibijak; so Ayŭh mandŭg pinyipuan ngga pinyimirati.

ISAIAH 28:26

Ayŭh puan munki ndai kraja, sabab Tapa mbŭh ngajar ayŭh.

ISAIAH 45:7

Aku napa jawa ngga karŭm; Aku taban berkat ngga pinyirusag. Aku, adi TUHAN, ndai sopŭrŭg anŭ.

ISAIAH 46:10

So sibungas-i jah Aku ninjau pinŭbŭn kayuh; ndun jah Aku muko diŭ kidaan kayuh adi re jadi. Aku nang atur kraja Ku dŭh re dŭh jadi, ka Aku re pijadi sopŭrŭg kayuh adi nang Ku Aku re ndai.

ISAIAH 60:19

“Batŭh andu re dŭh tia jadi jawa mu sandu, dŭh gŭh buran jadi jawa mu singarŭm; Aku, adi TUHAN, re jadi jawa mu adi tan adu adu; jawa bragah Ku re nyekar di tunduh mu.

MALACHI 3:6

“Aku ati TUHAN, ka Aku dŭh birubah. Ka simŭnŭ gŭh angān, adi sesang Jacob, ka adi gibayuh rarap.

PINYIKIANG 11:17

Aku re mūn ka minyu ngga kuu diginŭ, ka Aku re tambit kada roh adi Aku ko nggen di kuu ka nggen-i di ngara. Simŭnŭ ngara re bisa turung kuu di pinanggong mu di bara daya ati; simŭnŭ kuu dŭh re tia gŭrŭng-i sadi adŭp mu.

PINYIKIANG 11:25

Komŭnŭ TUHAN mūn darŭm abun ka minyu ngga ayŭh. Ayŭh tambit kada roh adi-I ko nggen di Moses ka nggen-i di ju puru naan bara pinguru anŭ. Kan roh anŭ mbŭh mūn di tunduh ngara, ngara nyirais sak bara nabi, pak dŭh tui.

PINYIKIANG 23:19

Tapa dŭh manusia, adi minyu kadong; Ayŭh dŭh manusia adi an ngubah pikir-i. Ani bait ani adi Ayŭh bijanji, Ayŭh ndai; Ayŭh minyu, ka-i jadi.

MATTHEW 7:11

Angān adi arap, angān puan adŭp ngan nggen kayuh kana di anak ngan. Ka rabis-i Sama ngan adi di shorga, an nggen kayuh kana di ngara adi mite so Ayŭh!

LUKE 11:13

Sunggu angān arap, angān puan adŭp ngan nggen kayuh kana di anak ngan. Dŭh kah meh Sama ngan adi di shorga rabis an nggen Roh Kudus di ngara adi mite so Ayŭh!”

JOHN 1:9

Ati inŭh jawa adi sawŭ, adi mandŭg ka ong ka nyekar sopŭrŭg manusia.

JOHN 3:27

John nam, “Mating daya bisa biyŭn kayuh, kambŭi Tapa dŭh nggen.

JOHN 3:3

Jesus nam, “Aku kidaan di kuu kayuh adi sawŭ: mating daya tungang kinyam Pinyipritah Tapa, kambŭi ayŭh dŭh dog biranak bauh.”

JOHN 8:12

Jesus minyu di bara daya Pharisee dinge. “Aku ati inŭh jawa ong,” Ayŭh nang. “Daya adi tunda Aku re biyŭn jawa adi nggen udip ka dŭh re panu darŭm karŭm.”

PINGANDAI 11:18

Kan ngara dingah sakanŭ, ngara pajam. Ka ngara muji Tapa, “Di daya adi dŭh bangsa Jahudi gŭh Tapa mbŭh nggen aran ngga marik pimudip-i pari ka adŭp-I, siŭn dapŭd udip adi sawŭ adi tan adu adu!”

PINGANDAI 5:31

Tapa mbŭh katuh Ayŭh ka tangan tauh-I, nimun Pinguru ka Pinyikudip, siŭn daya Israel dapŭd aran ngga marik pimudip-i pari ka adŭp-I ka dapŭd pingapun dosa.

ROME 6:23

Dosa nggen pinyikabŭs ndu upah; pak pinganggen bās Tapa inŭh udip adi sawŭ adi tan adu adu ngga Kristus Jesus Tuhan ta.

1 CORINTH 4:7

Asi bada angān rabis kana so daya bŭkŭn? Dŭh kah Tapa ko nggen di angān sopŭrŭg kayuh adi angān biguna? Mani meh angān mingangŭn, mun ani kayuh adi angān biyŭn dŭh pinganggen?

2 CORINTH 4:6

Tapa adi nang, “Jawa re nyekar darŭm karŭm!” inŭh babŭ Tapa anŭ adi bada jawa-I nyekar darŭm atin ami, isa ata bisa puan bragah Tapa adi nyekar di Jawin Kristus.

EPHESUS 1:18

Aku mite pikir ngan tikuka yŭn kiris jawa-I, isa angān adi-I mbŭh mien puan ani anŭ adi angān harap, munki masam grua berkat adi-I mbŭh bijanji an nggen di daya-I,

EPHESUS 2:8

Amai so ka pinyirasi-mandis Tapa inŭh angān dog nyiramat sabab angān sabah di Jesus; dŭh so ka kraja pingandai adŭp ngan, pak mbŭh pinganggen adŭp Tapa, isa daya dŭh mingangŭn.

DITRONOMI 4:19

Dŭhnyah dog pinyisuba an nyambah ka bituan di kayuh adi angān kiris di rangit — batŭh andu, buran ngga bitang bitang. TUHAN adi Tapa ngan mbŭh nggen kayuh kayuh anŭ ka sopŭrŭg daya bŭkŭn, bada ngara nyambah.

PHILIPPI 1:29

Amai angān mbŭh dog nggen aran ngga bituan di Kristus, dŭh-i so ka pinyabah ngan di Ayŭh adŭ, pak so ka sangsara ngan sitagar Ayŭh.

1 TIMOTHY 6:16

Ayŭh sadi adi udip adu adu; Ayŭh agi darŭm jawa adi mating daya tungang nyindŭk. Gi-mating daya tungang kiris Ayŭh. Di Ayŭh inŭh stabi ngga kuasa adi tan adu adu! Amen.

HEBREW 13:8

Jesus Kristus inŭh babŭ mijah, andu ati, ka adu adu.

JAMES 1:5

Pak kambŭi agi so angān dŭh biyŭn pinyibijak, ayŭh patut bidua ka Tapa, adi an nggen-i di ayŭh; sabab Tapa inŭh adi an nggen ngga siabo asŭng-I di sopŭrŭg daya.

JAMES 3:15

Pinyibijak adi mun anŭ dŭh-i mandŭg so shorga, pak timbur di ong, so tibiat manusia adi bidosa ngga so umot adi arap.

JAMES 3:17

Pak pinyibijak adi so sambu, inŭh bisig, pinyidamai, duduh, ka pinyijerā; ayŭh puno ngga pinyirasi ka pijadi pingandai kana; dŭh-i napŭ daya, dŭh-i nyibudo daya.

1 JOHN 1:5

Agah adi kieh dingah so Anak-I ka adi kieh piagah inŭh ati: Tapa inŭh Jawa, ka darŭm Ayŭh taŭn mating adŭ karŭm.

1 JOHN 4:10

Ati inŭh pinyirindu: dŭh-i ata mbŭh rindu Tapa, pak Ayŭh mbŭh rindu ata, ka mbŭh pait Anak-I da jadi aran adi ngga dosa ta bisa dog apun.

PINANDŬNG 21:23

Kupo anŭ dŭh biguna di jawa batŭh andu puan kah jawa buran, sabab bragah Tapa nyirinyak dieh, ka Anak Biri mbŭh prita-i.

PINANDŬNG 22:5

Re mating tia singarŭm ka ngara re dŭh tia biguna di prita puan kah di jawa sandu, sabab Tuhan Tapa re jadi jawa ngara. Ngara re mritah nimun raja ndŭg situi tui.

1 SAMUEL 15:29

Tapa bās Israel dŭh kadong bait ka nukar pikir-I. Ayŭh dŭh manusia — Ayŭh dŭh nukar pikir-I.”