JAMES 1:12 - Hakcipta - Biatah Bidayuh

¹² Sanang inŭh ngara adi tŭtŭd darŭm ngara dog suba, sabab kan ngara manang ngarah pisuba anŭ, ngara re kambat upah-i, anŭ inŭh udip adi sawŭ adi Tapa mbŭh bijanji an nggen di sinadan daya adi rindu di Ayŭh.

JAMES 1:12 ပူးပေါင်းရင်းမြစ်များ

TIBIRIK 22:1

Mua tian ripas anŭ, TUHAN suba Abraham; Ayŭh bagan, “Abraham!” Ka Abraham nam, “Ta aku!”

NEHEMIAH 1:5

“TUHAN Tapa adi pinguasa di Shorga! Kaam inŭh bās, ka kieh taru di Kaam. Ngga tŭtŭd Kaam ingat simanya Mai ngga ngara adi rindu di Kaam ka adi ndai kayuh adi Kaam pesan.

JOB 2:10

Job nam, “Budo pinganang mu anŭ! Kan Tapa pait ka ata kayuh kana, ata trima-i. Simuki meh ata re mingungut kan Ayŭh pait ka ata pinyusah?” Sunggu Job sangsara, ayŭh mating nang ani ani rawan Tapa.

JOB 5:17

Sanang inŭh daya adi Tapa ngika! Dŭhnyah tuas kan Ayŭh ngajar kuu.

MAZMUR 11:5

Ayŭh piruh sopŭrŭg daya, adi kana ngga adi ginaka; daya gaok adi rindu pinyiganas Ayŭh tiru ngga siabo atin-I.

MAZMUR 119:67

Diŭ so Kaam ngukum aku, aku taŭn mbŭh ari ndai sarah, pak madin aku tunda pinganang Mai.

MAZMUR 119:71

Taŭn kana Kaam ngukum aku, sabab-i bada aku birajar pesan Mai.

MAZMUR 119:75

Aku puan ukum-adat Mai tŭnggŭn, TUHAN, ka Kaam ngukum aku sabab Kaam tŭtŭd.

MAZMUR 5:11

Pak sopŭrŭg adi mbŭh pagŭng darŭm Kaam re gaŭn; ngara siŭn ari biragu amai gaŭn. Grindung ngara adi rindu Kaam; sabab Kaam ngara tŭk sawŭ sanang.

MAZMUR 94:12

TUHAN, sanang inŭh ngara adi Kaam mbŭh ngajar, ngara adi Kaam mbŭh ngajar ukum-adat Mai!

PINYIRUAH 20:6

Pak Aku kiren pinyirindu Ku di biribu ribu turap manusia adi rindu di Aku ka tunda ukum-adat Ku.

PITAS 17:3

Mas ngga pirak dog suba ngga apui, ka atin daya dog suba TUHAN.

ISAIAH 64:4

Mating daya mbŭh kiris bait dingah Tapa adi mun Kaam, adi ndai pingandai adi mun anŭ yŭn ngara adi na pingarap di Kaam.

ZECHARIAH 13:9

Ka Aku re suba utung adi taruh adi siramat ka re pibisig ngara mun pirak dog pibisig ngga apui. Aku re suba ngara mun suba mas. Ka ngara re bidua ka Aku, ka Aku re nam ngara. Aku re kidaan di ngara nang ngara inŭh daya Ku, ka ngara re ngaku Aku ati Tapa ngara.”

MATTHEW 10:22

Barang naan daya re tiru di angān sabab angān murid Ku. Pak asi asi adi bijijŭ ndŭg sikasŭn-i re dog nyiramat.

MATTHEW 25:34

Komŭnŭ Raja anŭ re nang di daya tura ka tauh-I, ‘Mandŭg, angān adi ko dog nyiberkat Sama Ku! Mandŭg ka sua kinyam Pinyipritah Tapa adi ko dog sidia yŭn ngan so sibungas ong jadi.

LUKE 6:22

“Sanang inŭh angān kan daya tiru di angān, tirawan angān, pimangŭh angān, ka kinarap angān, sitagar Anak Manusia!

ROME 5:4

ka pinyitŭtŭd atin inŭh adi Tapa raan, adi bada ata dapŭd pingarap.

ROME 8:28

Ata puan nang Tapa ngatur sopŭrŭg kayuh yŭn kana sopŭrŭg daya adi rindu Ayŭh, daya adi-I ko bagan nimun ka tujuan-I.

1 CORINTH 2:9

Pak sunggu mŭnŭ, sak adi nang Surat-kudus, “Kayuh adi bŭn daya kiris puan kah dingah, kayuh adi bŭn daya pikir re jadi, mbŭh tigŭrŭ kayuh adi Tapa sidia yŭn ngara adi rindu Ayŭh.”

1 CORINTH 8:3

Pak daya adi rindu Tapa mbŭh dog puan Tapa.

1 CORINTH 9:25

Barang naan daya adi tukang birumba, darŭm pirates adŭp-i, taŭn-i an biyŭn sukup disiplin. Ayŭh ndai simŭnŭ siŭn-i dapŭd upah manang birumba, sunggu upah anŭ dŭh tan tui. Ata mun anŭ gŭh, an biyŭn sukup disiplin siŭn ata dapŭd upah manang birumba anŭ adi tan adu adu.

DITRONOMI 13:3

dŭhnyah piduri ngara. TUHAN adi Tapa ngan mbŭh pakai ngara ngga suba angān, an tingga nang ka sawŭ rindu ngan kah TUHAN ngga siabo atin ngan.

DITRONOMI 7:9

Ingat nang TUHAN adi Tapa ngan adŭ adi Tapa ka Ayŭh taŭn tŭtŭd. Ayŭh re sita simanya-I ka kiren pinyirindu-I adi dŭh bisa birubah di siribu turap daya adi rindu Ayŭh ka tunda pinyipesan-I,

DITRONOMI 8:2

Ingat simuki TUHAN adi Tapa ngan mbŭh nguru angān di pimanu adi raru jo mutas tarun tana-pajam pat puru sawa; bada angān jera ngga-I suba angān, yŭn-I an puan kayuh adi re ngan ndai, ka re ngan tunda kah dŭh pinyipesan-I.

2 TIMOTHY 2:15

Ngga sibisa bisa mu jiroh puji so Tapa, nimun daya adi nyiraja adi dŭh mangŭh ngarun kraja-i. Kuu patut ngajar ajar adi sawŭ adi so Tapa ngga batur-i.

2 TIMOTHY 4:8

Ka madin mbŭh agi kajŭn aku, upah manang udip bamai ngga Tapa, adi Tuhan, arang adi tŭnggŭn, re nggen di aku di Andu anŭ. Dŭh di aku adŭ, pak di sopŭrŭg daya adi kajŭn, ngga pinyirindu, Ayŭh adi re tatŭng.

HEBREW 10:32

Ingat nŭh munki angān dawŭ-i. Di tipuh anŭ, ripas jawa Tapa nyekar di angān, angān sangsara da bagŭ masam kayuh, ka angān dŭh arah.

HEBREW 11:17

Pinyabah inŭh adi bada Abraham jugan anak-I Isaac ndu sadis kan Tapa suba ayŭh. Ngga adŭp Abraham inŭh Tapa mbŭh ndai janji-I, pak babŭ gŭh Abraham sidia an jugan anak tambŭ-i ndu sadis.

HEBREW 12:5

Mbŭh kambŭt ngan kah pinganang adi ngga Tapa ngatat angān, angān adi keya ka bara anak-I? “Nak, nakit dingah kan Tuhan ngajar angān, ka dŭhnyah jimŭ kan Ayŭh nang angān.

HEBREW 6:15

Abraham tŭtŭd, ka sawŭ ayŭh kambat kayuh adi Tapa ko bijanji an nggen.

JAMES 2:5

Ingat nŭh, angān adi aku rindu! Tapa mbŭh mien daya sirata di ong ati da jadi kaya darŭm pinyabah. Ngara re dapu pinyipritah Tapa nimun adi-I ko bijanji an nggen di ngara adi rindu di Ayŭh.

JAMES 5:11

Kieh kadŭn ngara sanang sabab ngara tan. Angān ko dingah pasar atin sabar Job, ka munki Tuhan di pinŭbŭn-i turung ayŭh. Ayŭh simŭnŭ amai Tuhan mandis buang puno ngga atin masi.

1 PETER 3:14

Pak sunggu angān patut kinyam sangsara bait kani sitagar pingandai kana ngan, Tapa re mandis ngga angān! Dŭhnyah taru tadŭ tadŭ daya, ka dŭhnyah susah.

1 PETER 4:13

Pak gaŭn meh angān amai angān mbŭh sua kinyam jera-birasa Kristus, isa angān bisa jadi rabis gaŭn kan bragah-I dog pinandŭng.

1 PETER 4:14

Sanang inŭh angān kambŭi angān dog pimangŭh sitagar angān mbŭh pinunda Kristus; sirati-i, Roh adi bragah, anŭ inŭh Roh Kudus, agi ngga angān.

1 PETER 5:10

Pak ripas angān ko sangsara nyitiro, Tapa adi dapu sopŭrŭg pinyirasi-mandis, adi bagan angān da sua dapu bragah-I adi tan adu adu darŭm udip ndi ngga Kristus, re adŭp-I bada angān sukup kana ka nŭtŭd atin ngan, nyibake angān, ka nagap angān.

1 PETER 5:4

Jadi kan Pingubak Pingingat-biri nandŭng, angān re kambat makota bragah adi dŭh re asab jawa-i.

1 JOHN 4:19

Ata rindu sabab Tapa diŭ rindu ata.

PINANDŬNG 2:10

Dŭhnyah taru kayuh adi re bada kuu sangsara. Ingat! Siarap re taran kada so bara mu ka darŭm jer ngga suba kuu, ka kuu re susah sitian simŭng andu. Tŭtŭd meh darŭm Aku, sunggu kuu dog siŭ bait kani, ka Aku re nggen di kuu udip adi sawŭ adi tan adu adu ndu upah pimanang mu.

PINANDŬNG 3:19

Aku nang ka ngukum sopŭrŭg adi Aku rindu. Ndai meh pikir mu yŭn ngubah adŭp mu ka dŭh tia bidosa.

PINANDŬNG 3:21

Di ngara adi mbŭh manang Aku re nggen hak da guru ngapid Aku di takta Ku, nimun Aku mbŭh manang ka madin mbŭh guru ngapid Sama Ku di takta-I.