JAMES 1:1 - Hakcipta - Biatah Bidayuh

¹ So James, adi urun Tapa ngga Tuhan Jesus Kristus: Tabi ka sopŭrŭg daya adi Tapa mbŭh mien adi papar sasah di ndi ong ong.

JAMES 1:1 ပူးပေါင်းရင်းမြစ်များ

1 RAJA 18:31

Ayŭh tambit simŭng duwŭh batuh, ndi yŭn barang tibaran-asar adi simŭng duwŭh so asar bara anak Jacob, daya adi TUHAN muko kadŭn Israel.

EZRA 6:17

Yŭn adat nyikudus anŭ ngara jugan siratus pŭrŭng dari sapi, 200 pŭrŭng biri, ka 400 anak biri ndu sadis, ka simŭng duwŭh kambing ndu sadis taran dosa, barang tibaran-asar kambat ndi pŭrŭng.

ESTHER 3:8

Ka Haman kidaan di raja, “Agi ndi bangsa adi mbŭh mingare di ndi tarun tarun darŭm empaya mai, ka agi di barang utung rais. Ngara sita adat adi dŭh mun tung daya bŭkŭn. Nambah ka anŭ, ngara dŭh an tunda ukum ukum-adat empaya; jadi dŭh-i kana kambŭi kaam nurut ngara.

PINYIRUAH 24:4

Moses nuris sopŭrŭg pesan TUHAN. Isan isan andu jawa ndi Moses ndai ndi mija-sambah di sigŭn darŭd ka pijog simŭng duwŭh batuh baga; batuh batuh anŭ sirati-i simŭng duwŭh tibaran-asar Israel.

PINYIRUAH 28:21

Di barang sirah batuh adi simŭng duwŭh anŭ an dog mŭŭt dŭn barang ndi naan so bara anak Jacob, ngga ngarun tibaran-asar daya Israel.

PINYIRUAH 39:14

Di tiap batuh anŭ adi 12 agi dog mŭŭt dŭn anak anak Jacob ngga ngarun 12 tibaran-asar daya Israel.

EZEKIEL 12:15

“Kan Aku bada ngara papar sasah di ruang bangsa bangsa bŭkŭn ka di rais rais tami, ngara re puan nang Aku ati TUHAN.

LEVITICUS 26:33

Aku re taban perang ka angān ka bada angān papar sasah ka tarun tarun tana rais daya tami. Tarun tana ngan re dog tagan ka kupo kupo ngan re asur.

MATTHEW 10:3

Philip ngga Bartholomew; Thomas ngga Matthew, adi daya pinsuke; James anak Alphaeus, ka Thaddaeus;

MATTHEW 13:55

Dŭh kah Ayŭh anak daya tukang-kayuh? Dŭh kah Mary sindŭ-I, ka dŭh kah James, Joseph, Simon ka Judas bara jurud-I?

MATTHEW 19:28

Jesus nang di ngara, “Sabah meh, kan Anak Manusia guru di takta-I adi bragah darŭm Ong Bauh Tapa, angān adi simŭng-duwŭh naan pinunda Ku re guru gŭh di takta, mritah simŭng-duwŭh tibaran-asar Israel.

MARK 3:18

Andrew, Philip, Bartholomew, Matthew, Thomas, James anak Alphaeus, Thaddaeus, Simon adi Patriotik,

LUKE 22:30

Angān re man nok ngga Aku ka mritah samah ngga Aku kan Aku mbŭh jadi raja. Angān re guru di takta mritah simŭng-duwŭh tibaran-asar Israel.

LUKE 6:15

Matthew ngga Thomas, James anak Alphaeus, ka Simon (adi dog kadŭn Patriotik),

JOHN 12:26

Asi asi adi an bituan di Aku dŭh siŭn dŭh an tunda Aku, isa daya-gaji Ku siraru agi ngga Aku di tadŭ yŭn Ku. Ka Sama Ku re kibās barang naan daya adi bituan di Aku.

JOHN 7:35

Bara Pinguasa Jahudi nang dupan adŭp-i, “Kamaki Ayŭh re di, isa ata dŭh tungang dapŭd Ayŭh? Ayŭh re di ka rais adi jo kah, di yŭn daya bangsa ta agi rŭŭ bigaur ngga daya bangsa Greek, ka ngajar ngara?

PINGANDAI 1:13

Ngara mŭrŭt kupo ka maad ka birit adi yŭn ngara nyandong: Peter, John, James, Andrew, Philip, Thomas, Bartholomew, Matthew, James anak Alphaeus, Simon adi Patriotik, ka Judas anak James.

PINGANDAI 12:17

Ayŭh pakat tangan-i mite ngara pajam, ka ayŭh nakit kidaan di ngara munki Tuhan mbŭh piruah ayŭh so ramin jer. “Kidaan kayuh ati di James samŭn di bara adi sabah di Jesus,” ayŭh nang. Komŭnŭ ayŭh bu so nŭ di ka tarun bŭkŭn.

PINGANDAI 15:13

Ripas ngara ko minyu, James minyu: “Bara dingan ku, dingah piminyu ku!

PINGANDAI 15:21

Amai Ukum-adat Moses mbŭh so jah dog basa di ramin simayang-Jahudi barang andu Sabbath, ka pinganang-i dog nyuse di barang kupo.”

PINGANDAI 15:23

ka bada ngara taban surat ati: “Kieh, bara pinyuruh ka bara nyamba eklisia, adi bara dingan ngan, pait tabi ka sopŭrŭg dingan adi dŭh bangsa Jahudi adi rŭŭ di Antioch, Syria, ka Cilicia.

PINGANDAI 2:5

Di Jerusalem agi bara daya Jahudi adi tagap darŭm adat, adi mbŭh mandŭg so barang rais di ong.

PINGANDAI 21:18

Andu anŭ ndi Paul di ngga kieh di bidapŭd ngga James; ka sopŭrŭg nyamba eklisia agi diginŭ.

PINGANDAI 23:26

“Aku Claudius Lysias, nuris ka tuan Gabenor Felix: Tabi.

PINGANDAI 26:7

janji adi simŭng-duwŭh tibaran-asar ami harap adŭp-i re dapŭd, darŭm-i nyambah Tapa sandu singarŭm. Ka sitagar pingarap anŭ inŭh, Tuan-raja, aku dog nyarah daya Jahudi!

PINGANDAI 8:1

Ka Saul mbŭh situju di pinyikabŭs-i. Di andu anŭ gŭh eklisia di Jerusalem piguru dog kisiis. Sopŭrŭg adi sabah di Jesus, adŭ-i bara pinyuruh, mbŭh papar sasah di ndi tarun tana darŭm utung utung rais Judea ngga Samaria.

ROME 1:1

So Paul, urun Kristus Jesus, pinyuruh adi mbŭh dog mien ka dog bagan Tapa da nyuse Agah Kana-I.

GALATIA 1:19

Mating aku bidapŭd ngga pinyuruh adi bŭkŭn adŭ-i James, adi jurud Tuhan.

GALATIA 2:12

Diŭ so bara daya adi dog pait James mandŭg kamanŭ, Peter agi man ngga bara daya adi dŭh bangsa Jahudi adi sabah di Jesus. Pak kan ngara anŭ mbŭh mandŭg, ayŭh ngundur ka dŭh an man ngga ngara, sabab ayŭh taru di tibaran adi raan daya adi dŭh bangsa Jahudi tambit adat sunat.

GALATIA 2:9

James, Peter, ka John, adi mbŭh dog nyirundeng jadi pinguru Kristen, mbŭh puan Tapa mbŭh nggen kraja anŭ di aku; jadi ngara bitabi ngga kieh duwŭh Barnabas, ngga nandā kieh agi samah darŭm ndi kraja. Kieh situju aku ngga Barnabas pijuu nyiraja di dupan daya adi dŭh bangsa Jahudi ka adŭp ngara di dupan daya Jahudi.

DITRONOMI 28:64

“TUHAN re bada angān papar sasah di ruang sopŭrŭg bangsa di ndi ong ong, ka diginŭ angān re bituan di tapa tapa adi dog ndai so kayuh ngga batuh, tapa tapa adi angān ngga tayung-babuk ngan bŭn nyambah dawŭ-i.

DITRONOMI 30:3

TUHAN adi Tapa ngan re masi di angān. Ayŭh re taban angān ngga pari so bangsa bangsa adi yŭn-I mbŭh bada angān papar sasah, ka Ayŭh re bada angān mujur dinge.

DITRONOMI 32:26

Sibatur-i Aku bisa pirarap ngara, isa mating daya re ingat rada ngara.

DITRONOMI 4:27

TUHAN re bada angān papar sasah di dupan bangsa bangsa bŭkŭn, ka raru nisŭ adŭ bara ngan re udip.

PHILIPPI 1:1

So Paul ngga Timothy, adi urun Kristus Jesus, nuju sopŭrŭg daya adi Tapa mbŭh mien di Philippi adi mbŭh ndi ngga Kristus Jesus, samŭn bara nyamba eklisia ngga bara pinurung:

2 TIMOTHY 4:21

Suba ngga sibisa bisa mu mandŭg diŭ so tipuh madud. Eubulus, Pudens, Linus, ka Claudia pait tabi, ka simŭnŭ gŭh sopŭrŭg daya Kristen adi bŭkŭn.

TITUS 1:1

So Paul, adi urun Tapa ka pinyuruh Jesus Kristus. Aku mbŭh dog mien ka dog pait da turung nagap pinyabah bara daya adi Tapa mbŭh mien ka nyiruton ngara siŭn ngara natŭng ajar adi sawŭ adi dog ngajar adat ta,

1 PETER 1:1

So Peter, adi pinyuruh Jesus Kristus, nuju bara daya adi Tapa mbŭh mien adi papar sasah rŭŭ nupang di ndi utung utung rais Pontus, Galatia, Cappadocia, Asia, ka Bithynia.

2 PETER 1:1

So Simon Peter, urun ka pinyuruh Jesus Kristus, nuju sinadan daya adi mbŭh sabah mun kieh, so pinŭnggŭn Tapa ngga Pinyikudip ta Jesus Kristus.

JUDE 1:1

So Jude, adi urun Jesus Kristus, ka jurud James, nuju ngara adi mbŭh dog bagan Tapa, adi udip darŭm pinyirindu Tapa Sama ka adi dog grindung Jesus Kristus:

PINANDŬNG 7:4

Ka aku dog kidaan kiang ngara adi ko dog nandā ngga tandā Tapa di arŭ ngara agi 144,000 naan. Ngara anŭ inŭh so simŭng-duwŭh tibaran-asar Israel,