ISAIAH 9:2 - Hakcipta - Biatah Bidayuh

² Daya adi panu darŭm karŭm mbŭh kiris jawa adi bās. Ngara udip di tarun tana singangi, pak madin jawa nyekar ngara.

ISAIAH 9:2 ပူးပေါင်းရင်းမြစ်များ

JOB 10:21

Dŭm dŭh tui aku re bu ka aku dŭh re pari; di ka tarun yŭn adi karŭm buang nyabūk,

MAZMUR 107:10

Kada udip darŭm susah ngga darŭm karŭm, daya-takap sangsara dog muak ngga parik basi,

MAZMUR 107:14

Ayŭh pirupas ngara adi udip darŭm susah ngga darŭm karŭm ka matŭd parik basi ngara.

MAZMUR 23:4

Sunggu kambŭi aku panu nyuso karŭm patŭ', aku dŭh re taru, TUHAN, amai Kaam agi ngga aku. Sikud ngga pakung Mai grindung aku.

MAZMUR 4:8

Kan aku guring, aku bŭŭs sanang; Kaam sadi, O TUHAN, adi bada aku sukup pagŭng.

ISAIAH 50:10

Sopŭrŭg ngan adi stabi di TUHAN adi dingah pinganang urun-I, aran adi angān kadŭg kadŭ-i karŭm patŭ', pak sabah di TUHAN, bisangan di Tapa ngan.

ISAIAH 60:19

“Batŭh andu re dŭh tia jadi jawa mu sandu, dŭh gŭh buran jadi jawa mu singarŭm; Aku, adi TUHAN, re jadi jawa mu adi tan adu adu; jawa bragah Ku re nyekar di tunduh mu.

ISAIAH 9:1

Mating aran ngara re pirupas adŭp ngara so tika pinyusah anŭ. Tarun tana tibaran-asar Zebulun ngga Naphtali muko dawŭ-i dog ngamun, pak jŭ tarun tana anŭ re dog stabi, so Mediterranean ka timor nuju tarun tana di pah mandi Jordan, jeh ndŭg Galilee, di yŭn daya tami rŭŭ.

AMOS 5:8

TUHAN ndai dudu bitang, Bitang Sikara ngga Bitang Pite Piranuk. Ayŭh bada karŭm jadi jawa andu, ka sandu jadi ngarŭm. Ayŭh bagan piin so rawŭt ka ren-i di ong, Adŭn-I inŭh TUHAN.

MATTHEW 4:16

Daya adi udip darŭm karŭm re kiris jawa bās. Di ngara adi udip di rais adi dog kinarŭm pinyikabŭs jawa anŭ re nyekar.”

LUKE 2:32

Jawa adi kiren pinyiraan Mai di daya bangsa bŭkŭn ka taban bragah ka daya Mai Israel.”

JOHN 12:35

Jesus nam, “Dŭm nyitiro adŭ jawa agi ngga angān. Panu meh darŭm jawa san angān biyŭn-i, sibia-i angān sidatan karŭm, amai daya adi panu darŭm karŭm dŭh puan kamaki-i panu.

JOHN 12:46

Aku inŭh jawa adi mbŭh mandŭg ka ong, isa daya adi sabah di Aku dŭh rŭŭ darŭm karŭm.

JOHN 8:12

Jesus minyu di bara daya Pharisee dinge. “Aku ati inŭh jawa ong,” Ayŭh nang. “Daya adi tunda Aku re biyŭn jawa adi nggen udip ka dŭh re panu darŭm karŭm.”

EPHESUS 5:8

Dawŭ-i, adŭp ngan ko udip darŭm karŭm, pak sabab angān madin mbŭh daya Tuhan, angān agi darŭm jawa. Jadi angān dŭh siŭn dŭh udip mun daya jawa,

1 PETER 2:9

Pak angān inŭh bangsa adi ko dog mien, imam imam Raja, bangsa adi kudus, daya adŭp Tapa, dog mien da piagah pingandai bās Tapa, adi bagan angān so karŭm da mŭrŭt sangŭn jawa-I.

AKIM 5:30

“Ngara gi-aŭn jiroh kayuh adi re-i sirapas ka kutung, ndi puan kah duwŭh naan dayung yŭn barang naan soldadu, banang adi grua yŭn Sisera, adi birabuh kana yŭn tungo rani.”