ISAIAH 61:3 - Hakcipta - Biatah Bidayuh

³ bada nggen di ngara adi ngurid di Zion pinyigaŭn ngga pawŭn, ka dŭh pinyusah, ragu puji, ka dŭh ragu pinyusah. Ngara re keya ka tŭngŭn tŭngŭn kayuh adi adŭp TUHAN mbŭh purun. Sopŭrŭg ngara re ndai kayuh adi batur, ka Tapa re dog muji amai kayuh adi Ayŭh mbŭh ndai.

ISAIAH 61:3 ပူးပေါင်းရင်းမြစ်များ

ESTHER 8:15

Mordecai ruah so istana, nēn jipo-ambu raja adi biru ngga buda, ka jipo adi dog ndai so banang linen adi jarŭh, ka di ubak-i makota mas adi raru ramus. Komŭnŭ di aran aran di Susa dog dingah sirais gaŭn ngga tarā.

ESTHER 9:22

Anŭ inŭh andu adi ngga daya Jahudi ngarah pinganyu ngara; anŭ inŭh buran adi ngga pimudip jera ngga sangsara dog marik jadi pimudip gaŭn ngga sanang. Ngara dog bada sita andu andu anŭ ngga gawai ka rami, nggen pinganggen pinguman di dingan ka di daya sirata.

MAZMUR 104:15

ka piruah wain ngga bada ngara gaŭn, inyo kanā ngga bada ngara pawŭn, ka ruti ngga bada ngara bake.

MAZMUR 149:4

TUHAN munos asŭng-I di daya-I; Ayŭh nggen pimanang di ngara adi pirapat adŭp-i.

MAZMUR 23:5

Kaam sidia biruman bās yŭn ku, di yŭn sopŭrŭg pinganyu ku dapŭd kiris aku; Kaam kambat aku mun pingabang adi dog stabi ka ngisi saker ku ndŭg bibis-i.

MAZMUR 30:11

Kaam mbŭh nukar pinyusah ku ngga tanda pinyipawŭn; Kaam mbŭh kadi pinyusah ku ka kirurung aku ngga pawŭn.

MAZMUR 30:12

Jadi aku dŭh re pajam; aku re nang ragu puji ka Kaam. TUHAN, Kaam inŭh Tapa ku; aku re nggen trima kaseh ka Kaam ndŭg situi tui.

MAZMUR 45:7

kaam rindu kayuh adi batur ka tiru kayuh adi arap. Sabab anŭ Tapa, Tapa mai, mbŭh mien kaam ka mbŭh bada kaam sanang dŭ so tadŭ tadŭ raja adi bŭkŭn.

EKLISIASTIS 9:8

Bada adŭp ngan pawŭn ka gaŭn.

ISAIAH 12:1

Andu-i re mandŭg kan daya re nyanyi nang, “Aku muji Kaam, TUHAN! Kaam mbŭh baji di aku, pak madin Kaam nyaduh aku ka dŭh tia baji.

ISAIAH 26:2

Kuka tiban tiban-bās kupo ka bada bangsa adi tŭtŭd mŭrŭt, daya-i adi ndai kayuh adi batur.

ISAIAH 44:23

Nyirais amai gaŭn, angān rangit! Nyirais, tarun yŭn adi tŭrŭp darŭm tana! Nyirais amai gaŭn, darŭd, ka barang tŭngŭn kayuh di tuān! TUHAN mbŭh kiren bās-I darŭm-I nyiramat daya-I Israel.

ISAIAH 46:13

Aku taban andu pimanang bada sindŭk — dŭh-i gibabŭ jo. Pimanang Ku dŭh re dog pirambat. Aku re nyiramat Jerusalem ka taban stabi ka Israel diginŭ.”

ISAIAH 52:1

Jerusalem, pari bake ka bās dinge! Kupo adi kudus, kibarui adŭp mu ngga piraka mu adi sangŭn! Daya tami adi ko pirusag kupo kudus mu re dŭh tia mŭrŭt kuu dinge.

ISAIAH 61:10

Jerusalem gaŭn sabab kayuh adi TUHAN mbŭh ndai. ayŭh mbŭh keya ka pingaten dayung adi muko bisasat yŭn re sawan. Tapa mbŭh kibarui ayŭh ngga pinyiramat ka pimanang.

JEREMIAH 31:13

Nganŭ bara dayung re birajang ngga pawŭn, ka bara dari, adi mara ngga adi minyamba, re pawŭn. Aku re nyaduh ngara isa ngara ko ngurid ka jadi gaŭn, isa pinyusah ngara jadi sanang.

EZEKIEL 34:29

Aku re nggen di ngara tarun tana adi damŭn ka pirŭŭ udip sikirau di tarun tana anŭ. Bangsa bangsa bŭkŭn re dŭh tia ngamun ngara.

EZEKIEL 47:7

ka kan aku mbŭh diginŭ aku kiris raru bagŭ tŭngŭn kayuh di soduwŭh tabing.

ZECHARIAH 3:5

Ayŭh bada pinurung pinurung anŭ na bubok adi bisig di ubak Joshua. Ngara sawŭ ndai simŭnŭ, ka komŭnŭ ngara kasŭk piraka bauh di ayŭh atan malaikat TUHAN mijog diginŭ.

MATTHEW 15:13

“Barang tŭngŭn kayuh adi Sama Ku adi di shorga dŭh purun re dog dimbut,” nam Jesus.

MATTHEW 5:16

Simŭnŭ gŭh jawa ngan dŭh siŭn dŭh nyirinyak di sirung jawin daya, isa ngara kiris kraja kana ngan ka muji Sama ngan di shorga.

LUKE 15:22

Pak sama-i nang di daya daya gaji-i, ‘Rikas! Taban jipo-ambu adi rabis kana ka kasŭk-i di ayŭh. Na sisin di trinju-i, ka kasŭk kasut di kaja-i.

JOHN 15:8

Bragah Sama Ku tatŭng kan angān buān bagŭ buwa; ka simŭnŭ inŭh angān bisa jadi murid Ku.

JOHN 16:20

Aku kidaan di angān kayuh adi sawŭ: angān re sien ka muās, pak ong re gaŭn; angān re susah, pak atin susah ngan re marui jadi pinyigaŭn.

1 CORINTH 3:9

Amai kieh mbŭh samah biturung darŭm kraja yŭn Tapa, ka adŭp ngan gŭh meh teya Tapa. Angān gŭh ramin Tapa.

1 CORINTH 6:20

Tapa ko miris angān ngga rega bās. Jadi pakai meh pŭrŭng ngan ngga nyibragah Tapa.

PHILIPPI 1:11

Pimudip ngan re brisi ngga pingandai kana adi Jesus Kristus sadi adŭ bisa nggen, yŭn bragah ngga puji ka Tapa.

2 THESSALONICA 1:10

kan Ayŭh mandŭg di Andu anŭ di kambat bragah ka stabi so sopŭrŭg daya-I ngga sopŭrŭg adi sabah. Angān gŭh re sua ngga ngara, sabab angān mbŭh sabah agah adi kieh ko kidaan di angān.

HEBREW 1:9

Kuu rindu kayuh adi batur ka tiru di kayuh adi sarah. Ngapŭi Tapa, adi Tapa Mu, mbŭh mien Kuu ka mbŭh nggen di Kuu pinyigaŭn stabi adi rabis bās so adi-I mbŭh nggen di bara dingan Mu.”

1 PETER 2:9

Pak angān inŭh bangsa adi ko dog mien, imam imam Raja, bangsa adi kudus, daya adŭp Tapa, dog mien da piagah pingandai bās Tapa, adi bagan angān so karŭm da mŭrŭt sangŭn jawa-I.

1 PETER 4:14

Sanang inŭh angān kambŭi angān dog pimangŭh sitagar angān mbŭh pinunda Kristus; sirati-i, Roh adi bragah, anŭ inŭh Roh Kudus, agi ngga angān.