ISAIAH 53:3 - Hakcipta - Biatah Bidayuh

³ Ata ngamun ayŭh ka tirawan ayŭh; ayŭh kinyam sangsara ngga sarang andam. Mating daya an kimat ayŭh; ata nyipunok ayŭh mun ata ngga kayuh au-tarun.

ISAIAH 53:3 ပူးပေါင်းရင်းမြစ်များ

MAZMUR 69:29

Pak aku mandam ka jimŭ; pakat aku, O Tapa, ka nyiramat aku!

MAZMUR 88:4

Aku mbŭh keya ka daya adi mbŭh re kabŭs; sopŭrŭg pinyibake ku mbŭh mating.

ISAIAH 49:7

Pinyikudip ngga Tapa kudus Israel nang di sianŭ adi bandar dog ngamun, adi tiru bangsa bangsa dieh ka adi urun bara pimritah: “Raja raja re kiris kuu dog pirupas ka re makat yŭn kiren stabi ngara; bara pinguasa gŭh re kiris-i, ka ngara mutu ubak ngara stabi di kuu.” Kayuh re jadi sabab TUHAN mbŭh mien urun-I; Tapa Israel, Tapa adi kudus sita janji-I.

ISAIAH 50:6

Aku nggen punok ku di ngara adi mukong aku. Aku nggen paŭp ku kan ngara ngamun aku, kan ngara nyirugut gagap ku ka nyiruja jawin ku.

ISAIAH 52:14

Bagŭ daya re gŭgŭh kan ngara kiris ayŭh, amai gayŭn-i mbŭh ruai rusak ndŭg ka dŭh mun manusia.

ISAIAH 53:10

TUHAN nang, “Anŭ mbŭh so pinyiraan Ku inŭh ayŭh sangsara; pinyikabŭs-i inŭh sadis ngga apun dosa. Ngapŭi ayŭh re kiris bara sesang-i; ayŭh re tui udip, ka so ayŭh Aku re dapŭd pinŭtŭn Ku.

ISAIAH 53:4

“Pak ayŭh sibatur-i sangsara yŭn ata, andam adi ata patut kinyam. Tian-ti ata pikir sangsara-i ukum so Tapa.

MICAH 5:1

Daya Jerusalem, nguruk bara soldadu ngan! Ata mbŭh dog nyikapung! Ngara mbŭh aŭn nyerang pinguru Israel!

ZECHARIAH 11:8

Aku mbŭh dŭh tia sabar ngga pingingat-biri adi bŭkŭn, adi tiru di aku; jadi darŭm tipuh ndi buran anŭ aku taran ngara.

MATTHEW 26:67

Ngara nyiruja jawin-I ka mukong Ayŭh; ka ngara adi napar Ayŭh

MATTHEW 27:63

ka nang, “Tuan, kieh ingat di andu daya pingadong anŭ babŭ udip Ayŭh agi nang, ‘Aku re dog pakat udip bauh ripas taruh andu.’

MARK 10:33

“Dingah,” Ayŭh nang di ngara, “ata aŭn panu ka Jerusalem di yŭn Anak Manusia re dog nyerah ka darŭm tangan bara pingubak imam ka gurū Ukum-adat Jahudi. Ngara re nggen ukum kabŭs di Ayŭh ka komŭnŭ nyerah Ayŭh ka tangan daya adi dŭh bangsa Jahudi,

MARK 10:34

adi re napat Ayŭh, nyiruja Ayŭh, madŭs Ayŭh, ka siŭ Ayŭh; pak taruh andu ripas anŭ Ayŭh re makat udip bauh.”

MARK 14:34

ka nang di ngara, “Pinyusah Ku raru bat-i, batang re kabŭs nyam Ku da-i. Kajŭn digiti angān buang bijaga.”

MARK 15:19

Ngara mukong ubak-I ngga kayuh, nyiruja Ayŭh, sidikang ka nadar nyambah Ayŭh.

MARK 9:12

Jesus nam, “Elijah taŭn-i sawŭ diŭ mandŭg siŭn-i sidia sopŭrŭg kayuh yŭn-I. Pak, mani meh Surat-kudus nang Anak Manusia re kinyam bagŭ pinyusah ka dog tirawan?

LUKE 16:14

Kan daya Pharisee dingah sopŭrŭg kayuh anŭ, ngara napat Jesus, sabab ngara awang duit.

LUKE 19:41

Ayŭh mbŭh sindŭk Jerusalem, ka kan Ayŭh kiris-i, Ayŭh muās-i

LUKE 8:53

Sopŭrŭg ngara tawŭh Ayŭh, sabab ngara puan nang anak anŭ taŭn mbŭh kabŭs.

LUKE 9:22

Ayŭh nang gŭh di ngara, “Anak Manusia dŭh siŭn dŭh kinyam pinyusah bās ka dog tirawan nyamba bangsa Jahudi, pingubak pingubak imam, ka bara gurū Ukum-adat Jahudi. Ayŭh re dog ukum kabŭs, pak andu adi taruh Ayŭh re dog pakat udip bauh.”

JOHN 11:35

Jesus sien.

JOHN 8:48

Ngara siken Jesus, “Dŭh kah kieh batur kan kieh nang Kuu daya Samaria ka mbŭh dog mŭrŭt umot?”

DITRONOMI 32:15

“Daya TUHAN jadi kaya, pak raru an birawan; ngara gamu ka badŭg ngga pinguman. ngara tagan Tapa adi Pinapa ngara, ka tirawan pinyikudip ngara adi bikuasa.

HEBREW 4:15

Imam Bās ta ati, dŭh-I dŭh biyŭn pinyirasi di pinyiramah ta. Ayŭh inŭh Imam Bās ta, adi ko dog pinyisuba darŭm bagŭ masam kayuh mun adŭp ta, pak dŭh-I bidosa.

HEBREW 5:7

Darŭm-I jadi manusia di ong ati, Jesus bidua ka mite di Tapa adi taŭn dapŭd nyiramat Ayŭh so pinyikabŭs, ngga sirŭŭn bana buang ngga sien. Sabab Ayŭh pirapat adŭp-I buang tŭtŭd di Tapa, Tapa dingah Ayŭh.