ISAIAH 51:3 - Hakcipta - Biatah Bidayuh

³ “Aku re kiren masi di Jerusalem, di sopŭrŭg adi rŭŭ di tibawang-i. Sunggu tarun tana-i tarun tana-sumat, Aku re bada-i jadi teya, mun teya adi Aku ndai di Eden. Gaŭn ngga pawŭn re agi diginŭ, ngga ragu puji ngga ragu trima kaseh yŭn Ku.

ISAIAH 51:3 ပူးပေါင်းရင်းမြစ်များ

TIBIRIK 13:10

Lot tingga ndi abong tarun anŭ, ka-i kiris ndi tarun tarun Rubān Jordan ndŭg abong Zoar biyŭn bagŭ piin, mun Teya TUHAN, puan kah mun tarun tana Egypt. (Anŭ inŭh tipuh adi diŭ so TUHAN pirabur kupo Sodom ngga kupo Gomorrah.)

MAZMUR 85:8

Aku dingah kayuh adi TUHAN Tapa nang; Ayŭh bijanji an nggen damai ka ata, adi daya-I, kambŭi ata dŭh pari ka pimudip budo ta.

ISAIAH 12:1

Andu-i re mandŭg kan daya re nyanyi nang, “Aku muji Kaam, TUHAN! Kaam mbŭh baji di aku, pak madin Kaam nyaduh aku ka dŭh tia baji.

ISAIAH 25:9

Kan anŭ mbŭh jadi, barang naan re nang, “Ayŭh Tapa ta! Ata mbŭh na pinyabah ta di Ayŭh, ka Ayŭh mbŭh nyiramat ata. Ayŭh TUHAN! Ata mbŭh na pinyabah ta di Ayŭh, ka madin ata mbŭh gaŭn pawŭn sabab Ayŭh mbŭh nyiramat ata.”

ISAIAH 35:6

Daya bajang re mirupat ka bitanda, ka ngara adi dŭh pandai minyu re nyirais ngga gaŭn. Anak anak sungi re aman di tarun tana-pajam;

ISAIAH 41:16

Angān re napan sopŭrŭg-i. ka sabak re taban-i ngga bu, ka-i re mingare bada sabak ribut. Komŭnŭ angān re gaŭn amai Aku ati Tapa ngan; angān re muji Aku, Tapa kudus Israel.

ISAIAH 43:19

Pirati kayuh bauh adi Aku re ndai. Kayuh anŭ mbŭh jadi — angān dapŭd kiris-i madin! Aku re ndai aran mutas tarun tana-pajam ka nggen di angān anak anak sungi diginŭ.

ISAIAH 44:26

Pak kan urun Ku ninjau, kan Aku pait pinyisung bada pinandŭng atur kraja Ku, Aku bada atur kraja ngga pininjau anŭ jadi bitŭtŭk. Aku kidaan di Jerusalem nang daya re pari rŭŭ diginŭ, ka kupo kupo Judah re pari dog pijog. Kupo kupo anŭ re makat so tugung rakang tibawang.

ISAIAH 49:13

Biragu meh, rangit! Nyirais amai gaŭn, ong! Isa darŭd darŭd biragu ngga gaŭn! TUHAN re nyaduh daya-I; Ayŭh re masi di daya-I adi sangsara.

ISAIAH 49:19

“Rais mu ko rusag ka mating daya dieh; pak madin rais mu re raru sŭ yŭn ngara adi re mandŭg ka rŭŭ dieh. Ka ngara adi ko nyirubuh kuu re bu jo so kuu.

ISAIAH 49:8

TUHAN nang di daya-I, “Kan tika-i mbŭh mandŭg ngga nyiramat angān, Aku re ndai kana di angān ka nam sirŭŭn ngan mite turung. Aku nguan angān ka grindung angān ka so angān Aku re ndai simanya ngga sopŭrŭg daya. Aku re bada angān rŭŭ dinge di tarun tana ngan adi madin mbŭh jadi tibawang.

ISAIAH 51:12

TUHAN nang, “Aku inŭh adi nyibake angān. Ngga mani angān taru daya adi bisa kabŭs, adi mun uduh adi rikas rayu?

ISAIAH 52:9

Makat meh ka nyirais ngga gaŭn, angān rakang tibawang Jerusalem! TUHAN re nyiramat kupo-I ka nyaduh daya-I.

ISAIAH 61:10

Jerusalem gaŭn sabab kayuh adi TUHAN mbŭh ndai. ayŭh mbŭh keya ka pingaten dayung adi muko bisasat yŭn re sawan. Tapa mbŭh kibarui ayŭh ngga pinyiramat ka pimanang.

ISAIAH 65:18

Gaŭn ka pawŭn adu adu yŭn kayuh adi Aku napa. Jerusalem bauh adi Aku ndai re puno ngga pinyigaŭn, ka daya-i re sanang.

JEREMIAH 31:25

Aku re piranyah ngara adi kawŭk ka re pibisoh ngga pinguman barang naan adi ramah amai sikirau.

EZEKIEL 28:13

Kuu rŭŭ di Eden, teya Tapa, ka pakai barang masam batuh brega: batuh mutiara ngga itan; batuh topaz, batuh beril, batuh akek bireh, ka batuh jasper, batuh nilam, batuh zamrud, ngga batuh garnet. Kuu biyŭn pimakai mas adi dog ndai yŭn mu di andu kuu dog napa.

EZEKIEL 36:11

Aku re bada kiang daya ngga dāng kudip ngan bitambah. Angān re rabis bagŭ so adi mbŭh, ka angān re biyŭn bagŭ anak. Aku re bada angān rŭŭ diginŭ mun dawŭ-i, ka Aku re bada angān rabis mujur so adi mbŭh. Nŭ angān re puan nang Aku ati TUHAN.

EZEKIEL 36:35

Barang naan daya re nang munki tana anŭ, adi muko jadi tarun tana-pajam, mbŭh jadi Teya Eden, ka munki kupo kupo adi muko rubuh, dog mirupak, ka jadi tibawang, madin mbŭh brisi ngga daya ka mbŭh bikuta.

JOEL 2:3

Mun apui ngara man anak anak kayuh-udip. Di jawin ngara tarun tana agi keya ka Teya Eden, pak di punok ngara mbŭh keya ka tana-matung. Mating kayuh dŭm bada ngara.

1 PETER 1:8

Angān rindu Ayŭh, sunggu angān bŭn kiris Ayŭh; angān sabah di Ayŭh, sunggu tong-i angān dŭh kiris Ayŭh. Jadi angān gaŭn ngga pinyigaŭn adi rabis so tungang manusia kira