ISAIAH 51:2 - Hakcipta - Biatah Bidayuh

² Pikir pasar babuk ngan, Abraham, ka Sarah, adi biranak angān. Kan Aku bagan Abraham, ayŭh dŭh biyŭn anak, pak Aku nyiberkat ayŭh ka nggen di ayŭh anak; Aku bada sesang-i bagŭ.

ISAIAH 51:2 ပူးပေါင်းရင်းမြစ်များ

TIBIRIK 22:17

Aku bipayu Aku re bada bara sesang mu bagŭ keya ka bitang di rangit, puan kah sumat di pang rawŭt. Bara sesang mu re ngarah pinganyu ngara.

TIBIRIK 24:1

Madin Abraham mbŭh raru minyamba, ka TUHAN mbŭh nyiberkat ayŭh di tadŭ tadŭ kayuh adi ndai-i.

TIBIRIK 24:35

“TUHAN mbŭh bana nyiberkat tuan ku ka bada ayŭh jadi daya kaya. Ayŭh mbŭh nggen di ayŭh kaban biri, kaban kambing, sapi sapi, pirak, mas, bara dayung urun ngga dari urun, onta ngga kaldi.

ISAIAH 29:22

Jadi madin TUHAN, adi Tapa Israel, adi nyiramat Abraham so dog pinyusah, nang, “Daya Ku, angān dŭh re dog pimangŭh tia, ka jawin ngan re dŭh tia pusat amai mangŭh.

ISAIAH 41:8

“Pak angān, Israel adi urun Ku, Angān inŭh daya adi Aku mbŭh mien, adi bara sesang Abraham, jerā Ku.

ISAIAH 43:27

Tayung-babuk ngan adi diŭ bidosa, pinguru ngan bidosa rawan Aku,

ISAIAH 48:1

Dingah ati, daya Israel, angān adi sesang Judah: Angān bipayu pakai adŭn TUHAN ka nang adŭp ngan nyambah Tapa Israel — pak angān dŭh sawŭ di pinganang ngan anŭ.

ISAIAH 60:22

Ndŭg ka rawang mu adi siabo sŭ ngga adi dog ngamun re jadi bangsa adi bās ngga adi bikuasa. Kan tika-i adi batur mbŭh mandŭg, Aku re bada kayuh anŭ rikas jadi. Aku ati TUHAN!

ISAIAH 63:16

Kaam inŭh sama ami. Tayung-babuk ami Abraham ngga Jacob dŭh ngaku kieh; pak Kaam, TUHAN, inŭh sama ami, adi ari nyiramat kieh.

EZEKIEL 33:24

“Manusia,” Ayŭh nang, “daya adi rŭŭ di kupo kupo adi mbŭh rubuh di tarun tana Israel nang: ‘Abraham inŭh ndi naan daya, ka ayŭh dog nggen ndi tarun tarun tana. Ata ati bagŭ, jadi madin tarun tana ati jadi tung jata.’

DITRONOMI 1:10

TUHAN adi Tapa ngan mbŭh bada angān raru bagŭ mun bitang di rangit.

DITRONOMI 26:5

Komŭnŭ, di sirung jawin TUHAN, angān an nyabŭt pinganang ati: ‘Babuk ku inŭh daya Aram adi bigandon, adi taban rawang-i di ka Egypt ka rŭŭ diginŭ. Nisŭ adŭ ngara di andu ngara bipindah kamanŭ, pak ngara jadi bangsa adi bās buang bake.

JOSHUA 24:3

Komŭnŭ Aku taban Abraham, adi babuk ngan, so tarun tana adi di pah mandi Yang Euphrates, ka taban ayŭh ngga mutas ndi tarun tarun tana Canaan. Aku nggen di ayŭh bagŭ sesang. Aku nggen di ayŭh Isaac,