ISAIAH 5:2 - Hakcipta - Biatah Bidayuh

² Ayŭh nyakor tana ka pibisig-i so dudu batuh; ayŭh purun anggor adi siabo kana. Ayŭh pijog sirangga ngga jaga-i, kareh rubang yŭn ngindik-mŭ buwa anggor. Ayŭh kajŭn buwa-i masak, pak barang pŭrŭng buwa-i masŭm.

ISAIAH 5:2 ပူးပေါင်းရင်းမြစ်များ

2 SAMUEL 7:10

Aku mbŭh mien tarun yŭn bara daya Ku Israel ka mbŭh bada ngara rŭŭ diginŭ, di yŭn ngara dŭh re tia dog kinanyuh. So sibungas ngara mŭrŭt tarun tana anŭ, ngara ari dog nyerang bara daya adi ganas, pak-i dŭh re tia mun anŭ. Aku bijanji Aku re grindung kuu so sopŭrŭg pinganyu mu ka re nggen di kuu sesang.

NEHEMIAH 13:15

Di tika anŭ aku kiris daya di Judah mŭ anggor di andu Sabbath. Ngara adi bŭkŭn na ruwang ruwang kayuh, wain, buwa anggor, buwa ara, ka kayuh kayuh bŭkŭn di tunduh kaldi ngara ka taban-i ka Jerusalem; aku bakan ngara bada dŭh jua kayuh adi andu Sabbath.

MAZMUR 80:8

Kaam taban tŭngŭn anggor ruah so Egypt; Kaam pibu bangsa bangsa adi bŭkŭn ka purun-i di tana ngara.

MAZMUR 80:9

Kaam sayan tarun yŭn-i timbu; uat-i tŭrŭp, ka-i ngukap di barang yŭn.

PINYIRUAH 33:16

Simuki daya re bisa puan nang Kaam munos asŭng di daya Mai ka di aku kambŭi Kaam dŭh panu ngga kieh? Kambŭi Kaam agi ngga kieh, kieh tungang dog ngatŭn so tadŭ tadŭ bangsa bŭkŭn di ong.”

ISAIAH 1:8

Kaŭs-i Jerusalem adŭ adi dŭm, kupo adi mbŭh dog nyikapung ka mbŭh rapā mun bari daya adi jaga di teya anggor puan kah sidangak di teya timun.

ISAIAH 5:7

Israel inŭh teya anggor TUHAN Bisa-pŭrŭg; daya Judah inŭh tŭngŭn-i adi-I purun. Ayŭh harap ngara ndai kayuh adi kana, pak ngara siŭ daya. Ayŭh harap ngara ndai kayuh adi batur, pak sirŭŭn daya adi ngara kisiis dog dingah mite pinyitŭnggŭn.

JEREMIAH 11:17

“Aku, adi TUHAN Bisa-pŭrŭg, adi purun Israel ngga Judah; pak madin Aku bada pinyirusag nyatŭk ngara. Adŭp ngara adi bada kayuh anŭ nyatŭk ngara, so pingandai ngara adi sarah. Ngara bada Aku baji ngga pingandai ngara adi jugan sadis ka Baal.”

JEREMIAH 2:21

Aku purun kuu keya ka purun tŭngŭn anggor adi kana so ruwang adi siabo kana. Pak tingga ani pinyadi mu! Kuu mbŭh keya ka tŭngŭn anggor adi madam ka adi dŭh biguna.

HOSEA 10:1

Daya Israel mbŭh mun tŭngŭn anggor adi sarad ngga buwa anggor. Pimudip ngara mujur, pak tanŭ ka bagŭ mija-sambah dog pijog ngara. Bagŭ buwa pimuruh ngara, pak tanŭ ka bagŭ uros pirapu' dog nyambah ngara.

MICAH 4:8

Ka kuu, Jerusalem, di yŭn Tapa, keya ka pingingat-biri, kingat daya-I, re pari jadi sindŭ kupo pritah nimun dawŭ-i.

PINYIKIANG 23:9

So tunduh batuh batuh adi bigatung aku tungang kiris ngara; aku tungang nyibatŭh ngara so dudu sandah. Ngara inŭh ndi bangsa adi udip sadi; ngara puan adŭp-i mbŭh dog nyiberkat rabis so bangsa bangsa bŭkŭn.

MATTHEW 21:19

Ayŭh kiris ndi tŭngŭn ara di bŭngŭn aran ka di tudu-i, pak mating buwa dieh adŭ-i dudu dawŭn. Jadi Ayŭh nang di tŭngŭn ara anŭ, “Kuu dŭh re tia buān!” Di jam anŭ gŭh tŭngŭn ara anŭ rayu.

MATTHEW 21:33

“Dingah upama ati ndi dinge,” Jesus nang. “Agi ndi sidah, daya adi dapu tana ndai teya anggor, muwang-i, kareh rubang yŭn mŭ anggor, ka pijog sirangga. Komŭnŭ ayŭh nyewa teya anggor anŭ di pinyewa teya ka adŭp-i di nami.

MATTHEW 21:34

Kan-i mbŭh tika adi ngga daya sun buwa anggor, ayŭh pait urun urun-i ka yŭn bara pinyewa teya an kambat jangi utung so buwa buwa adi dog sun.

MARK 11:13

Ayŭh kiris so jo ndi tŭngŭn ara adi raru pidawŭn-i, jadi Ayŭh di tingga an puan agi kah mating buwa-i. Pak kan Ayŭh ndŭg nŭ, Ayŭh kiris dudu dawŭn adŭ, sabab-i dŭh tika adi ngga-i buān.

MARK 12:1

Komŭnŭ Jesus nyidundan upama ati di ngara: “Agi ndi sidah ndi naan daya ndai teya anggor, ndai buwang maning-i, kareh rubang yŭn mŭ anggor, ka pijog sirangga. Komŭnŭ ayŭh nyewa teya anggor-i anŭ di daya, ka adŭp-i di matak nami.

MARK 12:2

Kan-i mbŭh tika adi ngga daya sun buwa anggor, ayŭh pait urun-i ka bara pinyewa teya da kambat so ngara tung jangi utung so buwa buwa adi dog sun.

ROME 9:4

Ngara inŭh bara daya adi Tapa mbŭh mien; Ayŭh ndai ngara da jadi bara anak-I ka pinandŭng bragah-I di ngara; Ayŭh ndai simanya simanya-I ngga ngara ka nggen di ngara Ukum-adat; ngara mbŭh biyŭn simayang adi sawŭ; ngara mbŭh trima janji Tapa;

1 CORINTH 9:7

Asi soldadu adi re biranja adŭp-i darŭm jadi soldadu? Asi tukang-teya adi dŭh re man buwa anggor so teya adŭp-i? Asi pingingat-biri adi dŭh re pakai sisuh so biri adŭp-i?

DITRONOMI 32:6

Simŭnŭ kah angān patut ngga TUHAN, angān adi budo, adi dŭh biyŭn pikir? Ayŭh anŭ Sama ngan, Pinapa ngan, Ayŭh ndai angān jadi ndi bangsa.

AKIM 16:4

Ripas anŭ, Samson awang ndi naan dayung dŭn Delilah, adi rŭŭ di Rubān Sorek.