ISAIAH 40:2 - Hakcipta - Biatah Bidayuh

² Ngatat daya Jerusalem. Kidaan di ngara nang mbŭh tui ngara sukup sangsara ka dosa ngara mbŭh dog apun madin. Aku mbŭh ngukum ngara ngga sipuno-i amai sopŭrŭg dosa ngara.”

ISAIAH 40:2 ပူးပေါင်းရင်းမြစ်များ

ZECHARIAH 9:12

Mari, angān daya adi dog taran ka rais tami, angān adi madin biyŭn pingarap; mari ka tarun yŭn ngan adi siramat. Aku kidaan di angān madin, Aku re maras angān duwŭh rupet ngga berkat yŭn sopŭrŭg sangsara ngan.

ISAIAH 61:7

Angān re dŭh tia dog pimangŭh bait dog ngamun. Angān re udip di tarun tana adŭp ngan, ka pinyikaya ngan re jadi duwŭh rupet; pinyigaŭn ngan re tan adu adu.

HOSEA 2:14

Aku re taban ayŭh ka tarun tana-pajam dinge; diginŭ Aku re bada ayŭh pari ka adŭp Ku ngga pinganang pinyirindu.

PINANDŬNG 18:6

Ndai di ayŭh nimun ayŭh ko ndai di angān; maras ayŭh piduwŭh rupet yŭn sopŭrŭg anŭ adi ayŭh mbŭh ndai. Ngisi makuk-i ngga nok adi piduwŭh kari bisā so nok adi-i ko nggen di angān.

JEREMIAH 16:18

Aku re bada ngara tanggong dosa ngga udip ginaka ngara duwŭh rupet, sabab ngara mbŭh nyembar tarun tana Ku ngga tibudo adi dŭh udip, mun tadang, ka mbŭh ngisi-i ngga tapa tapa kadong.”

ISAIAH 44:22

Aku mbŭh taran dosa ngan keya ka abun. Pari ka Aku; Aku inŭh adi nyiramat angān.”

ISAIAH 43:25

Pak, Aku ati Tapa adi apun dosa ngan, ka Aku ndai simŭnŭ sabab anŭ tibiat adŭp Ku. Aku dŭh re ingat dosa ngan.

HABAKKUK 2:3

Nuris-i, sabab gibayuh tika-i jadi bitŭtŭk. Pak tika-i re rikas mandŭg, ka kayuh adi Aku kiren di kuu re sawŭ jadi. Mun adi sais, pak kajŭn adŭ; kayuh anŭ manŭn re jadi, ka dŭh-i re dog pirambat.

JEREMIAH 29:11

Aku sadi adŭ puan atur adi Aku biyŭn yŭn ngan, atur an taban ka angān pimudip mujur, dŭh pinyirusag, atur adi taban tipuh adi re, adi angān harap.

ISAIAH 35:4

Kidaan di barang naan daya adi pinakut, “Nyiriang simangi ngan ka dŭhnyah taru! Tapa mandŭg di nyiramat angān, mandŭg di ngukum pinganyu ngan.”

PINGANDAI 1:7

Jesus nam ngara, “Andu ngga tipuh-i, anŭ mbŭh kuasa adŭp Sama Ku ngatur, ka dŭh-i yŭn ngan re puan sinde.

DANIEL 11:35

Kada so bara pinguru adi bijak anŭ re dog siŭ, pak so ka kayuh adi mun anŭ daya re dog pibisig. Kayuh anŭ re babŭ mun anŭ ndŭg ka pimungan-i, tika adi Tapa mbŭh miratak.

ISAIAH 12:1

Andu-i re mandŭg kan daya re nyanyi nang, “Aku muji Kaam, TUHAN! Kaam mbŭh baji di aku, pak madin Kaam nyaduh aku ka dŭh tia baji.

GALATIA 4:4

Pak kan tipuh-i mbŭh mandŭg, Tapa pait Anak adŭp-I. Ayŭh anŭ dog biranak so ndi naan dayung, ka udip di ribo Ukum-adat Jahudi,

ISAIAH 49:25

TUHAN nam, “Anŭ inŭh kayuh adi re jadi. Daya-takap soldadu re dog taban ngga bu, ka kayuh sirapas daya ganas re dog tambit. Aku re rawan tadŭ tadŭ daya adi rawan angān, ka Aku re nyiramat anak anak ngan.

ISAIAH 33:24

Mating daya adi udip di tarun tana ta re nang adŭp-i mandam, ka sopŭrŭg dosa re dog apun.

MAZMUR 32:1

Sanang inŭh ngara adi dog apun dosa-i, adi dog apun pingandai sarah-i.

ZECHARIAH 1:15

ka Aku raru baji di bangsa bangsa adi kinyam sanang buang bamai. Amai darŭm Aku nyijŭn baji Ku di daya Ku, bangsa bangsa anŭ bada daya Ku rabis sangsara.

DANIEL 12:9

Ayŭh nam, “Kuu dŭh siŭn dŭh panu madin, Daniel, sabab pinganang anŭ dŭh siŭn dŭh dog sukan ndŭg andu sikasŭn.

DANIEL 12:4

Ayŭh nang di aku, “Ka madin, Daniel, tŭŭp surat anŭ ka na patis dieh isa-i birabŭt ndŭg andu sikasŭn. Sibayuh ndŭg tipuh anŭ, bagŭ daya re saat jam suba mirati kayuh adi mbŭh jadi.”

DANIEL 9:12

Kaam mbŭh ndai di kieh ngga di bara pimritah ami kayuh adi Kaam nang adŭp Mai re ndai. Kaam ngukum Jerusalem rabis bisā so adi mbŭh tadŭ tadŭ kupo di ong mbŭh kinyam,

DANIEL 9:2

Darŭm sibungas sawa pinyipritah-i, aku nakit basa surat surat kudus ka bipikir pasar 70 sawa Jerusalem jadi tibawang, nanyam ka adi mbŭh TUHAN kidaan di nabi Jeremiah.

JEREMIAH 17:18

Pimangŭh daya adi kisiis aku, pak tandah aku, TUHAN. Bada ngara taru, pak dŭhnyah pitaru aku. Taban pinyirusag ka ngara ka pirandŭk ngara.

2 KRONIKEL 30:22

Hezekiah muji bara daya Levi amai pandai nguru simayang nyambah TUHAN. Ripas ju andu adi ngga ngara jugan sadis ngga muji TUHAN, adi Tapa tayung-babuk ngara,

TIBIRIK 34:3

Pak ayŭh kiris dayung anŭ raru ramus ka awang ayŭh, ka suba bada ayŭh awang adŭp-i.

ISAIAH 6:7

Ayŭh tama bibis ku ngga bam apui anŭ ka nang di aku, “Ati mbŭh dog bibis mu, ka madin sarah mu mbŭh mating, ka dosa mu mbŭh dog apun.”

ISAIAH 14:3

TUHAN re nggen di daya Israel pinyirupas so sangsara ngga pinyusah, ka so kraja bakar adi ngara dog takan bada ndai.

ISAIAH 53:5

Pak sabab dosa ta ayŭh mbŭh tawan, dog pukong sabab arap adi ata mbŭh ndai. Ukum adi ayŭh kinyam pibua ata, ka ata mbŭh bua amai pukong adi ayŭh trima.

ISAIAH 53:6

Sopŭrŭg ata muko keya ka biri adi mbŭh manyap, barang naan ata panu kadŭg aran adŭp ta. Pak TUHAN bada ukum anŭ nyatŭk ayŭh, ukum adi sopŭrŭg ata patut trima.

ISAIAH 54:15

Asi asi adi nyerang kuu dŭh-i so pinyibada Ku; asi asi adi rawan kuu re rabu.

ISAIAH 54:17

Pak mating sinyata re dapŭd bada kuu kinaman; kuu re biyŭn pinyinam ngga nam daya adi nyarah kuu. Aku re ngibān urun urun Ku ka nggen pimanang di ngara.” TUHAN mbŭh minyu.

ISAIAH 55:7

Tandah daya ginaka tingge aran pimudip ngara ka nukar pikir-kira ngara. Tandah ngara marik pimudip ngara pari ka TUHAN, adi Tapa ta; Ayŭh inŭh masi ka rikas apun.

ISAIAH 66:13

Aku re nyaduh angān di Jerusalem, nimun sindŭ nyaduh anak-i.

JEREMIAH 51:10

TUHAN nang, “Daya Ku nyirais nang, ‘TUHAN mbŭh kiren nang ata batur. Ja di kidaan di daya di Jerusalem kayuh adi TUHAN adi Tapa ta mbŭh ndai.’ ”

PUĀS 4:22

Kupo Zion mbŭh dog ukum amai dosa-i; TUHAN re dŭh tia tandah kieh di rais tami adi yŭn ami dog taran. Pak kuu, kupo Edom, TUHAN re ngukum kuu; Ayŭh re kambur sarah mu.

EZEKIEL 16:42

Ka-i meh baji Ku ngga magā Ku ko. Aku re dŭh tia baji bait sina.

ZECHARIAH 1:13

TUHAN nam malaikat anŭ ngga pinganang saduh,

MAZMUR 85:3

Kaam mbŭh dŭh tia baji di ngara ka mbŭh nan bangok Mai.

EKLISIASTIS 3:4

Ayŭh natu tika yŭn susah ka tika yŭn gaŭn, tika yŭn muās ka tika yŭn bitanda,

ISAIAH 27:9

Pak dosa Israel re dog apun adŭ-i kan batuh mija-sambah daya adat karŭm mbŭh dog pirandŭk ndŭg ka asur mun dabu binyuh, ka mating tia mija-sambah kimanyan, bait tandā tandā pinatŭng tapa Asherah dŭm.

ISAIAH 51:17

Jerusalem, makat! Kies adŭp mu ka makat! Kuu mbŭh nok saker ukum adi TUHAN darŭm baji-I mbŭh nggen di kuu bada nok; kuu nok-i, ka-i bada kuu tibabeu.

HOSEA 2:16

Komŭnŭ ayŭh re bagan Aku banŭh-i. Ayŭh dŭh re tia bagan Aku Baal-i.

ZEPHANIAH 3:15

TUHAN mbŭh ko ngukum kuu; Ayŭh mbŭh pibu sopŭrŭg pinganyu mu. TUHAN, adi raja Israel, agi ngga kuu; kuu dŭhsah tia taru madin.