ISAIAH 4:3 - Hakcipta - Biatah Bidayuh

³ Barang naan daya adi dŭm di Jerusalem, adi Tapa mbŭh mien bada babŭ udip, re dog kadŭn kudus.

ISAIAH 4:3 ပူးပေါင်းရင်းမြစ်များ

MAZMUR 69:28

Isa-i dŭn ngara dog kadi so surat di yŭn dŭn bara daya adi Kaam mbŭh mien dog nuris; isa-i ngara dŭh dog pibŭrŭt di susud dŭn bara daya Mai.

MAZMUR 87:6

TUHAN re nuris susud taris dudu daya ka pibŭrŭt sopŭrŭg ngara jadi rayat Jerusalem.

ISAIAH 1:27

Sabab TUHAN inŭh tŭnggŭn, Ayŭh re nyiramat Jerusalem ngga barang naan daya diginŭ adi mbŭh marik pimudip-i pari ka Tapa.

ISAIAH 28:5

Andu-i re mandŭg kan TUHAN Bisa-pŭrŭg re keya ka bragah makota rarak bunga yŭn bara daya-I adi siramat.

ISAIAH 35:8

Re agi aran raya diginŭ, dog kadŭn “Aran Pinyikudus”. Mating daya bidosa re an panu kadŭg aran anŭ; mating daya budo re kinanyap daya adi panu kadŭg-i.

ISAIAH 46:3

“Dingah Aku, sesang Jacob, sopŭrŭg daya Ku adi siramat. Aku mbŭh nyiran angān so angān dog biranak.

ISAIAH 52:1

Jerusalem, pari bake ka bās dinge! Kupo adi kudus, kibarui adŭp mu ngga piraka mu adi sangŭn! Daya tami adi ko pirusag kupo kudus mu re dŭh tia mŭrŭt kuu dinge.

ISAIAH 6:13

Kambŭi ndi naan bait kani so simŭng naan babŭ di tarun tana anŭ, ayŭh gŭh re dog pirabur; ayŭh re keya ka tŭŭd tŭngŭn oak adi muko dog tabŭng.” (Tŭŭd inŭh tandā pimudip bauh yŭn daya Tapa.)

ISAIAH 60:21

Sopŭrŭg daya mu re ndai kayuh adi batur, ka re dapu tarun tana ati ndŭg situi tui. Aku purun ngara, Aku ndai ngara, ngga pinandŭng bās Ku di sopŭrŭg.

ISAIAH 62:12

Angān re dog kadŭn “Daya adi Kudus”, “Daya adi Tapa mbŭh nyiramat”. Jerusalem re dog kadŭn “Kupo adi Tapa Rindu”, “Kupo adi Tapa dŭh tagan”.

EZEKIEL 13:9

Aku re ngukum angān bara nabi adi kiris kayuh keya ka darŭm pŭmŭh pak adi dŭh sawŭ, ka adi nggen pininjau adi kinanyap daya. Angān re mating diginŭ kan daya Ku tikuruk matŭd pikir-kira ngara; dŭn ngan re dŭh dog pibŭrŭt di susud dŭn bara rayat Israel; angān dŭh re pari ka tarun tana adŭp ngan. Komŭnŭ angān re puan nang Aku ati TUHAN Raja.

EZEKIEL 43:12

Ati inŭh ukum-adat Ramin TUHAN: sopŭrŭg tarun tana adi maning-i di tibung darŭd anŭ inŭh kudus.”

JOEL 3:17

“Komŭnŭ, Israel, angān re puan Aku ati TUHAN adi Tapa ngan. Aku rŭŭ di Zion, sandah kudus Ku. Jerusalem re jadi kupo kudus; daya tami dŭh re tia nyerang-i.

OBADIAH 1:17

“Pak di Sandah Zion agi adi re siramat, ka-i re jadi tarun adi kudus. Daya Judah re dapu tana adi mbŭh hak adŭp ngara.

ZECHARIAH 14:2

TUHAN re nguruk sopŭrŭg bangsa bada biperang ngga Jerusalem. Kupo anŭ re dog sirabut, ramin ramin re dog mirupak, ka bara dayung re dog miragag. Sitangah so bara daya re dog taran ka rais tami, pak ngara adi bŭkŭn re dŭh dog taban ngga bu so kupo.

MALACHI 3:16

Komŭnŭ daya adi taru di TUHAN minyu dupan adŭp ngara, ka TUHAN nyiringa ka dingah kayuh adi ngara nang. Di sirung jawin-I, agi dog nuris darŭm surat dŭn ngara adi taru di TUHAN ka adi stabi di Ayŭh.

LUKE 10:20

Dŭhnyah gaŭn sabab roh arap nundok di angān, pak gaŭn sabab dŭn ngan mbŭh dog nuris di shorga.”

PINGANDAI 13:48

Kan bara adi dŭh bangsa Jahudi dingah, ngara mbŭh gaŭn ka muji pinganang Tuhan; ka ngara adi mbŭh dog mien yŭn udip adi sawŭ adi tan adu adu rasu sabah di Jesus.

ROME 11:4

Ani pinyinam Tapa di ayŭh? “Aku mbŭh nguruk yŭn adŭp ku 7000 naan daya adi dŭh nyambah tapa-kadong, Baal.”

ROME 11:5

Kayuh babŭ mun anŭ gŭh madin: agi dŭm tibaran adi siit adi Tapa mbŭh mien sabab pinyirasi mandis-I.

EPHESUS 1:4

Sibayuh ong ati dog napa, Tapa mbŭh mien ata da jadi tung adŭp-I so ka udip ndi ta ngga Kristus, isa ata bisa jadi kudus mating takar sarah di sirung jawin-I. Sabab pinyirindu-I

PHILIPPI 4:3

Ka kuu gŭh, dingan ku adi tŭtŭd darŭm kraja, aku mite kuu turung duwŭh naan dayung anŭ; amai ngara mbŭh bandar nyiraja ngga aku darŭm nyuse Agah Kana, samah ngga Clement samŭn sopŭrŭg adi bŭkŭn di kraja ta. Dŭn ngara mbŭh agi darŭm surat di yŭn dŭn bara daya adi Tapa mbŭh mien dog nuris.

COLOSSAE 3:12

Angān mbŭh bara daya adi Tapa dapu; Ayŭh rindu angān ka mbŭh mien angān da jadi daya adi-I dapu. Jadi meh angān dŭh siŭn dŭh kasŭk di adŭp ngan atin masi, atin mandis, atin tŭkŭn, atin duduh, ka atin sabar.

HEBREW 12:14

Gruwŭn adŭp ngan udip darŭm damai ngga sopŭrŭg daya, ka gruwŭn pimudip adi kudus; amai kambŭi dŭh simŭnŭ nŭŭh dŭh re tungang kiris Tuhan.

1 PETER 2:9

Pak angān inŭh bangsa adi ko dog mien, imam imam Raja, bangsa adi kudus, daya adŭp Tapa, dog mien da piagah pingandai bās Tapa, adi bagan angān so karŭm da mŭrŭt sangŭn jawa-I.

PINANDŬNG 13:8

Sopŭrŭg daya adi udip di ong re nyambah dāng anŭ, adŭ-i ngara adi mbŭh dog nuris dŭn-i diŭ so ong dog napa darŭm surat di yŭn dŭn bara daya adi Tapa mbŭh mien dog nuris; ngara inŭh adi dog dapu Anak Biri adi ko dog siŭ.

PINANDŬNG 17:8

Dāng anŭ ko udip dawŭ-i, pak mbŭh dŭh tia udip; ayŭh mbŭh re makat so rasan ong ka re dog pirabur. Bara daya adi udip di ong adi gibayuh dog nuris dŭn-i sibayuh ong dog napa, di surat di yŭn dŭn bara daya adi Tapa mbŭh mien dog nuris, re nginga darŭm ngara kiris dāng anŭ. Dāng anŭ ko udip; dŭh-i re dŭh tia udip, pak-i re pari tatŭng.

PINANDŬNG 20:15

Ngara adi dŭh biyŭn dŭn-i dog nuris darŭm surat di yŭn dŭn bara daya adi Tapa mbŭh mien dog nuris, dog taran ka darŭm danu apui anŭ.

PINANDŬNG 21:27

Pak mating kayuh adi sembar re bisa mŭrŭt ka darŭm kupo anŭ; dŭh gŭh daya adi ndai kayuh adi taban mangŭh puan kah daya pingadong re bisa mŭrŭt ka darŭm-i. Kaŭs-i ngara, adi dog nuris dŭn-i di surat Anak Biri di yŭn dŭn bara daya adi Tapa mbŭh mien dog nuris, bisa mŭrŭt kamanŭ. Surat anŭ inŭh surat dŭn bara Daya adi dog dapu Tapa.

PINANDŬNG 3:5

Ngara adi mbŭh manang re dog kibarui simŭnŭ ngga piraka buda, ka Aku dŭh re kadi dŭn ngara so surat di yŭn dŭn bara daya adi Tapa mbŭh mien dog nuris. Di sirung jawin Sama Ku ka di sirung jawin bara malaikat-I Aku re kidaan nang ngara mbŭh tung jaku.