ISAIAH 2:4 - Hakcipta - Biatah Bidayuh

⁴ Ayŭh re nggen bisara di bangsa bangsa bās. Ngara re maba pedang bada jadi sinda bajak, jarok bada jadi sinda adi ngga mŭpŭd tugu pimuruh. Bangsa bangsa re dŭh tia matak biperang, dŭh tia sidia yŭn bisaad.

ISAIAH 2:4 ပူးပေါင်းရင်းမြစ်များ

MAZMUR 110:6

Ayŭh re ngukum dudu bangsa ka re bada tadang mingare di yŭn bisaad; Ayŭh re ngarah raja raja di ndi ong ong.

MAZMUR 46:10

“Ko biperang,” Ayŭh nang, “ka puan meh Aku ati Tapa, bās di tunduh sopŭrŭg bangsa, ngga di ndi ong ong.”

MAZMUR 46:9

Ayŭh pirŭŭ perang di ndi ong ong; Ayŭh mata bawŭh panah, pirusak jarok, ka badang pinangin.

MAZMUR 82:8

Mandŭg, O Tapa, ka mritah ong; sopŭrŭg bangsa mbŭh tung jamai.

MAZMUR 96:13

kan TUHAN mandŭg di mritah ong. Ayŭh re mritah daya ong ngga pinyitŭnggŭn ka ngga patut.

ISAIAH 32:17

Sabab barang naan daya re ndai kayuh adi batur, re agi udip darŭm damai ka ngga siramat ndŭg situi tui.

ISAIAH 32:18

Daya Tapa re dŭh tia gapang, ka ramin arŭn ngara re bamai buang siramat,

ISAIAH 33:22

Sopŭrŭg pingakas di kapar anŭ dŭh biguna; rayar-i dŭh dapŭd dog murai! Ata re sirapas sopŭrŭg pinyikaya bara tibaran soldadu pinganyu, ka kiang-i re raru bagŭ ndŭg ka daya bajang re sua dapŭd utung. Adŭp TUHAN re jadi raja ta; Ayŭh re mritah ata ka grindung ata.

ISAIAH 42:1

TUHAN nang, “Ati inŭh urun ku, adi Aku nyibake — adi Aku mbŭh mien; di ayŭh asŭng Ku munos. Aku mbŭh nggen di ayŭh kuasa Ku, ka ayŭh re taban pinyitŭnggŭn ka barang bangsa.

ISAIAH 42:3

Ayŭh dŭh re mata tŭngŭn reed adi miringe bait mura prita adi bŭrŭp bŭrŭp. Ayŭh re taban pinyitŭnggŭn adi tan adu adu yŭn sopŭrŭg daya.

ISAIAH 9:5

Kasut bara tibaran soldadu adi nyerang samŭn piraka adi bitameg bada deya re dog man apui.

ISAIAH 9:7

Kuasa raja-I re masang bitambah; pritah-I re ari darŭm damai. Ayŭh re mritah nimun sesang Raja David, sangan kuasa-I di kayuh adi batur ka tŭnggŭn, so madin ndŭg sikasŭn tipuh. TUHAN adi Bisa-pŭrŭg mbŭh natu an ndai sopŭrŭg ati.

HOSEA 2:18

Di tika anŭ Aku re ndai simanya ngga sopŭrŭg dāng tarun ka manuk, isa ngara dŭh kinaman daya Ku. Aku re kadi gŭh sopŭrŭg sinyata perang so tarun tana anŭ, sopŭrŭg pedang ngga bawŭh panah, ka re bada daya Ku udip darŭm damai ngga siramat.

HOSEA 2:20

Aku re sita janji Ku ka bada kuu jadi tung jaku, ka kuu re ngaku Aku TUHAN.

JOEL 3:10

Maba tŭbŭn basi bajak ngan da jadi pedang ka sinda adi ngga ngan mŭpŭd tugu pimuruh da jadi jarok. Ngara adi rumuh dŭh siŭn dŭh gŭh sua di biperang.

JOEL 3:12

“Barang bangsa dŭh siŭn dŭh sidia ka mandŭg ka Rubān Bisara. Diginŭ Aku, adi TUHAN, re guru nggen bisara di sopŭrŭg bangsa adi rŭŭ maning tarun ati.

MICAH 4:3

Ayŭh re ngatur kaii di dupan bangsa bangsa, di dupan kuasa kuasa bās adi sindŭk ngga adi jo. Ngara re maba pedang ngara bada jadi sinda bajak ka jarok bada jadi sinda adi ngga mŭpŭd tugu pimuruh. Bangsa bangsa re dŭh tia matak biperang, dŭh tia sidia yŭn bisaad.

ZECHARIAH 9:10

TUHAN nang, “Aku re kadi krita krita kuda so Israel ka kadi kuda kuda so Jerusalem; bawŭh adi dog pakai di tika perang re dog pirusak. Raja ngan re ndai damai di dupan bangsa bangsa; bayah pritah-i so rawŭt ndi ndŭg rawŭt andi, so Yang Euphrates ndŭg bŭngŭn ong.”

PINGANDAI 17:31

Amai Ayŭh muko so ka ndi naan daya adi-I ko mien miratak andu adi ngga-I nggen bisara di ndi ong ong ngga pinyitŭnggŭn. Ayŭh muko kiren kayuh anŭ agi sawŭ darŭm-I pakat daya anŭ so kabŭs!”

PINANDŬNG 19:11

Komŭnŭ aku kiris shorga tikuka, ka diginŭ agi kuda buda. Pinunggang-i dŭn Adi Tŭtŭd ngga Adi Sawŭ. Ngga pinyitŭnggŭn Ayŭh nggen bisara ka biperang.

1 SAMUEL 2:10

Pinganyu TUHAN re dog pirabur; Ayŭh re bidudū rawan ngara so rangit. TUHAN inŭh arang yŭn ndi ong ong; Ayŭh re nggen kuasa ka raja-I. Ayŭh re nggen pimanang di raja adi-I mien.”