ISAIAH 2:3 - Hakcipta - Biatah Bidayuh

³ ka daya bangsa bangsa anŭ re nang, “Ja ata maad sandah TUHAN, di tudu Ramin Tapa Israel. Ayŭh re ngajar ata kayuh adi Ayŭh raan ata ndai; ata re panu aran adi Ayŭh mbŭh mien. Amai ajar TUHAN mandŭg so Jerusalem; so Zion Ayŭh minyu di bara daya-I.”

ISAIAH 2:3 ပူးပေါင်းရင်းမြစ်များ

ESTHER 9:27

bara daya Jahudi mbŭh ndai atur yŭn adŭp ngara, bara sesang ngara, ka tadŭ daya adi raan jadi daya Jahudi, nang di tika adi patut barang sawa duwŭh andu primisi anŭ an ari dog sita nanyam ka pesan Mordecai.

MAZMUR 102:23

TUHAN mbŭh bada aku rumuh darŭm aku gibabŭ mara; Ayŭh bada umbur ku purok.

MAZMUR 110:2

So Zion TUHAN re bada bayah kuasa-raja mai. “Kaam re nguasa pinganyu mai,” Ayŭh nang.

MAZMUR 119:171

Aku re siraru muji Kaam, sabab Kaam ngajar aku ukum-adat Mai.

MAZMUR 122:1

Aku gaŭn kan ngara nang di aku, “Ja di ka ramin TUHAN.”

MAZMUR 48:1

TUHAN inŭh bās ka patut bana dog kibās di kupo bās Tapa ta, di tunduh sandah kudus-I.

ISAIAH 1:26

Aku re nggen di kuu pinguasa ngga tukang pitayan mun adi ko kuu biyŭn dawŭ-i. Komŭnŭ Jerusalem re dog kadŭn kupo adi tŭnggŭn buang tŭtŭd.”

ISAIAH 11:10

Andu-i re mandŭg kan raja adi bauh so asar David re jadi tandā yŭn bangsa bangsa. Ngara re tikuruk di kupo-i ka nggen stabi di ayŭh.

ISAIAH 19:23

Kan tipuh anŭ mbŭh mandŭg, di asah Egypt ngga Assyria re agi aran raya. Daya rais rais anŭ re bijaruh matak ka mari kadŭg aran anŭ, ka soduwŭh bangsa anŭ re samah bisambah.

ISAIAH 28:9

Ngara mingungut pasar aku. Ngara nang, “Daya anŭ pikir adŭp-i ngajar asi? Asi biguna di ajar-i? Ajar-i anŭ kana yŭn anak-sŭ adi muran pasan sisuh!

ISAIAH 44:5

“Ndi ngga ndi, daya re nang, ‘Aku tung TUHAN.’ Ngara re mandŭg ka bigaur ngga daya Israel. Barang naan ngara re na tandā TUHAN di tangan ngara ka kadŭn adŭp ngara bara daya Tapa.”

ISAIAH 56:5

dŭn mu re dog ingat di Ramin Ku ka di ruang daya Ku tui dŭ so kambŭi kuu biyŭn anak anak dari ngga anak anak dayung. Kuu dŭh re dog kambŭt.”

ISAIAH 56:7

“Aku re taban angān ka Zion, sandah kudus Ku, nggen di angān pinyigaŭn darŭm ramin simayang Ku, ka trima sadis adi angān jugan di tunduh mija-sambah Ku. Ramin Ku re dog kadŭn ramin simayang yŭn sopŭrŭg bangsa.”

ISAIAH 60:3

Bangsa bangsa mandŭg tudu jawa mu, Ka raja raja mandŭg tudu jawa isan isan mu.

ISAIAH 65:11

“Pak-i dŭh re simŭnŭ di angān adi tagan Aku, adi dŭh piduri Zion, sandah kudus Ku, ka adi nyambah Gad ngga Meni, adi tapa nasip ngga tapa pinyusah.

ISAIAH 66:20

Ngara re taban pari sopŭrŭg dingan ngan adi samah daya Israel so rais rais anŭ ndu pinganggen di Aku. Ngara re taban ngara ka sandah kudus Ku di Jerusalem nunggang kuda, kuda pinakan kaldi, ka onta, ka nambang krita kuda ngga tibande krita-sapi, nimun daya Israel taban sadis ruwang kayuh ka Ramin TUHAN darŭm bŭrŭh bŭrŭh adi bisig nanyam ka adat.

JEREMIAH 12:16

Kambŭi ngga siabo atin, ngara raan trima adat daya Ku ka bipayu nang, ‘Siragi TUHAN udip’ — nimun ngara ko dawŭ-i ngajar daya Ku bipayu ngga dŭn Baal — ngara gŭh re jadi ndi so bara daya Ku ka re mujur udip.

JEREMIAH 26:18

“Di andu Hezekiah jadi raja Judah, nabi Micah so Moresheth kidaan di sopŭrŭg daya nang TUHAN Bisa-pŭrŭg mbŭh nang, ‘Zion re dog majak mun ŭmŭh, Jerusalem re jadi tugung rakang tibawang, ka sandah Ramin TUHAN re jadi tuān.’

JEREMIAH 31:6

Sawŭ, tika-i re mandŭg kan daya adi tukang jaga re bagan di sandah sandah Ephraim, ‘Ja di maad ka Zion, ka TUHAN Tapa ta.’ ”

EZEKIEL 40:2

Keya ka darŭm pŭmŭh Tapa taban aku di ka tarun tana Israel ka na aku di tibung darŭd adi bigatung. Aku kiris di sirung jawin ku uruk uruk ramin ka rah-i mun ndi kupo.

HOSEA 3:5

Pak tipuh re mandŭg kan daya Israel re pari ka TUHAN adi Tapa ngara, ka sesang David adi raja ngara. Ka ngara re taru di TUHAN ka re kambat pinganggen pinganggen-I adi kana.

HOSEA 6:3

Ja ata suba puan TUHAN. Ayŭh re sawŭ mandŭg ka ata nimun batŭh andu sawŭ re makat, nimun ujen adi misa tana sawŭ re mandŭg di tipuh bunga.”

MICAH 4:2

ka bara daya-i re nang, “Ja maad sandah TUHAN, di ka Ramin TUHAN adi Tapa Israel. Ayŭh re ngajar ata kayuh adi Ayŭh raan ata ndai; ata re panu kadŭg aran adi Ayŭh mbŭh mien. Amai ajar TUHAN mandŭg so Jerusalem; so Zion Ayŭh minyu ngga daya-I.”

MATTHEW 7:24

“Jadi meh, barang naan daya adi dingah pinganang Ku ati ka tunda-i agi keya ka daya adi bijak adi pijog ramin-i di tunduh batuh.

LUKE 11:28

Pak Jesus nam, “Rabis bituah inŭh ngara adi dingah pinganang Tapa ka tunda-i!”

LUKE 24:47

Ka ngga adŭn-I, agah pasar daya patut marik pimudip-i pari ka Tapa siŭn dapŭd pingapun dosa, dŭh siŭn dŭh dog nyuse di sopŭrŭg bangsa, piguru so Jerusalem.

JOHN 4:22

Angān daya Samaria dŭh batur puan asi Ayŭh adi angān nyambah; pak kieh daya Jahudi puan Ayŭh adi kieh nyambah, amai so daya Jahudi inŭh pinyiramat mandŭg.

JOHN 7:17

Asi asi adi raan ndai pinyiraan Tapa re puan so ki kayuh adi Aku ngajar mandŭg, so Tapa kah so kuasa adŭp Ku.

PINGANDAI 1:8

Pak angān re kambat kuasa kan Roh Kudus mandŭg ka angān; ka angān re jadi saksi Ku di Jerusalem, di ndi tarun tana Judea ngga Samaria, ndŭg bŭngŭn ong.”

PINGANDAI 10:33

Jadi aku rasu pait daya da di jiroh kaam, ka kaam mbŭh raru kana gŭh an mandŭg. Ka madin kieh sopŭrŭg agi digiti di sirung jawin Tapa, an dingah kayuh adi Tuhan mbŭh bada kaam nang.”

ROME 10:18

Pak aku siken: Sawŭ kah ngara gibayuh dingah agah anŭ? Mbŭh ngara dingah, amai sak adi dog nang darŭm Surat-kudus: “Jawŭn sirŭŭn ngara mbŭh tambus ka barang yŭn di ong; pinganang ngara mbŭh ndŭg bŭngŭn ong.”

DITRONOMI 33:19

Ngara bagan daya pinami bada mandŭg ka darŭd ngara; diginŭ ngara jugan sadis adi batur. Ngara dapŭd pinyikaya ngara so rawŭt ka so sumat adi di tabing rawŭt.”

DITRONOMI 6:1

“Ati inŭh sopŭrŭg ukum-adat adi TUHAN adi Tapa ngan pesan aku bada ngajar angān. Tunda-i di tarun tana adi angān mbŭh re mŭrŭt ka ngisi.

JAMES 1:25

Pak kambŭi angān nakit tingga ukum-adat adi sukup kana adi pirupas daya, ka nakit pirati-i ka dŭh dingah adŭ ka rasu kambŭt, pak ndai-i; mun anŭ angān re dog nyiberkat Tapa darŭm kraja pingandai ngan.