ISAIAH 2:2 - Hakcipta - Biatah Bidayuh

² Di tipuh adi re mandŭg sandah di yŭn Ramin TUHAN mijog re jadi adi siabo bigatung, bigatung so sopŭrŭg sandah. Bagŭ bangsa re birumbek kamanŭ,

ISAIAH 2:2 ပူးပေါင်းရင်းမြစ်များ

TIBIRIK 49:1

Jacob bagan bara anak dari-i ka nang, “Mandŭg tikuruk kamati, ka aku re kidaan kayuh adi re jadi di angān jŭ:

JOB 19:25

Pak aku puan di shorga agi Pinyikudip ku; adi re mandŭg di turung aku.

MAZMUR 102:23

TUHAN mbŭh bada aku rumuh darŭm aku gibabŭ mara; Ayŭh bada umbur ku purok.

MAZMUR 2:8

Mite, ka Aku re nggen di kuu sopŭrŭg bangsa; ndi ong ong re jadi tung jamu.

MAZMUR 22:27

Sopŭrŭg bangsa re ingat TUHAN. So barang yŭn di ong ngara re pari ka Ayŭh; sopŭrŭg bangsa re nyambah Ayŭh.

MAZMUR 22:28

TUHAN inŭh raja, ka-I mritah barang bangsa.

MAZMUR 48:2

Zion, sandah Tapa, inŭh bigatung ka sangŭn; kupo raja bās taban pawŭn di ndi ong ong.

MAZMUR 68:17

Ngga biribu ribu krita kuda-I adi baga TUHAN mandŭg so Sinai di ka yŭn anŭ adi kudus.

MAZMUR 72:8

Pritah-i re ngukap so rawŭt ndi ndŭg rawŭt andi, so Euphrates ndŭg barang bŭngŭn ong.

MAZMUR 86:9

Sopŭrŭg bangsa adi Kaam mbŭh napa re mandŭg ka mutu ubak ka Mai; ngara re muji bās Mai.

MAZMUR 87:1

TUHAN pijog kupo-I di tunduh sandah kudus;

MAZMUR 87:2

rabis so di tarun bŭkŭn di Israel Ayŭh rindu kupo Jerusalem.

ISAIAH 11:10

Andu-i re mandŭg kan raja adi bauh so asar David re jadi tandā yŭn bangsa bangsa. Ngara re tikuruk di kupo-i ka nggen stabi di ayŭh.

ISAIAH 25:6

Digiti di Sandah Zion TUHAN Bisa-pŭrŭg re sidia gawai yŭn sopŭrŭg bangsa di ong; gawai man pinguman adi grua ka nok wain adi siabo kana.

ISAIAH 27:13

Kan andu anŭ mbŭh mandŭg, trompet re dog mambak ngga bagan sopŭrŭg daya Israel adi dog taran ka Assyria ngga Egypt. Ngara re mandŭg ka nyambah TUHAN di Jerusalem, di sandah kudus-I.

ISAIAH 30:29

Pak angān, adi daya Tapa, re gaŭn ka biragu nimun di ngarŭm gawai adat. Angān re pawŭn nimun ngara adi panu ngga jawŭn ragu dog mambak ngga tirari di aran nuju Ramin TUHAN, adi pingibān Israel.

ISAIAH 49:6

TUHAN nang di aku, “Aku biyŭn kraja adi rabis bās yŭn mu, urun Ku. Dŭh-i kuu re bada pari bās adŭ daya Israel adi babŭ udip, pak Aku re bada kuu jadi jawa ani yŭn bangsa bangsa; isa sopŭrŭg daya di ong dapŭd dog nyiramat.”

ISAIAH 56:5

dŭn mu re dog ingat di Ramin Ku ka di ruang daya Ku tui dŭ so kambŭi kuu biyŭn anak anak dari ngga anak anak dayung. Kuu dŭh re dog kambŭt.”

ISAIAH 56:7

“Aku re taban angān ka Zion, sandah kudus Ku, nggen di angān pinyigaŭn darŭm ramin simayang Ku, ka trima sadis adi angān jugan di tunduh mija-sambah Ku. Ramin Ku re dog kadŭn ramin simayang yŭn sopŭrŭg bangsa.”

ISAIAH 60:3

Bangsa bangsa mandŭg tudu jawa mu, Ka raja raja mandŭg tudu jawa isan isan mu.

ISAIAH 65:11

“Pak-i dŭh re simŭnŭ di angān adi tagan Aku, adi dŭh piduri Zion, sandah kudus Ku, ka adi nyambah Gad ngga Meni, adi tapa nasip ngga tapa pinyusah.

ISAIAH 66:20

Ngara re taban pari sopŭrŭg dingan ngan adi samah daya Israel so rais rais anŭ ndu pinganggen di Aku. Ngara re taban ngara ka sandah kudus Ku di Jerusalem nunggang kuda, kuda pinakan kaldi, ka onta, ka nambang krita kuda ngga tibande krita-sapi, nimun daya Israel taban sadis ruwang kayuh ka Ramin TUHAN darŭm bŭrŭh bŭrŭh adi bisig nanyam ka adat.

ISAIAH 66:23

Ngga barang Gawai Anak Buran ka barang andu Sabbath, daya so barang bangsa re mandŭg di nyambah Aku di Jerusalem,” nang TUHAN.

JEREMIAH 16:19

TUHAN, Kaam inŭh adi grindung aku ka adi nggen pinyibake di aku. Kaam turung aku di tika susah. Bangsa bangsa re mandŭg ka Kaam so bŭngŭn ong ka nang, “Tayung-babuk ami dŭh biyŭn ani ani adŭ-i tapa kadong, tibudo adi dŭh biguna.

JEREMIAH 23:20

ka-i re dŭh ko ndŭg ka Ayŭh muko ndai sopŭrŭg adi-I raan ndai. Di tipuh adi re mandŭg daya-I re mirati kayuh anŭ ngga tarang.”

JEREMIAH 26:18

“Di andu Hezekiah jadi raja Judah, nabi Micah so Moresheth kidaan di sopŭrŭg daya nang TUHAN Bisa-pŭrŭg mbŭh nang, ‘Zion re dog majak mun ŭmŭh, Jerusalem re jadi tugung rakang tibawang, ka sandah Ramin TUHAN re jadi tuān.’

JEREMIAH 3:17

Kan tika anŭ mandŭg, Jerusalem re dog kadŭn ‘Takta TUHAN’, ka sopŭrŭg bangsa re tikuruk diginŭ nyambah Aku. Ngara re dŭh tia ndai kayuh adi atin tangek ngga atin arap ngara bada ngara ndai.

JEREMIAH 31:12

Ngara re mandŭg ka biragu ngga gaŭn di Sandah Zion angan pinganggen so Aku — pinganggen gandom ka wain ka inyo kanā, pinganggen biri ngga sapi sapi. Ngara re keya ka teya adi biyŭn sukup piin; ngara re biyŭn sopŭrŭg kayuh adi ngara biguna.

JEREMIAH 48:47

Pak di tika adi re mandŭg TUHAN re bada Moab mujur dinge. Sopŭrŭg anŭ inŭh kayuh adi TUHAN mbŭh nang re jadi di Moab.

JEREMIAH 49:39

Pak ripas anŭ Aku re bada daya Elam pari mujur. Aku, adi TUHAN, mbŭh minyu.”

JEREMIAH 51:44

Aku re ngukum Bel, adi tapa Babylonia, ka bada ayŭh nggen pari kayuh adi-i ko naku. Bangsa bangsa re dŭh tia nyambah ayŭh. “Sindung Babylon mbŭh rubuh.

EZEKIEL 38:16

ka nyerang daya Ku Israel mun sabak ribut nyarab mutas tarun tana. Kan tika anŭ mandŭg, Aku re pait kuu bada nyerang tarun tana Ku ngga kiren di bangsa bangsa asi Aku ati, ngga kiren pinyikudus Ku so ka kayuh adi Aku ndai so kuu.

EZEKIEL 40:2

Keya ka darŭm pŭmŭh Tapa taban aku di ka tarun tana Israel ka na aku di tibung darŭd adi bigatung. Aku kiris di sirung jawin ku uruk uruk ramin ka rah-i mun ndi kupo.

DANIEL 10:14

Aku mbŭh mandŭg an bada kuu mirati kayuh adi re jadi di daya mu ju. Kayuh anŭ adi dog kiris keya ka darŭm pŭmŭh inŭh pasar kayuh adi re.”

DANIEL 2:28

Pak agi Tapa adi pinguasa di shorga, adi pinandŭng rati barang masam rusia. Ayŭh mbŭh kidaan di Tuan Raja kayuh adi re jadi jŭ. Madin aku kidaan pŭmŭh anŭ, kayuh adi dog kiren di kaam darŭm bŭŭs.

DANIEL 2:35

Jam anŭ gŭh basi, tana-riyat, timaga, pirak, ngga mas anŭ rubuh ka jadi mun dabu di tarun yŭn daya ngiik di tipuh paras. Sabak taban sopŭrŭg-i ngga bu, ka arok-i mating gŭh. Pak batuh anŭ jadi tibande darŭd adi muno ndi ong ong.

DANIEL 2:45

Kaam kiris munki batuh tanggar so jenjang dŭh so ka dog tama daya ka munki batuh anŭ nyatŭk patong anŭ adi dog ndai so basi, timaga, tana-riyat, ka mas. Tapa adi bās inŭh kidaan di Tuan Raja kayuh adi re jadi jŭ. Aku mbŭh kubo kidaan pŭmŭh mai, ka mbŭh kidaan di kaam rati-i adi sawŭ.”

HOSEA 3:5

Pak tipuh re mandŭg kan daya Israel re pari ka TUHAN adi Tapa ngara, ka sesang David adi raja ngara. Ka ngara re taru di TUHAN ka re kambat pinganggen pinganggen-I adi kana.

ZECHARIAH 14:10

Ndi abong abong utung tarun tana rais, so kupo Geba di parad ka utara ndŭg kupo Rimmon di parad ka siratan, re dog pirata. Jerusalem re bigatung so tarun tana adi maning-i; bayah kupo anŭ inŭh so Tiban Benjamin ndŭg Tiban Sikuh, di yŭn adi ko agi dawŭ-i tiban, ka so Tawā Hananel ndŭg tarun yŭn mŭ anggor adi raja dapu.

ZECHARIAH 14:9

Komŭnŭ TUHAN re jadi raja yŭn ndi ong ong; barang naan daya re nyambah Ayŭh mun Tapa ka puan Ayŭh ngga adŭn anŭ gŭh.

ZECHARIAH 8:22

Bagŭ daya ngga bangsa bangsa adi bikuasa re mandŭg ka Jerusalem di nyambah TUHAN Bisa-pŭrŭg, ka mite berkat so Ayŭh.

ZECHARIAH 8:3

Aku re pari ka Jerusalem, kupo kudus Ku, ka rŭŭ diginŭ. Kupo anŭ re dog kadŭn kupo adi tŭtŭd, ka sandah TUHAN Bisa-pŭrŭg re dog kadŭn sandah kudus.

MALACHI 3:12

Komŭnŭ daya so sopŭrŭg bangsa re kadŭn angān bituah, sabab tarun tana ngan re kana yŭn rŭŭ.

PINYIKIANG 24:14

Balaam nang di Balak, “Madin aku pari ka daya adŭp ku. Pak diŭ so aku panu, aku bakan kuu di kayuh adi re daya Israel ndai di tunduh daya mu darŭm tipuh adi re mandŭg.”

PINGANDAI 2:17

‘Ati inŭh kayuh adi re Ku ndai di sikasŭn tipuh, Tapa nang: Aku re ren Roh Ku di tunduh sopŭrŭg daya. Anak dari ngga anak dayung ngan re piagah kayuh adi Aku kidaan di ngara. Bara dari bujang ngan re kiris kayuh keya ka di darŭm pŭmŭh, ka bara nyamba dari ngan re biyŭn bagŭ pŭmŭh so Aku.

2 TIMOTHY 3:1

Ingat nŭh re bagŭ tika pinyusah di sikasŭn tipuh.

HEBREW 1:2

pak di sikasŭn tipuh ati Ayŭh minyu di ata so Anak-I. Ngga Ayŭh inŭh Tapa napa rangit ngga ong, Ayŭh adi Tapa mbŭh mien da dapu sopŭrŭg kayuh di pinŭbŭn-i.

2 PETER 3:3

Diŭ so kayuh bŭkŭn, angān dŭh siŭn dŭh an mirati di sikasŭn tipuh re agi kada daya timbur; pimudip ngara dog nguasa pinyiripong pŭrŭng-i. Ngara re nyibudo angān

PINANDŬNG 11:15

Komŭnŭ malaikat adi numbor ju mambak trompet-i, ka agi sirŭŭn sirŭŭn bana di shorga, nang, “Kuasa ngga mritah ong, madin, mbŭh tung Tuhan ngga Kristus-I; Ayŭh re mritah ndŭg situi tui!”

PINANDŬNG 20:4

Komŭnŭ aku kiris takta takta, ka sopŭrŭg adi guru dieh dog nggen kuasa ngga nggen bisara. Aku kiris gŭh simangi ngara adi ko dog nggen ukum kabŭs sabab ngara piagah ajar adi sawŭ adi Jesus ko pinandŭng ka sabab ngara ngajar pinganang Tapa. Ngara mating nyambah dāng anŭ bait tibudo-i, dŭh gŭh kambat tandā dāng anŭ di arŭ puan kah di tangan ngara. Ngara udip dinge ka keya ka raja mritah ngga Kristus sitian siribu sawa.