ISAIAH 18:3 - Hakcipta - Biatah Bidayuh

³ Dingah, barang naan adi rŭŭ di ong! Kajŭn binira tandā adi re dog pijog di tibung darŭd! Kajŭn jawŭn trompet dog mambak!

ISAIAH 18:3 ပူးပေါင်းရင်းမြစ်များ

ISAIAH 5:26

TUHAN nggen tandā ngga bagan ndi bangsa adi jo. Ayŭh nyimboh bagan ngara so bŭngŭn ong bada mandŭg, ka ngara mandŭg ngga sirikas-i!

ISAIAH 26:11

Pinganyu Mai dŭh puan Kaam re ngukum ngara. TUHAN, pimangŭh ngara ka bada ngara sangsara; bada ngara sangsara ngga ukum adi Kaam mbŭh sidia yŭn ngara. Kiren di ngara munki masam Kaam rindu daya Mai.

MATTHEW 13:16

“Mun angān, mbŭh raru binasip! Batŭh ngan kiris ka kajit ngan dingah.

MATTHEW 13:9

Ka Jesus meh nang, “Dingah meh garang, kambŭi angān biyŭn kajit!”

ZECHARIAH 9:14

TUHAN re pinandŭng adŭp-I di daya-I; Ayŭh re nimbak reja panah-I keya ka kijat. TUHAN Raja re mambak trompet; Ayŭh masang darŭm sabak ribut so siratan.

MICAH 6:9

Bijak inŭh daya adi taru di TUHAN. Ayŭh nang di kupo, “Dingah, angān adi tikuruk darŭm kupo!

MICAH 6:2

Angān darŭd, angān pinagap-rasan ong adi tan adu adu, dingah kayuh adi TUHAN nang! TUHAN biyŭn kayuh an-I nang pasar daya-I. Ayŭh re nang kayuh adi ngga-I nyarah Israel.

JEREMIAH 22:29

O tarun tana rais ku, tana ku! Dingah kayuh adi TUHAN nang:

ISAIAH 13:4

Dingah sak jawŭn di darŭd, sak jawŭn dudu bara daya; sak jawŭn dudu bangsa ngga pritah pritah tikuruk. TUHAN adi siabo bikuasa aŭn ngatur bara soldadu-I yŭn biperang.

ISAIAH 13:2

Di tibung sandah adi badu pijog binira perang! Nyirais nang di bara soldadu ka pakat tangan mu ndu tandā bada ngara nyerang tiban-bās kupo adi gambung anŭ.

ISAIAH 7:18

“Kan tipuh anŭ mbŭh mandŭg, TUHAN re nyimboh nggen tandā di bara daya Egypt bada mandŭg mun dudu tura so anjak Yang Nile adi siabo jo, ka daya Assyria so tarun tana ngara mun dudu banyis.

ISAIAH 1:2

TUHAN nang, “Ong ngga rangit, dingah kayuh adi Aku nang! Bara anak adi Aku nyiran mbŭh rawan Aku.

MAZMUR 50:1

Tapa Bisa-pŭrŭg, adi TUHAN, minyu; Ayŭh bagan ndi ong ong so timor ndŭg barat.

ISAIAH 31:9

Raja ngara re bikaduh bu amai taru, ka bara pingubak soldadu re tikaran ndŭg ka tagan binira perang ngara.” TUHAN mbŭh minyu, Ayŭh adi TUHAN adi dog nyambah di Jerusalem, ka apui-I adi sakŭt diginŭ ngga badang sadis.

ISAIAH 49:22

TUHAN Raja nang di daya-I: “Aku re nggen tandā di bangsa bangsa, ka ngara re taban anak anak ngan ngga mari.

JEREMIAH 51:27

“Nggen tandā ngga nyerang! Mambak trompet isa bangsa bangsa dapŭd dingah! Sidia bangsa bangsa yŭn perang rawan Babylonia! Bada pritah Ararat, pritah Minni, ka pritah Ashkenaz nyerang. Tijuan ndi naan pingubak bada nguru serang. Taban kuda kuda bada mun dudu kadis.

MICAH 1:2

Dingah ati, sopŭrŭg bangsa; dingah kayuh ati, sopŭrŭg adi udip di ong! TUHAN Raja re bisaksi rawan angān. Dingah! Ayŭh minyu so yŭn kudus-I di shorga.

ISAIAH 11:12

TUHAN re pijog binira-tandā ngga kiren di bangsa bangsa nang adŭp-I nguruk dinge daya Israel ngga daya Judah adi mbŭh papar sasah di barang yŭn di ong ka taban ngara pari.