ISAIAH 11:2 - Hakcipta - Biatah Bidayuh

² Roh TUHAN re nggen pinyibijak di ayŭh, pinyipuan ka pimandai ngga mritah daya-I. Ayŭh re puan pinyiraan TUHAN ka stabi di Ayŭh

ISAIAH 11:2 ပူးပေါင်းရင်းမြစ်များ

2 SAMUEL 23:3

Tapa Israel mbŭh minyu, pinyigrindung Israel nang di aku: “Raja adi mritah ngga pinŭnggŭn, adi mritah darŭm nundok di Tapa,

MAZMUR 72:2

isa ayŭh mritah daya Mai ngga pinyitŭnggŭn ka nguasa ngga pinŭnggŭn daya adi dog kinanyuh.

PINYIRUAH 28:3

Bagan sopŭrŭg daya adi Aku ko nggen pimandai ngga ndai kraja, ka bada ngara ndai piraka Aaron, siŭn ayŭh dog garar jadi imam yŭn Ku.

ISAIAH 28:6

Ayŭh re nggen urah adi tŭnggŭn yŭn bara akim, ka atin pagan di ngara adi ngibān tiban-bās kupo so dog nyerang.

ISAIAH 32:15

Pak dŭm ndi sidah dinge Tapa re mandŭg ngga kuasa-I. Tana adi matung re damŭn, ka tana ŭmŭh re piruah bagŭ buwa pimuruh.

ISAIAH 42:1

TUHAN nang, “Ati inŭh urun ku, adi Aku nyibake — adi Aku mbŭh mien; di ayŭh asŭng Ku munos. Aku mbŭh nggen di ayŭh kuasa Ku, ka ayŭh re taban pinyitŭnggŭn ka barang bangsa.

ISAIAH 48:16

“Mandŭg ka Aku madin ka dingah kayuh adi Aku nang. So sibungas-i Aku mbŭh minyu ngga tarang, ka mbŭh ari bada pinganang Ku jadi bitŭtŭk.” (Madin TUHAN Raja mbŭh nggen di aku kuasa-I ka pait aku.)

ISAIAH 59:21

Aku ndai simanya ngga angān: Aku mbŭh nggen di angān kuasa Ku ngga Ajar Ku adi re jadi jangān ndŭg situi tui, ka so madin angān re tunda pinganang Ku ka ngajar anak anak ngan ka sesang sesang ngan bada tunda pinganang Ku ndŭg situi tui.”

ISAIAH 61:1

TUHAN Raja mbŭh nguasa aku ngga Roh-I. Ayŭh mbŭh mien aku ka pait aku bada taban agah kana ka daya sirata, bada pibua daya adi susah atin, bada piagah pinyirupas di daya-takap ka pinyirupas di ngara adi dog jer.

ISAIAH 9:6

Anak-sŭ dog biranak yŭn ta! Anak dari dog nggen di ata! Ka Ayŭh re jadi pimritah ta. Ayŭh re dog kadŭn, “Tukang-pitayan adi Kana”, “Tapa adi Bikuasa”, “Sama adi tan adu adu”, “Raja Damai”.

ZECHARIAH 4:6

Malaikat anŭ bada aku nggen di Zerubbabel pinganang ati so TUHAN: “Kuu re mujur di pingandai mu, dŭh so ka pinyibake soldadu bait so ka pinyibake adŭp mu, pak so ka Roh Ku.

MATTHEW 3:16

Kan-I ko dog baptisa, Ayŭh makat so piin. Rangit tikuka ka-I kiris Roh Kudus mūn mun manuk asang ka mbap di adŭp-I.

JOHN 14:17

Ayŭh inŭh Roh Kudus adi pinandŭng kayuh adi sawŭ pasar Tapa. Ong dŭh tungang kambat Ayŭh, sabab-i dŭh kiris Ayŭh buang dŭh puan Ayŭh. Pak angān puan Ayŭh, sabab Ayŭh agi ngga angān ka mbŭh agi darŭm angān.

JOHN 15:26

“Pinurung, anŭ inŭh Roh Kudus, re mandŭg so Sama; Ayŭh kidaan kayuh adi sawŭ pasar Tapa. Aku re pait Ayŭh so Sama ka yŭn ngan, ka Ayŭh re minyu di angān pasar Aku.

JOHN 16:13

Pak sunggu mŭnŭ, kan Roh anŭ mandŭg, adi pinandŭng kayuh adi sawŭ pasar Tapa, Ayŭh re nyiruton angān di sopŭrŭg kayuh adi sawŭ anŭ. Ayŭh dŭh re minyu so ka pinyiraan adŭp-I, pak re minyu pasar kayuh adi-I dingah ka re kidaan di angān kayuh kayuh adi re.

JOHN 3:34

Ayŭh adi Tapa pait minyu pinganang so Tapa, sabab Tapa mbŭh nggen Roh-I di Ayŭh ngga sipuno-i.

PINGANDAI 10:38

Angān puan pasar Jesus so Nazareth ka munki Tapa mbŭh ren di tunduh-I Roh Kudus ka kuasa. Ayŭh panu ka barang yŭn, ndai pingandai kana ka pibua sinadan daya adi dog nguasa Siarap, amai Tapa agi ngga Ayŭh.

1 CORINTH 1:30

Pak Tapa mbŭh tambit angān bada udip ndi ngga Kristus Jesus; ka adŭp Kristus, Tapa mbŭh bada jadi pinyibijak ta. So Ayŭh ata mbŭh dapŭd bamai ngga Tapa; ata jadi daya Tapa adi kudus adi mbŭh dog pirupas.

DITRONOMI 34:9

Joshua anak Nun brisi ngga pinyibijak, sabab Moses mbŭh tijuan ayŭh bada gati adŭp-i. Daya Israel tunda pinganang Joshua ka sita pesan adi TUHAN muko nggen di ngara so Moses.

2 TIMOTHY 1:7

Amai Roh adi Tapa mbŭh nggen di ata dŭh-I ndai ata da taru, pak ngisi ata ngga kuasa, pinyirindu, ka atin adi an jaga adŭp ta so pinyiripong adi sarah.

PINANDŬNG 1:4

So John nuju ju eklisia di utung rais Asia: Pinyirasi-mandis ngga damai mbŭh jangān so Tapa, adi madin, adi mbŭh, ka adi re mandŭg, ka so ju roh adi di jawin takta-I,