ISAIAH 1:4 - Hakcipta - Biatah Bidayuh

⁴ Mbŭh payah inŭh angān, bangsa adi bidosa, angān daya adi mbŭh rusak ka arap! Dosa ngan mbŭh pirabu angān! Angān mbŭh tirawan TUHAN, adi Tapa kudus Israel, ka mbŭh nyipunok Ayŭh.

ISAIAH 1:4 ပူးပေါင်းရင်းမြစ်များ

TIBIRIK 13:13

adi puno ngga daya ginaka ngga adi bidosa rawan TUHAN.

2 RAJA 21:22

Ayŭh tirawan TUHAN, adi Tapa tayung babuk-i, ka nyibireu pesan TUHAN.

2 KRONIKEL 12:1

Kan pritah Rehoboam mbŭh tagap mijog ka adŭp-i mbŭh bitambah bikuasa, ayŭh ngga sopŭrŭg daya Israel nyipunok Ukum-adat TUHAN.

2 KRONIKEL 27:2

Ayŭh ndai kayuh adi pimunos asŭng TUHAN, batur nimun sama adŭp-i; pak dŭh mun sama-i adi bidosa amai badang kimanyan di Ramin TUHAN. Sunggu mŭnŭ, bara daya babŭ ndai dosa.

NEHEMIAH 1:7

Kieh mbŭh raru ginaka ngga Kaam ka dŭh ndai kayuh adi Kaam pesan. Kieh mbŭh dŭh sita ukum ukum-adat adi Kaam mbŭh nggen di kieh so Moses, adi urun Mai.

MAZMUR 58:3

Daya adi ndai arap ari sarah sitŭkŭd umbur ngara; ngara piruah pinganang kadong so andu ngara dog biranak.

MAZMUR 71:22

Aku re sawŭ muji Kaam ngga kachapi; aku re muji pinyitŭtŭd Mai, Tapa ku. Ngga kachapi ku aku re mambak ragu ka Kaam, Kaam adi Kudus yŭn Israel.

MAZMUR 78:40

Munki masam awet-i ngara rawan Ayŭh di tarun tana-pajam; mbŭh pikudu kari ngara bada Ayŭh susah!

MAZMUR 78:41

Pari pari ngara suba Tapa ka kandam Tapa Kudus Israel.

MAZMUR 78:57

pak birawan ka dŭh tŭtŭd mun tayung-babuk ngara, dŭh biguna mun reja-panah adi bidikok.

MAZMUR 78:8

Ngara dŭh re mun tayung-babuk ngara adi an birawan ka adi dŭh an dingah pinganang, adi dŭh sukup sabah di Tapa ka adi dŭh tui tŭtŭd di Ayŭh.

MAZMUR 89:18

Kaam, O TUHAN, mien pinyigrindung ami; Kaam, Tapa Kudus Israel, nggen di kieh raja.

PINYIRUAH 32:7

TUHAN nang di Moses, “Rikas mūn meh ka sagān, amai bara daya mu adi kuu mbŭh taban ngga ruah so Egypt agi ndai sarah ka nyibireu Aku.

ISAIAH 1:23

Bara pinguru mu inŭh daya adi an birawan ka jerā bara pinaku; ngara marar trima pinganggen ngga suap. Ngara bŭn ngibān anak tumang di yŭn bisara bait dingah pinganang dayung uban pasar har ngara.

ISAIAH 1:28

Pak Ayŭh re pirarap barang naan daya adi bidosa ngga adi rawan Ayŭh; Ayŭh re siŭ barang naan daya adi tagan Ayŭh.

ISAIAH 10:6

Aku pait Assyria bada nyerang bangsa adi mbŭh taran pinyabah, ka adi mbŭh bada Aku baji. Aku pait ngara bada sirapas ka naku kayuh ngara ka bidigang di tunduh ngara mun digang tana di aran.”

ISAIAH 12:6

Bada barang naan adi rŭŭ di Zion nyirais ka nyanyi! Tapa kudus Israel inŭh bās, ka Ayŭh rŭŭ di ruang daya-I.”

ISAIAH 14:20

Sabab kuu pirusak rais mu ka siŭ daya adŭp mu, kuu dŭh re dog kubur mun raja adi bŭkŭn. Mating so rawang mu adi arap anŭ re dŭm.

ISAIAH 29:19

Daya sirata ngga daya adi dog pimangŭh re pari dapŭd udip sanang so TUHAN, Tapa kudus Israel.

ISAIAH 3:8

Sawŭ, Jerusalem mbŭh rabu! Judah mbŭh rubuh! Sopŭrŭg kayuh adi ngara ndai bait nang mbŭh rawan TUHAN; ngga dŭh biyŭn atin taru ngara ngamun Tapa.

ISAIAH 30:1

TUHAN mbŭh minyu: “Mbŭh payah inŭh ngara adi mritah Judah sabab ngara rawan Aku. Ngara tunda atur adi Aku dŭh ndai, ka na tandā-tangan di pekat-damai adi rawan pinyiraan Ku, ngga bada dosa ngara bitimbun.

ISAIAH 30:15

TUHAN Raja, Tapa kudus Israel, nang di daya-I, “Pari ka Aku ka sabah di Aku ngga atin sanang. Angān re dog nyibake ka re siramat.” Pak angān abah!

ISAIAH 30:9

Ngara ari rawan Tapa, ari kadong, ari abah dingah ajar TUHAN.

ISAIAH 31:2

Ayŭh puan kayuh adi ndai-I! Ayŭh pait pinyirusag. Ayŭh re ngukum, nanyam adi muko-I bakan, daya adi arap samŭn ngara adi grindung ngara.

ISAIAH 37:23

Asi sŭn mu nang adi kuu ngamun ka napat? Kuu mbŭh dŭh biradat di Aku, adi Tapa kudus Israel.

ISAIAH 41:14

TUHAN nang, “Sawŭ angān sŭ buang ramah, Israel, dŭhnyah taru; Aku re turung angān. Aku, adi Tapa kudus Israel, Aku inŭh adi nyiramat angān.

ISAIAH 41:16

Angān re napan sopŭrŭg-i. ka sabak re taban-i ngga bu, ka-i re mingare bada sabak ribut. Komŭnŭ angān re gaŭn amai Aku ati Tapa ngan; angān re muji Aku, Tapa kudus Israel.

ISAIAH 41:20

Daya re kiris ati ka puan nang Aku, adi TUHAN, adi napa-i. Ngara re mandŭg ka mirati nang Tapa kudus Israel adi napa-i.”

ISAIAH 5:19

Angān nang, “Tandah TUHAN rikas ndai kayuh adi Ayŭh nang adŭp-I re ndai, isa ata dapŭd kiris-i. Tandah Tapa kudus Israel ndai anŭ adi Ayŭh mbŭh ngatur an ndai; ja tingga ani anŭ di pikir-I.”

ISAIAH 5:24

Jadi madin, nimun siriyang ngga kupai adi badŭh sanang dog badang di apui, uat ngan re madam ka rarak ngan re pisŭk ka ruruh, sabab angān mbŭh tirawan kayuh adi TUHAN Bisa-pŭrŭg adi Tapa kudus Israel, mbŭh ngajar di ata.

ISAIAH 57:17

Aku baji di ngara sabab dosa ngga udip tama ngara, ngapŭi Aku ngukum ngara ka tagan ngara. Pak ngara baking ka ngandŭ tunda aran adŭp ngara.

ISAIAH 58:2

Ngara nyambah Aku barang andu, nang adŭp ngara graŭh an puan aran Ku ka tunda ukum ukum-adat Ku. Ngara nang adŭp-i raan Aku nggen di ngara ukum-adat adi patut ka nang adŭp-i suka nyambah Aku.”

ISAIAH 65:11

“Pak-i dŭh re simŭnŭ di angān adi tagan Aku, adi dŭh piduri Zion, sandah kudus Ku, ka adi nyambah Gad ngga Meni, adi tapa nasip ngga tapa pinyusah.

ISAIAH 65:3

Ngga dŭh mangŭh ngara adu adu bada Aku baji. Ngara jugan sadis adat karŭm di teya pirapu' ka badang kimanyan di tunduh mija-sambah adat karŭm.

ISAIAH 9:17

Ngapŭi TUHAN dŭh re bada tadŭ tadŭ so daya adi mara rupas, ka Ayŭh dŭh re masi di tadŭ tadŭ dayung uban ngga anak tumang, sabab sopŭrŭg daya inŭh daya adi dŭh stabi di Tapa buang ginaka, ka barang masam kayuh adi ngara nang inŭh arap. Pak sunggu mŭnŭ, baji TUHAN dŭh re ko, ka babŭ pakat tangan-I re ngukum.

JEREMIAH 15:6

Angān mbŭh tirawan Aku; angān mbŭh nyipunok Aku. Ngapŭi Aku pakat tangan Ku ka pirandŭk angān sabab Aku mbŭh reju nyijŭn baji Ku.

JEREMIAH 2:13

amai daya Ku mbŭh ndai duwŭh dosa: ngara mbŭh tagan Aku, atak piin bisig, ka ngara mbŭh kareh pagong, pagong adi siret ka adi dŭh adŭ dapŭd nyikŭn piin.

JEREMIAH 2:17

Israel, kuu bada kayuh ati nyatŭk adŭp mu! Kuu tagan Aku, adi TUHAN Tapa mu, darŭm Aku kayak nyiruton kuu.

JEREMIAH 2:19

Arap adŭp mu re ngukum kuu, ka urah mu adi tagan Aku re nunggu kuu. Kuu re puan munki masam sipŭ buang arap-i kuu tagan Aku, adi TUHAN Tapa mu, buang kuu mbŭh dŭh tia tŭtŭd di Aku. Aku, adi TUHAN Raja adi Bisa-pŭrŭg, mbŭh minyu.”

JEREMIAH 2:31

Daya Israel, dingah kayuh adi Aku nang. Mbŭh kah Aku mun tarun tana-pajam di kuu, mun tarun tana adi karŭm buang rapā yŭn masam masam pinyusah? Mani, meh, kuu nang adŭp mu raan ndai kayuh nanyam raan asŭng adŭp mu, ka dŭh re pari ka Aku?

JEREMIAH 2:33

Kuu manŭn puan munki piripong ambai mu. Dayung adi siabo arap dapŭd gŭh birajar so kuu.

JEREMIAH 2:5

TUHAN nang: “Ani anŭ adi yŭn tayung-babuk ngan nyarah Aku? Ani bada ngara bu tagan Aku? Ngara nyambah tibudo adi dŭh biguna ndŭg ka adŭp ngara jadi dŭh biguna.

JEREMIAH 32:32

sabab sopŭrŭg arap adi dog ndai daya Judah ngga daya Jerusalem, ngga raja raja ka pinguru pinguru ngara, imam imam ka nabi nabi ngara.

JEREMIAH 50:29

“Kidaan di bara soldadu adi tukang nimbak reja-panah bada nyerang Babylon. Tijuan barang naan daya adi pandai pakai bawŭh ngga reja-panah. Nyikapung kupo anŭ ka dŭhnyah bada tadŭ daya ruah. Maras di tunduh-i sopŭrŭg kayuh adi muko-i ndai, ka ndai di tunduh-i nimun-i mbŭh ndai di tunduh daya bŭkŭn, sabab-i mbŭh ndai simŭnŭ ngga atin gambung rawan Aku, adi Kudus yŭn Israel.

JEREMIAH 51:5

Aku, adi TUHAN Tapa Bisa-pŭrŭg, bŭn tagan Israel ngga Judah, sunggu ngara mbŭh bidosa rawan Aku, adi Tapa Kudus Israel.

JEREMIAH 7:19

Pak sibatur-i, dŭh-i Aku adi ngara kandam. Ngara kandam adŭp ngara ndŭg ka adŭp ngara mangŭh.

JEREMIAH 7:26

Pak daya dŭh an dingah bait piduri kayuh adi ngara nang. Tanŭ ka angān jadi rabis baking ka an birawan mun tayung-babuk ngan.

EZEKIEL 14:5

Sopŭrŭg tibudo anŭ mbŭh pijo daya Israel so Aku, pak ngga pinyinam Ku Aku harap Aku tungang marik atin ngara pari ka Aku.

EZEKIEL 16:33

Dayung sundar dog bayar, pak kuu nggen pinganggen di sopŭrŭg ambai mu ka nyuap ngara bada mandŭg so barang yŭn da bŭŭs ngga adŭp mu.

EZEKIEL 16:45

Kuu sawŭ anak sindŭ mu. Sindŭ mu tiru di banŭh-i ngga di anak-i. Kuu mun jurud jurud dayung mu, adi tiru di banŭh banŭh ngara ngga di anak anak ngara. Sindŭ mu ngga jurud jurud dayung kupo mu inŭh daya Hitti; ka sama ngara inŭh daya Amor

DANIEL 9:11

Sopŭrŭg daya Israel miranggar ukum ukum-adat Mai ka abah dingah kayuh adi Kaam nang. Kieh bidosa rawan Kaam, ka Kaam meh mbŭh kudog kieh ngga pangu adi dog nuris darŭm Ukum-adat Moses, adi urun Mai.

ZEPHANIAH 1:6

Aku re pirabur daya adi tagan Aku ka adi dŭh tia tunda Aku, daya adi dŭh mandŭg ka Aku bait kah mite pinyiruton so Aku.”

PINYIKIANG 32:14

Ka madin angān mbŭh mun bara sama ngan, turap daya bidosa adi bauh adi re taban baji TUHAN ka daya Israel dinge.

MATTHEW 11:28

“Mandŭg ka Aku, sopŭrŭg ngan adi mbŭh jera da pinyirabis bat, ka Aku re pirupas angān so bat-i.

MATTHEW 23:33

Angān jippŭh ka bara anak jippŭh! Simuki meh angān re pirupas adŭp ngan so dog taran ka apui neraka?

MATTHEW 3:7

Kan John kiris bagŭ daya Pharisee ka daya Sadducee mandŭg ka yŭn-i an kambat baptisa, ayŭh nang di ngara, “Angān jippŭh, asi kidaan di angān nang angān bisa bu mangān ukum adi Tapa re pait?

ROME 8:7

Jadi daya jadi pinganyu Tapa kan ngara dog nguasa tibiat manusia; amai ngara dŭh sita ukum-adat Tapa, buang sibandar-i ngara dŭh tungang sita-i.

1 CORINTH 10:22

Ata raan bada Tuhan sina kah? Ata pikir adŭp ta bikuasa so Ayŭh kah?

DITRONOMI 29:25

Ka pinyinam-i re sakati, ‘Ayŭh raru baji sabab bara daya TUHAN tirawan simanya adi ngara muko ndai ngga Ayŭh adi Tapa tayung-babuk ngara, di tika Ayŭh taban ngara ruah so Egypt.

DITRONOMI 31:16

TUHAN nang di Moses, “Kuu dŭm dŭh tui re kabŭs, ka ripas pinyikabŭs mu bara daya re dŭh tia tŭtŭd di Aku ka miranggar simanya adi Aku muko ndai ngga ngara. Ngara re tagan Aku ka nyambah tapa tapa adi dog nyambah di tarun tana adi ngara re ngisi.

DITRONOMI 32:19

“Kan TUHAN kiris kayuh anŭ, Ayŭh raru baji ka tirawan bara anak dari ngga anak dayung-I.

DITRONOMI 32:5

Pak angān dŭh tŭtŭd, dŭh tibirang jadi daya-I, bangsa adi bidosa buang pinipu.

COLOSSAE 1:24

Madin aku gaŭn sabab jera-birasa ku yŭn ngan, sabab ngga jera-birasa pŭrŭng ku aku turung nyukup jera-birasa Kristus ngga ngarun pŭrŭng-I, eklisia.

PINANDŬNG 18:5

Amai dosa-i mbŭh bitugung ndŭg rangit, ka Tapa ingat kayuh arap adi-i ko ndai.

AKIM 10:10

Komŭnŭ daya Israel bagan ka mite turung so TUHAN, “Kieh mbŭh bidosa rawan Kaam, amai kieh mbŭh tingge Kaam, adi Tapa ami, ka nyambah tapa tapa Baal.”