HOSEA 8:4 - Hakcipta - Biatah Bidayuh

⁴ “Daya Ku mien raja, pak ngara mien raja sadi adŭp ngara. Ngara tijuan bara pinguru, pak dŭh so pinyibandar Ku. Ngara tambit pirak ngga mas ka ndai tibudo, adi jadi pinyirusag yŭn adŭp ngara.

HOSEA 8:4 ပူးပေါင်းရင်းမြစ်များ

1 RAJA 12:28

Ripas-i ko bipikir sakanŭ, ayŭh ndai duwŭh anak dari sapi so mas ka nang di bara daya-i, “Angān mbŭh raru tui ari di bisambah di Jerusalem. Daya Israel, ta digiti tapa tapa adi muko taban angān ngga ruah so Egypt!”

1 RAJA 13:34

Dosa-i anŭ pirabur taris asar pinyipritah-i.

1 RAJA 16:31

Adi bada ayŭh rabis bidosa so Raja Jeroboam inŭh ayŭh sawŭn Jezebel, adi anak dayung Raja Ethbaal di Sidon, ka nyambah Baal.

JEREMIAH 16:20

Dapŭd kah daya ndai tapa adŭp-i? Manŭn dŭh! Anŭ adi ngara ndai manŭn dŭh tapa adi sawŭ.”

EZEKIEL 18:31

Pasan sopŭrŭg arap adi angān mbŭh ndai, ka bada pikir ngga atin ngan jadi bauh. Mani angān daya Israel raan kabŭs?

DANIEL 3:1

Raja Nebuchadnezzar bada ndi patong dog ndai so mas, 27 mita bigatung-i ka sindŭk 3 mita buka-i, ka ayŭh bada-i dog pijog di rabak Dura di utung tarun tana rais Babylon.

HOSEA 13:1

Dawŭ-i, kan tibaran-asar Ephraim minyu, bara tibaran-asar adi bŭkŭn taru. Ngara raru stabi di Ephraim. Pak daya bidosa amai nyambah Baal, ka sabab anŭ ngara re kabŭs.

HOSEA 13:11

Ngga baji Aku mbŭh nggen di angān bara raja, ka ngga riyŭn Aku mbŭh tambit ngara ngga bu.

HOSEA 13:2

Ngara babŭ bidosa amai babŭ ndai gayŭn gayŭn so basi an ngara nyambah, mun tibudo so pirak, adi dog ndai ngga tangan manusia. Komŭnŭ ngara nang, “Jugan sadis ka ngara!” Simuki daya re sium tibudo anŭ, tibudo adi dog ndai tunda gayŭn sapi!

HOSEA 2:8

Ayŭh bŭn ngaku Aku adi nggen di ayŭh gandom, wain, inyo kanā, ka sopŭrŭg pirak ngga mas adi ayŭh pakai ngga nyambah Baal.

HOSEA 8:3

ngara mbŭh tirawan kayuh adi kana. Sabab anŭ pinganyu ngara re tadak ngara.

MATTHEW 25:12

‘Manŭn dŭh bisa! Aku dŭh puan angān,’ pingaten dari nam.”

LUKE 13:25

Tuan ramin re makat ka tŭŭp tiban; ka kan angān mijog di sapa ka gutog-i buang nang, ‘Kuka tiban yŭn ami, tuan!’ ayŭh re nam angān, ‘Aku dŭh puan so ki angān mandŭg!’

LUKE 13:27

Pak ayŭh re nang dinge, ‘Aku dŭh puan so ki angān mandŭg. Bu so aku, sopŭrŭg ngan daya adi ginaka!’

JOHN 10:14

Aku ati pingingat-biri adi kana. Nimun Sama puan Aku ka Aku puan Sama, simŭnŭ gŭh Aku puan jaku biri, ka biri Ku puan Aku. Ka Aku sanggup kabŭs yŭn ngara.

GALATIA 4:9

Pak madin angān mbŭh puan Tapa, puan kah, kana dŭ nang, Tapa mbŭh puan angān; simuki meh angān bisa an pari ka roh roh anŭ, adi ramah buang dŭh biguna? Mani angān an jadi urun ngara dinge?