HOSEA 8:1 - Hakcipta - Biatah Bidayuh

¹ TUHAN nang, “Mambak trompet ngga nguga bara daya! Pinganyu mbŭh aŭn nyerang tarun tana Ku mun beuh mūn nyambar nakap dangah-i! Daya Ku mbŭh miranggar simanya adi Aku mbŭh ndai ngga ngara, ka mbŭh rawan ajar Ku.

HOSEA 8:1 ပူးပေါင်းရင်းမြစ်များ

2 RAJA 18:27

Ayŭh nam, “Angān pikir raja-empaya pait aku bada minyu ngga angān ka ngga raja ngan adŭ kah? Dŭh, aku minyu ngga ngara adi guru di sambu sindung anŭ ani, adi re man tadang adŭp-i ka nok kasing adŭp-i, mun adŭp ngan gŭh re.”

ISAIAH 18:3

Dingah, barang naan adi rŭŭ di ong! Kajŭn binira tandā adi re dog pijog di tibung darŭd! Kajŭn jawŭn trompet dog mambak!

ISAIAH 24:5

Ong mbŭh sembar amai manusia miranggar ukum ukum-adat Tapa ka mbŭh miranggar simanya adi Ayŭh ngga manusia mbŭh ndai yŭn adu adu.

ISAIAH 58:1

TUHAN nang, “Nyirais bana situngang tungang ngan! Kidaan di daya Ku Israel pasar dosa ngara!

JEREMIAH 31:32

Anŭ re dŭh mun simanya amba adi Aku ndai ngga tayung-babuk ngara kan Aku taban ngara ngga tangan adŭp Ku ruah so Egypt. Sunggu Aku mbŭh keya ka banŭh di ngara, ngara dŭh sita simanya anŭ.

JEREMIAH 34:18

Bara pinurung di Judah ngga Jerusalem, samah ngga bara pinurung istana, bara imam, ngga sopŭrŭg bara pinguru, ndai simanya ngga Aku. Ngara siŭ dari sapi ka mire-i nyinuwŭh ka panu di asah duwŭh pire anŭ ngga natu simanya anŭ. Pak ngara miranggar simanya anŭ ka dŭh tunda pinganang pinganang-i. Jadi Aku re ndai di tunduh ngara kayuh adi ngara ndai di tunduh sapi anŭ.

JEREMIAH 4:13

Tingga, pinganyu mbŭh mandŭg mun abun. Krita krita kuda ngara mun sabak biriyung, ka kuda kuda ngara raju mun beuh. Arah ata! Mŭmbŭh inŭh ata!

JEREMIAH 4:5

Mambak trompet di ndi tarun tana! Nyirais ngga tarang! Bada daya Judah ngga daya Jerusalem bikaduh ka kupo kupo adi bikuta.

JEREMIAH 48:40

TUHAN mbŭh bijanji nang ndi bangsa re mūn nyambar Moab mun beuh ngga urad urad-i tiburai,

JEREMIAH 49:22

Pinganyu re nyerang Bozrah mun beuh mūn nyambar ngga urad-i tiburai. Di andu anŭ bara soldadu Edom re taru mun dayung adi aŭn re biranak.”

JEREMIAH 51:27

“Nggen tandā ngga nyerang! Mambak trompet isa bangsa bangsa dapŭd dingah! Sidia bangsa bangsa yŭn perang rawan Babylonia! Bada pritah Ararat, pritah Minni, ka pritah Ashkenaz nyerang. Tijuan ndi naan pingubak bada nguru serang. Taban kuda kuda bada mun dudu kadis.

JEREMIAH 6:1

Daya Benjamin, bikaduh nyiramat adŭp ngan! Bu so Jerusalem! Mambak trompet di Tekoa ka ndai apui ngga nggen tandā di Beth Haccherem. Pinyirabur ngga pinyirusag mbŭh re mandŭg so utara.

EZEKIEL 11:4

Ngapŭi meh, manusia, kidaan agah pasar ukum adi re nyatŭk ngara.”

EZEKIEL 16:59

TUHAN Raja nang, “Aku re ndai di tunduh mu nanyam patut kuu kinyam, sabab kuu nyipunok janji mu ka miranggar simanya adi Aku ndai ngga kuu.

EZEKIEL 17:3

ngga bada ngara puan kayuh adi Aku, TUHAN Raja, nang di ngara: agi ndi raja manuk beuh adi biyŭn buruh adi ramus ka urad adi ramba, tiburai bayah. Beuh anŭ mikabur ka Darŭd Lebanon ka mata tijuk tŭngŭn sedar,

EZEKIEL 7:14

Trompet jawŭn, ka barang naan mbŭh sidia. Pak mating daya matak di biperang, amai baji Tapa re nyatŭk barang naan daya

HOSEA 4:6

Daya Ku re rabur amai ngara dŭh ngaku Aku. Angān bara imam abah ngaku Aku ka mbŭh tirawan ajar Ku, ngapŭi Aku tirawan angān ka re dŭh ngaku bara anak ngan keya bara imam Ku.

HOSEA 5:8

Mambak trompet di Gibeah! Mambak ngga nguga daya di Ramah! Ngab di Bethaven! Matak biperang, angān daya Benjamin!

HOSEA 6:7

“Pak kan ngara mbŭh mŭrŭt tarun tana Adam, ngara miranggar simanya adi Aku mbŭh ndai ngga ngara.

HOSEA 9:15

TUHAN nang, “Sopŭrŭg pingandai arap ngara piguru di Gilgal. Diginŭ inŭh Aku piguru tiru di ngara. Ka sabab arap adi ngara mbŭh ndai, Aku re pibu ngara so tarun tana Ku. Aku re dŭh tia rindu ngara; sopŭrŭg pinguru ngara mbŭh rawan Aku.

JOEL 2:1

Mambak trompet; nguga bara daya di Zion, adi sandah kudus Tapa. Kimŭtŭr meh, bara daya Judah! Andu TUHAN mbŭh rikas re mandŭg.

JOEL 2:15

Mambak trompet di Sandah Zion; nggen ukum bada daya bipusa ka bagan daya bagŭ bada mandŭg tikuruk!

AMOS 3:6

Kan trompet tandā biperang dog mambak di kupo, dŭh kah daya re taru? Bisa kah pinyirusag nyatŭk kupo kambŭi TUHAN dŭh bada?

AMOS 8:3

Di andu anŭ ragu di istana re marui jadi puās. Di barang yŭn re agi tadang. Dudu tadang anŭ re dog taran ngga pajam.”

AMOS 9:1

Aku kiris TUHAN mijog sindŭk mija-sambah. Ayŭh nang: “Bana mukong tibung tiang tiang bās Ramin TUHAN ndŭg ka awah-i bigugoh. Bada pata tiang tiang anŭ ka bada-i tumbang nyatŭk ubak bara daya. Aku re siŭ bara adi bŭkŭn darŭm perang. Mating daya re tungang bikaduh bu nyiramat adŭp-i.

HABAKKUK 1:8

“Kuda kuda ngara bikaduh daras dŭ so cheetah, buang mangah dŭ so kasong tarun adi sibŭrŭk. Bara soldadu pinunggang kuda ngara mandŭg so rais rais adi jo. Kuda ngara bikaduh taban ngara nyurong mun beuh mūn nyambar dangah-i.

ZEPHANIAH 1:16

andu adi puno ngga jawŭn trompet perang ka ngāb bara soldadu nyerang kuta kuta kupo ka tawā tawā adi bigatung.

ZECHARIAH 11:1

Kuka tiban tiban mu, Lebanon, isa apui bisa badang bada rŭpŭg tŭngŭn tŭngŭn sedar mu!

ZECHARIAH 9:14

TUHAN re pinandŭng adŭp-I di daya-I; Ayŭh re nimbak reja panah-I keya ka kijat. TUHAN Raja re mambak trompet; Ayŭh masang darŭm sabak ribut so siratan.

MATTHEW 24:28

“Di barang yŭn agi tadang, diginŭ manuk volcha agi mupuh.

DITRONOMI 28:49

TUHAN re taban ndi bangsa so bŭngŭn ong da rawan angān, bangsa adi dŭh angān puan piminyu-i. Ngara re nyambar angān mun beuh nyambar nakap dangah-i.