HOSEA 7:2 - Hakcipta - Biatah Bidayuh

² Bŭn ngara rada Aku re ingat sopŭrŭg pingandai arap anŭ; pak dosa ngara mbŭh marut ngara ndŭg ka Aku mbŭh kiris-i.”

HOSEA 7:2 ပူးပေါင်းရင်းမြစ်များ

JOB 34:21

Ayŭh kiris barang sakong ta.

MAZMUR 10:11

Adi ginaka nang di adŭp ngara, “Tapa dŭh piduri! Ayŭh mbŭh tŭŭp batŭh-I ka dŭh kiris ata!”

MAZMUR 25:7

Apun dosa ngga sarah ku andu gi-mara. Darŭm pinyirindu Mai adi dŭh bisa birubah ngga pinyikana, ingat aku, O TUHAN!

MAZMUR 50:22

“Dingah ati, angān adi nyipunok Aku, kambŭi dŭh Aku pirabur angān, ka mating daya re nyiramat angān.

MAZMUR 9:16

TUHAN mbŭh pinandŭng adŭp-I ngga ukum adat-I adi tŭnggŭn, ka daya ginaka dog nyijarat pingandai adŭp ngara.

MAZMUR 90:8

Kaam na dosa ami di sirung jawin Mai, dosa adi kieh sukan mbŭh Kaam kiris.

ISAIAH 1:3

Sapi puan asi dapu ngara, ka kaldi puan diki tuan ngara paan ngara, pak daya Ku Israel dŭh puan. Ngara manŭn dŭh mirati!”

ISAIAH 26:16

Kaam ngukum daya Mai, TUHAN, ka darŭm susah ngara bidua ka Kaam.

ISAIAH 44:19

Daya adi ndai tibudo dŭh adŭ biyŭn atin ka pikir ngga nang, “Kada kayuh anŭ aku mbŭh badang. Aku ndai ruti ka manggang dagin ka man-i. Tadŭh apŭg kayuh anŭ aku pakai ngga ndai tibudo. Tingga meh aku nyambah apŭg kayuh!”

ISAIAH 5:12

Di gawai ngan angān biyŭn kachapi, tamburin ngga tirari, ka simŭnŭ gŭh wain. Pak angān dŭh mirati pingandai TUHAN,

JEREMIAH 14:10

TUHAN minyu pasar bara daya anŭ, “Ngara suka bu so Aku, ka ngara dŭh re an nakit jaga urah-i. Ngapŭi Aku dŭh munos asŭng di ngara. Aku re ingat pingandai sarah ngara ka ngukum ngara sabab dosa ngara.”

JEREMIAH 16:17

Aku kiris sopŭrŭg kayuh adi ngara ndai. Mating kayuh dŭh Aku kiris; dosa ngara dŭh dapŭd dog sukan so batŭh Ku.

JEREMIAH 17:1

TUHAN nang, “Daya Judah, dosa ngan mbŭh dog nuris ngga pen basi. Dosa ngan dog mŭŭt di atin ngan ngga pen itan ka dog mŭŭt di sikuh sikuh mija-sambah.

JEREMIAH 2:19

Arap adŭp mu re ngukum kuu, ka urah mu adi tagan Aku re nunggu kuu. Kuu re puan munki masam sipŭ buang arap-i kuu tagan Aku, adi TUHAN Tapa mu, buang kuu mbŭh dŭh tia tŭtŭd di Aku. Aku, adi TUHAN Raja adi Bisa-pŭrŭg, mbŭh minyu.”

JEREMIAH 32:19

Kaam ndai atur adi bijak ka ndai kayuh kayuh adi bās; Kaam kiris sopŭrŭg pingandai daya, ka Kaam ngupah ngara nanyam ka pingandai ngara.

JEREMIAH 4:18

Judah, kuu mbŭh bada kayuh anŭ nyatŭk adŭp mu so pimudip mu ngga kayuh adi kuu mbŭh ndai. Dosa adŭp mu mbŭh taban sangsara anŭ, ka-i mbŭh tabŭk atin mu.

JEREMIAH 44:21

“Mun sadis sadis adi angān ngga tayung-babuk ngan, raja raja ngan ngga bara pinguru ngan, ka daya tarun tana rais ngan, jugan di kupo kupo di Judah ka di aran aran Jerusalem, angān pikir TUHAN dŭh puan ka mbŭh kambŭt kah?

EZEKIEL 21:29

Kayuh adi angān kiris keya ka darŭm pŭmŭh inŭh kayuh adi dŭh sawŭ. Angān ginaka buang arap, ka andu ngan mbŭh sindŭk, andu sikasŭn ukum ngan. Pedang anŭ re japa tungo ngan.

HOSEA 12:2

TUHAN biyŭn kayuh an-I pakai ngga nyarah daya Judah; Ayŭh gŭh re ngukum Israel amai urah-rakah ngara. Ayŭh re maras ngara yŭn kayuh adi ngara mbŭh ndai.

HOSEA 4:9

Angān re sua kinyam ukum adi Aku re nggen di daya Ku! Aku re ngukum angān yŭn arap adi mbŭh ngan ndai.

HOSEA 6:2

Darŭm duwŭh puan kah taruh andu Ayŭh re pibua ata, ka ata re udip di sirung jawin-I.

HOSEA 8:13

Ngara jugan sadis ka Aku ka man dagin so sadis anŭ. Pak Aku, adi TUHAN, dŭh munos asŭng di ngara, ka madin Aku re ingat dosa ngara ka ngukum ngara amai dosa ngara; Aku re pait ngara pari ka Egypt!

HOSEA 9:15

TUHAN nang, “Sopŭrŭg pingandai arap ngara piguru di Gilgal. Diginŭ inŭh Aku piguru tiru di ngara. Ka sabab arap adi ngara mbŭh ndai, Aku re pibu ngara so tarun tana Ku. Aku re dŭh tia rindu ngara; sopŭrŭg pinguru ngara mbŭh rawan Aku.

HOSEA 9:9

Ngara mbŭh raru arap darŭm pingandai ngara, mun adŭp ngara dawŭ-i di Gibeah. Tapa re ingat dosa ngara ka sabab anŭ re ngukum ngara.

AMOS 8:7

TUHAN, adi Tapa Israel, mbŭh bipayu, “Aku dŭh re kambŭt pingandai arap ngara.

JONAH 1:2

Ayŭh nang, “Panu di ka Nineveh, kupo bās anŭ, ka nang di bara daya-i; Aku puan munki masam arap-i ngara anŭ.”

PINYIKIANG 32:23

Pak kambŭi angān dŭh ndai simŭnŭ, ingat meh angān mbŭh bidosa rawan TUHAN. Ingat gŭh, angān re dog ukum amai dosa ngan anŭ.

LUKE 12:2

Tadŭ tadŭ kayuh adi dog nutu re dog kiren, ka sopŭrŭg rusia re dog puan.

1 CORINTH 4:5

Ngapŭi angān dŭh patut nang daya sarah bait dŭh sarah diŭ so tipuh-i. Itong dŭh siŭn patŭd sibayuh Tuhan mandŭg; Ayŭh re bada tatŭng sopŭrŭg rusia adi dog sukan darŭm karŭm samŭn pinŭtŭn atin manusia adi bisukan. Ka komŭnŭ barang naan daya re trima puji-i so Tapa nanyam patut.

DITRONOMI 32:29

Ngara dŭh tungang rada ani sabab ngara dog ngarah; ngara dŭh tungang mirati ani mbŭh jadi.

HEBREW 4:13

Mating kayuh bisa dog sukan so Tapa; barang masam kayuh adi mbŭh dog napa taŭn-i tatŭng di batŭh-I. Ka ata dŭh siŭn dŭh an dapu tanggong pimudip adŭp ta di sirung jawin-I.