HOSEA 5:6 - Hakcipta - Biatah Bidayuh

⁶ Ngara tambit biri ngga sapi an ngara jugan ka TUHAN, pak pingandai anŭ dŭh biguna. Ngara dŭh tungang dapŭd Ayŭh, amai Ayŭh mbŭh tingge ngara.

HOSEA 5:6 ပူးပေါင်းရင်းမြစ်များ

PINYIRUAH 10:9

Moses nang, “Sopŭrŭg kieh re di, samŭn bara anak ka bara nyamba ami. Kieh re taban bara anak dari ngga anak dayung ami, bara biri ngga kambing ami ka bara sapi ami, sabab kieh dŭh siŭn dŭh kuka gawai ngga kibās TUHAN.”

PITAS 1:28

Nganŭ angān re bagan pinyibijak, pak aku re dŭh nam. Angān re jiroh aku di barang yŭn, pak angān dŭh re dapŭd aku.

PITAS 15:8

TUHAN munos asŭng kan daya adi kana bidua, pak tiru di sadis adi daya ginaka taban ka Ayŭh.

PITAS 21:27

TUHAN tiru di sadis adi daya ginaka jugan, rabis-i kambŭi ngara jugan-i ngga pinŭtŭn adi sarah.

RAGU 5:6

Aku kuka tiban yŭn dari adi aku awang, pak ayŭh mbŭh bu. Aku raru raan dingah sirŭŭn-i! Aku jiroh ayŭh, pak dŭh tungang dapŭd ayŭh; aku bagan ayŭh, pak mating nam.

ISAIAH 66:3

“Daya ndai urah ngga suka asŭng ngara. Sopŭrŭg-i brimun di ngara, bait-i ngara siŭ dari sapi ndu sadis puan kah nyadis manusia; bait-i ngara nyadis anak biri puan kah mata tungo kasong; bait-i ngara jugan sadis ruwang kayuh puan kah deya ayo; bait-i ngara jugan kimanyan puan kah nyambah tibudo. Ngara suka bisambah ngga gaya adi sipŭ mun anŭ.

JEREMIAH 11:11

Jadi madin, Aku, adi TUHAN, bakan ngara nang Aku re bada pinyirusag nyatŭk ngara, ka ngara dŭh re dapŭd pirupas adŭp ngara. Ka kan ngara bagan mite turung so Aku, Aku dŭh re dingah ngara.

JEREMIAH 11:14

Jeremiah, dŭhnyah bidua ka Aku bait mite turung so Aku ngga ngarun ngara. Kan ngara darŭm pinyusah ka bagan mite turung so Aku, Aku dŭh re dingah ngara.”

JEREMIAH 14:12

Sunggu kambŭi ngara bipusa, Aku dŭh re dingah sirŭŭn ngara mite turung; ka kambŭi ngara jugan sadis badang ngga sadis ruwang kayuh ka Aku, Aku dŭh re munos asŭng di ngara.”

JEREMIAH 7:4

Dŭh tia sabah pinganang kadong adi nang, ‘Ata siramat! Ati inŭh Ramin TUHAN, ati inŭh Ramin TUHAN, ati inŭh Ramin TUHAN!’

PUĀS 3:44

Bisā baji Mai keya ka abun adi raru tabar, ndŭg ka dŭh dapŭd dog tambus dosa.

EZEKIEL 8:18

Ngara re kinyam bisā baji Ku. Aku dŭh re tandah bait masi di ngara. Ngara re nyirais ngga situngang ngara nang dua ka Aku, pak Aku dŭh re dingah ngara.”

EZEKIEL 8:6

Tapa nang di aku, “Manusia, kiris mu kah kayuh adi mbŭh jadi? Tingga pingandai sipŭ adi daya Israel ndai digiti, ngga bada Aku makin jo so tarun yŭn kudus Ku. Kuu re kiris rabis bagŭ kayuh adi arap so ati.”

HOSEA 8:13

Ngara jugan sadis ka Aku ka man dagin so sadis anŭ. Pak Aku, adi TUHAN, dŭh munos asŭng di ngara, ka madin Aku re ingat dosa ngara ka ngukum ngara amai dosa ngara; Aku re pait ngara pari ka Egypt!

AMOS 8:12

Daya re bigandon so Rawŭt Pide ndŭg Rawŭt Mediterranean ka komŭnŭ so utara ndŭg timor. Ngara re jiroh di barang yŭn agah so TUHAN, pak ngara dŭh re dapŭd-i.

MICAH 3:4

Tika-i re mandŭg kan angān re sien bagan TUHAN, pak Ayŭh dŭh re nam angān. Ayŭh dŭh re dingah dua ngan, amai angān mbŭh ndai arap.

MALACHI 1:10

TUHAN Bisa-pŭrŭg nang, “Kana dŭ inŭh ndi naan so angān tŭŭp adŭ tiban Ramin Ku isa angān dŭh ndai apui adi dŭh biguna di tunduh mija-sambah Ku. Aku dŭh munos asŭng di angān; Aku dŭh re trima sadis sadis adi angān taban ka Aku.

LUKE 5:16

Pak Jesus bu ka tarun adi pajam, ka simayang.

JOHN 7:34

Angān re jiroh Aku, pak angān dŭh re dapŭd Aku, sabab angān dŭh re tungang di ka tarun yŭn adi re Ku ka.”