HOSEA 4:8 - Hakcipta - Biatah Bidayuh

⁸ Angān bitambah kaya so dosa daya Ku, ka angān raan ngara ari bidosa.

HOSEA 4:8 ပူးပေါင်းရင်းမြစ်များ

2 RAJA 12:16

Duit adi dog nggen yŭn sadis bayar gati rugi ngga yŭn sadis taran dosa dŭh dog na darŭm pati anŭ. Duit anŭ dog dapu bara imam.

MAZMUR 24:4

Ngara adi bisig darŭm pingandai ngga pikir-kira, adi dŭh nyambah tibudo bait adi dŭh ndai janji kadong.

MAZMUR 25:1

Aku jugan dua ku ka Kaam, O TUHAN; di Kaam, Tapa ku, aku sabah.

ISAIAH 56:11

Ngara pirusong mun kasong adi bŭn bisa bisoh. Bara pinguru anŭ dŭh biyŭn pinyimirati. Barang naan ngara ndai kayuh nanyam pinyiraan adŭp-i ka jiroh utung yŭn adŭp-i adŭ.

EZEKIEL 14:3

“Manusia,” Ayŭh nang, “ngara ati mbŭh na atin ngara di tibudo ka anŭ bada ngara tanŭ ka bidosa. Ngara pikir Aku re nggen pinyinam di ngara kah?

EZEKIEL 14:7

“Kan tadŭ daya Israel bait ndi naan so bara daya tami adi rŭŭ bigaur ngga daya Israel bu so Aku ka nyambah tibudo, ka ripas anŭ di bisiken ngga nabi, Aku adi TUHAN, re nggen pinyinam di daya anŭ!

HOSEA 10:13

Pak gŭt angān purun arap ka ngatŭm buwa-i. Angān mbŭh man buwa so pinganang kadong ngan. “Sabab angān sabah di krita kuda ngan ka di kiang bara soldadu ngan,

HOSEA 12:8

‘Kieh kaya madin,’ ngara nang. ‘Kieh biyŭn bagŭ rata. Ka mating daya bisa nang kieh jadi kaya so ka pingandai tipu.’

HOSEA 14:1

Pari ka TUHAN adi Tapa ngan, daya Israel. Dosa ngan mbŭh bada angān sikak ka rabu.

LEVITICUS 6:22

Sadis anŭ siŭn dog jugan barang naan so sesang Aaron adi jadi Imam Bās. Sadis anŭ siŭn mŭrŭng dog badang ndu sadis ka TUHAN.

LEVITICUS 6:26

Imam adi nyadis dāng anŭ siŭn man-i di tarun yŭn adi kudus, di badag Bari TUHAN.

MICAH 3:11

Bara pimritah kupo mritah ngga dapŭd suap, bara imam nggen rati Ukum-adat ngga dapŭd upah, bara nabi kidaan pinandŭng ngga dapŭd duit; ka sopŭrŭg ngara samah nang TUHAN agi ngga ngara. “Ata dŭh re dog nyatŭk pinyirusag,” ngara nang. “TUHAN agi ngga ata.”

MALACHI 1:10

TUHAN Bisa-pŭrŭg nang, “Kana dŭ inŭh ndi naan so angān tŭŭp adŭ tiban Ramin Ku isa angān dŭh ndai apui adi dŭh biguna di tunduh mija-sambah Ku. Aku dŭh munos asŭng di angān; Aku dŭh re trima sadis sadis adi angān taban ka Aku.

ROME 16:18

Amai ngara adi ndai kayuh adi mun anŭ dŭh-i bituan di Kristus Tuhan ta, pak ndai kana yŭn adŭp-i. Ngga bang bang piminyu adi mandis ka ngga pinganang adi nganju katuh daya ngara nipu daya adi dŭh puan ani ani.

TITUS 1:11

Patut inŭh baba ngara dog mapot, sabab ngara mbŭh nyusah bagŭ rawang ngga kayuh adi dŭh ngara patut ngajar. Pingandai ngara anŭ batur-i ngga pinŭtŭn an jiroh duit, pingandai adi nggen mangŭh.

2 PETER 2:3

Ngga atin tama, bara gurū kadong ati jiroh bagŭ utung so dundan adi ngara nimbur da angān dingah. Mbŭh tui ukum mbŭh dog sidia yŭn ngara, ka pinyirusag adi dog natu yŭn ngara mbŭh kajŭn ngara!

1 SAMUEL 2:29

Ngga mani meh angān ripong kiris sadis ngga pinganggen adi daya Ku jugan ka Aku? Mani, Eli, kuu stabi dŭ di anak anak mu so kuu stabi di Aku darŭm kuu tandah ngara pigamu adŭp-i ngga tatad tatad adi siabo kana so sopŭrŭg sadis adi daya Ku jugan ka Aku?”