HOSEA 4:1 - Hakcipta - Biatah Bidayuh

¹ TUHAN nyarah daya adi rŭŭ di tarun tana ati. Dingah Israel, kayuh adi-I nang, “Mating pinyitŭtŭd bait kah pinyirindu di tarun tana ati, ka daya dŭh ngaku Aku ati Tapa.

HOSEA 4:1 ပူးပေါင်းရင်းမြစ်များ

1 RAJA 22:19

Micaiah pijuu nang: “Madin dingah kayuh adi TUHAN nang! Aku kiris TUHAN guru di takta-I di shorga, ngga sopŭrŭg malaikat-I mijog sindŭk Ayŭh.

MAZMUR 81:9

Angān dŭh siŭn nyambah tapa adi bŭkŭn.

ISAIAH 1:10

Jerusalem, pimritah mu ngga daya mu inŭh keya ka Sodom ngga Gomorrah. Dingah kayuh adi TUHAN nang di kuu. Nakit dingah kayuh adi Tapa ta ngajar di kuu.

ISAIAH 1:18

TUHAN nang, “Ja, ngatur har ati. Angān mbŭh bitameg bireh bada dosa, pak Aku re ngu angān bada bisig mun salju. Sunggu kais ngan takod bireh, angān re buda mun buruh biri.

ISAIAH 28:14

Madin angān adi gambung adi mritah daya di Jerusalem, dingah kayuh adi TUHAN nang.

ISAIAH 34:1

Mandŭg, daya so sopŭrŭg bangsa! Tikuruk meh ka dingah. Isa ndi ong ong ka barang naan daya adi udip dieh mandŭg kamati ka dingah.

ISAIAH 34:8

Anŭ inŭh tika adi ngga TUHAN re nyiramat Zion ka maras dendam di bara pinganyu-i.

ISAIAH 5:3

Jadi madin jerā ku nang, “Angān daya adi rŭŭ di Jerusalem ngga Judah, tingga arap kana ku ka arap kana teya anggor ku.

ISAIAH 59:4

Angān di ka yŭn bisara, pak angān dŭh pimanu pinyitŭnggŭn. Angān kadong yŭn manang bisara. Angān bisatur yŭn an kandam daya bŭkŭn.

ISAIAH 59:8

ka mating daya siramat di yŭn angān agi. Sopŭrŭg pingandai ngan dŭh patut. Angān panu kadŭg aran adi bidikok, ka mating daya adi panu kadŭg aran anŭ re siramat.

ISAIAH 66:5

Dingah kayuh adi TUHAN nang, angān adi taru Ayŭh ka adi dingah pinganang-I: “Sabab angān tŭtŭd di Aku, agi so daya adŭp ngan re tiru di angān ka re tirawan angān. Ngara nyirimbe angān ka nang, ‘Bada TUHAN kiren di angān bās-I ka nyiramat angān, isa kieh bisa kiris angān pawŭn.’ Pak adŭp ngara inŭh adi re dog pimangŭh!

JEREMIAH 11:7

Di andu Aku taban tayung-babuk ngara ngga ruah so Egypt, Aku mbŭh pari pari bakan ngara bada nundok di Aku. Ndŭg andu ati Aku babŭ bakan daya Ku di kayuh anŭ.

JEREMIAH 19:3

TUHAN bada aku nang, “Raja raja Judah ngga daya Jerusalem, dingah kayuh adi Aku, TUHAN Bisa-pŭrŭg, adi Tapa Israel, nang. Aku re taban pinyirusag ka tarun ati isa barang naan adi dingah re gŭgŭh.

JEREMIAH 2:4

Dingah pinganang TUHAN, angān bara sesang Jacob, angān adi tibaran-asar Israel.

JEREMIAH 2:9

“Ngapŭi Aku re taban angān ngga bisara ka nyarah angān. Aku re nyarah gŭh bara sesang ngan.

JEREMIAH 25:31

Bana jawŭn sirŭŭn-I re dog dingah ndŭg bŭngŭn bŭngŭn ong. TUHAN mbŭh nyarah bangsa bangsa. Ayŭh re taban bangsa bangsa ngga bisara ka daya ginaka re dog nggen ukum kabŭs. TUHAN mbŭh minyu.’ ”

JEREMIAH 34:4

Zedekiah, dingah kayuh adi Aku nang pasar kuu. Kuu dŭh re dog siŭ darŭm bisaad.

JEREMIAH 4:22

TUHAN nang, “Daya Ku inŭh budo; ngara dŭh puan Aku. Ngara mbŭh keya ka bara anak-sŭ adi budo; ngara dŭh biyŭn atin mirati. Ngara sukup pandai ndai kayuh adi arap, pak dŭh pandai ndai kayuh adi kana.”

JEREMIAH 4:28

Ong re ngurid; rangit re karŭm. TUHAN mbŭh minyu ka re dŭh nukar pikir-I. Ayŭh mbŭh matŭd pikir-I ka re dŭh pari.

JEREMIAH 5:4

Komŭnŭ aku pikir, “Ngara ati daya adi budo bawa. Ngara budo darŭm urah ngara; ngara dŭh puan ani anŭ adi Tapa ngara raan, kayuh adi TUHAN raan ngara ndai.

JEREMIAH 51:5

Aku, adi TUHAN Tapa Bisa-pŭrŭg, bŭn tagan Israel ngga Judah, sunggu ngara mbŭh bidosa rawan Aku, adi Tapa Kudus Israel.

JEREMIAH 6:13

Barang naan daya, bās ngga sŭ, suba dapŭd duit ngga aran adi dŭh batur; nabi ngga imam gŭh nipu daya.

JEREMIAH 7:28

Kuu re kidaan di ngara nang bangsa ngara abah dingah pinganang Ku, adi TUHAN Tapa ngara, bait birajar so ukum adi mbŭh nyatŭk ngara. Pinyitŭtŭd ngara di Aku mbŭh miyap. Mbŭh mating tia dog nyabŭt.

JEREMIAH 9:20

Aku nang, “Dingah pinganang TUHAN, angān adi bara dayung, ka mbit bat di pinganang-I. Ngajar bara anak dayung ngan munki muās, ka bara dingan ngan munki nang ragu nyikubur.

JEREMIAH 9:3

Ngara ari sidia an kadong; di ndi tarun tana rais, anŭ adi sawŭ dŭh bikuasa, pak atin bidikok mbŭh mritah. TUHAN nang, “Daya Ku dŭh ko ko ndai arap, ka dŭh ngaku Aku Tapa ngara.”

JEREMIAH 9:7

Sabab anŭ TUHAN Bisa-pŭrŭg nang, “Aku re pibisig daya Ku mun tukang basi pibisig basi, siŭn ngara jadi bisig. Daya Ku mbŭh ndai arap, re simuki dinge Aku ngga ngara?

EZEKIEL 16:35

Ngapŭi meh, Jerusalem, kuu sundar! Dingah kayuh adi TUHAN nang.

HOSEA 12:2

TUHAN biyŭn kayuh an-I pakai ngga nyarah daya Judah; Ayŭh gŭh re ngukum Israel amai urah-rakah ngara. Ayŭh re maras ngara yŭn kayuh adi ngara mbŭh ndai.

HOSEA 12:3

Jacob adi tayung-babuk ngara muko birawan ngga jurud-i Esau kan ngara gibabŭ darŭm ite sindŭ ngara. Kan Jacob mbŭh baga, ayŭh rawan Tapa.

HOSEA 5:1

“Dingah ati, angān bara imam! Nakit dingah, daya Israel! Dingah, angān adi so rawang raja! Sipatut-i angān nyarah daya ngga pinyitŭnggŭn; ngapŭi meh ukum re nyatŭk angān! Angān mbŭh jadi jarat di Mizpah, jaring adi dog tŭŭn di Darŭd Tabor,

HOSEA 5:4

Pingandai arap ngara mbŭh matŭn ngara pari ka Tapa ngara. Ngara mbŭh dŭh tungang ko nyambah tibudo, ka ngara dŭh ngaku TUHAN.

JOEL 1:2

Nakit dingah, angān adi mbŭh minyamba; sopŭrŭg adi di Judah, dingah. Agi kah kayuh adi mun ati jadi dawŭ-i di jaman adŭp ngan bait di jaman tayung-babuk ngan?

AMOS 3:1

Daya Israel, dingah pinganang ati adi TUHAN mbŭh piruah pasar angān, ndi bangsa adi-I mbŭh taban ruah so Egypt:

AMOS 7:16

Jadi madin dingah kayuh adi TUHAN nang. Kuu bada aku dŭh tia minyu-binabi, dŭh tia minyu rawan daya Israel.

MICAH 6:2

Angān darŭd, angān pinagap-rasan ong adi tan adu adu, dingah kayuh adi TUHAN nang! TUHAN biyŭn kayuh an-I nang pasar daya-I. Ayŭh re nang kayuh adi ngga-I nyarah Israel.

JOHN 8:55

Angān dŭh puan Ayŭh, pak Aku puan Ayŭh. Kambŭi Aku nang adŭp Ku dŭh puan Ayŭh, Aku pingadong mun angān. Aku sawŭ puan Ayŭh, ka Aku dingah pinganang-I.

ROME 1:28

Sabab ngara abah ngaku Tapa, Tapa mbŭh tandah ngara ka darŭm pikir adi arap, isa ngara ndai kayuh adi ngara dŭh patut ndai.

1 CORINTH 15:34

Nakit bipikir ka dŭh tia bidosa. Angān patut mangŭh ngarun kada so angān dŭh puan Tapa.

PINANDŬNG 2:11

“Ayŭh adi biyŭn kajit, dingah meh garang kayuh adi Roh Kudus nang di barang eklisia! “Ngara adi mbŭh manang dŭh re kinaman da pinyikabŭs adi numbor duwŭh.

PINANDŬNG 2:29

“Ayŭh adi biyŭn kajit, dingah meh garang kayuh adi Roh Kudus nang di barang eklisia!