HOSEA 3:4 - Hakcipta - Biatah Bidayuh

⁴ Ka simŭnŭ inŭh daya Israel re tui dŭh biyŭn raja puan kah pinguru, dŭh jugan sadis, dŭh biyŭn uros uros pirapu', ka dŭh biyŭn gayŭn re-i ngga nanung.

HOSEA 3:4 ပူးပေါင်းရင်းမြစ်များ

TIBIRIK 31:19

Tagan Laban di gumbak buruh biri biri-i, Rachel naku dudu tibudo rawang adi Sama-i dapu.

TIBIRIK 31:34

Rachel ko tambit tibudo rawang anŭ ka na-i darŭm kandi tapas-pinyiguru pinunggang onta, ka guru di tunduh-i. Laban jiroh darŭm sopŭrŭg bari, pak dŭh tungang dapŭd tibudo rawang-i.

TIBIRIK 49:10

Judah re digŭng sikud-pinyipritah raja, ka bara sesang-i re ari mritah. Bara bangsa re jugan ka ayŭh takŭd buang mutu ubak ngara amai nundok di ayŭh.

2 SAMUEL 6:14

David, nēn batur-i banang linen adŭ di kupong-i, birajang ngga situngang tungang-i ngga kibās TUHAN.

2 RAJA 23:24

Ngga bada pagŭng ukum ukum-adat adi dog nuris darŭm surat adi Imam Bās mbŭh dapŭd di Ramin TUHAN, Raja Josiah kadi so Jerusalem ngga so kada tarun yŭn di Judah sopŭrŭg daya adi pandai minyu ngga simangi daya adi mbŭh kabŭs ka ngara adi pandai kidaan nasip, ka sopŭrŭg tapa rawang, tibudo tibudo, ngga sopŭrŭg kayuh pakai bisambah adat karŭm.

2 KRONIKEL 15:2

ka ayŭh di bidapŭd ngga Raja Asa. Ayŭh nang, “Dingah aku, Raja Asa, ngga sopŭrŭg daya Judah ngga Benjamin! TUHAN agi ngga angān atas angān agi ngga Ayŭh. Kambŭi angān jiroh Ayŭh, Ayŭh re bada angān dapŭd adŭp-I, pak kambŭi angān tagan Ayŭh, Ayŭh re tagan angān.

PINYIRUAH 28:4

Kidaan di ngara da ndai tutu-sudo, efod, jipo-ambu, jipo adi biyŭn butik bunga jiit, bubok, ka bŭŭng kupong. Ngara an ndai piraka piraka imam anŭ yŭn jurud mu Aaron ngga bara anak dari-i, isa ngara bisa jadi imam yŭn Ku.

PINYIRUAH 28:6

“Ngara an ndai efod anŭ so banang buruh biri adi biru, bēng, ka bireh, tiburi mas, ka banang linen adi duduh, adi dog ngabuh ngga butik bunga jiit.

PUĀS 2:9

Tiban tiban rubuh, parang parang-i mbŭh asur. Madin raja ngga bara daya adi bās mbŭh dog taran ka rais tami. Ukum-adat mbŭh dŭh tia dog ngajar, ka bara nabi mbŭh dŭh tia kiris keya ka darŭm pŭmŭh kayuh so TUHAN.

EZEKIEL 19:14

Betang tŭngŭn anggor anŭ dog man apui; daan ngga buwa-i sau. Daan-i re dŭh tia bake, re dŭh tia jadi sikud-pinyipritah raja. Ati inŭh ragu pinyusah adi pari pari dog nang.

EZEKIEL 20:32

Angān mbŭh natu adŭp ngan an jadi mun bangsa bangsa bŭkŭn, mun daya di rais rais bŭkŭn ka adi nyambah tŭngŭn kayuh ngga batuh. Pak-i dŭh re jadi simŭnŭ.

EZEKIEL 21:21

Raja Babylonia mijog sindŭk tiang papan-piniju di sakap aran. An puan aki ndi re-i kadŭg, ayŭh kusok reja reja-panah; ayŭh bisiken ngga tibudo-i; ayŭh piruh atin tipareng dāng adi muko dog nyadis.

EZEKIEL 21:31

Angān re kinyam baji Ku kan Aku piruah-i di angān mun apui adi bijireb. Ka Aku re nggen angān di daya adi gaok, daya adi sukup pandai pirabur.

DANIEL 11:31

Kada so bara soldadu-i re nyembar Ramin TUHAN. Ngara re pirŭŭ sadis barang andu ka pijog Pinyembar adi Raru Sipŭ diginŭ

DANIEL 12:11

“So andu sadis barang andu dog pirŭŭ, anŭ inŭh, so andu Pinyembar adi Raru Sipŭ anŭ, 1,290 andu re ripuan.

DANIEL 9:27

Pimritah anŭ re biyŭn pekat-janji adi takung ngga bara daya sitŭkŭd ju sawa, ka kan sitangah tipuh anŭ mbŭh ripuan, ayŭh re pirŭŭ sadis ngga pinganggen. Pinyembar adi Raru Sipŭ re dog na di yŭn adi siabo bigatung di Ramin TUHAN ka re babŭ diginŭ ndŭg ka sianŭ adi na-i diginŭ mbŭh dapŭd pimungan adi Tapa mbŭh sidia yŭn-i.”

HOSEA 13:10

Angān mite raja ka mite pinguru, pak simuki ngara re nyiramat bangsa ati?

HOSEA 13:11

Ngga baji Aku mbŭh nggen di angān bara raja, ka ngga riyŭn Aku mbŭh tambit ngara ngga bu.

HOSEA 2:11

Aku re pirŭŭ sopŭrŭg gawai-i, gawai sawa ngga gawai buran ka gawai Sabbath, ka sopŭrŭg udung adat-i.

LEVITICUS 8:7

Ayŭh kasŭk jipo ngga jipo-ambu di Aaron, ka na bŭŭng kupong di kupong-i. Ayŭh kasŭk gŭh efod di Aaron ka ngabŭt kupong-i ngga song-i.

ZECHARIAH 10:2

Daya bisiken ngga tibudo samŭn daya adi pandai kidaan nasip, pak pinyinam adi ngara dapŭd inŭh pinganang kadong ka au-tarun. Agi adi tukang kidaan rati pŭmŭh, pak kaŭs ngara kinanyap angān. Pinganang saduh adi ngara nggen dŭh biguna. Ngapŭi daya bigandon mun biri adi manyap. Ngara susah amai dŭh biyŭn pinguru.

ZECHARIAH 13:2

Di tika anŭ Aku re kadi dŭn dŭn tibudo so rais ati, ka mating daya re ingat-i tia. Aku re kinating daya adi nang adŭp-i nabi ka re kinating pinyiraan daya nyambah tibudo.

LUKE 21:24

Kada re dog siŭ ngga pedang, ka adi bŭkŭn re dog taban bu jadi daya-takap ka rais daya bŭkŭn. Ka daya adi dŭh bangsa Jahudi re digang Jerusalem ndŭg ka tipuh ngara mbŭh ripuan.

JOHN 19:15

Ngara nam ngga sirŭŭn bana, “Siŭ Ayŭh! Siŭ Ayŭh! Masak Ayŭh di rigang!” Pilate siken ngara, “An kah angān bada aku masak raja ngan di rigang?” Bara pingubak imam nam, “Raja adi kieh biyŭn kaŭs-i Caesar!”

HEBREW 10:26

Amai re mating tia sadis adi ngga taran dosa ta kambŭi ata saji adu adu ndai dosa ripas ajar adi sawŭ pasar Agah Kana muko dog ngajar di ata.

AKIM 17:5

Micah anŭ biyŭn tarun yŭn adŭp-i bisambah. Ayŭh ndai kudu kudu tidudo samŭn efod, ka tijuan ndi naan so bara anak dari-i bada jadi imam.

AKIM 18:14

Komŭnŭ ngara adi rimŭh naan anŭ adi muko nyiong rais adi maning Laish nang di dingan-i, “Puan ngan kah darŭm ndi so dudu ramin ati, agi ndi tibudo kayuh adi bibarut ngga pirak? Agi gŭh dudu tibudo adi bŭkŭn ngga ndi efod. Ani meh sŭn ngan nang patut ata ndai?”

AKIM 8:27

Gideon ndai ndi tibudo ngga mas mas anŭ, ka pijog-i di kupo adŭp-i, Ophrah. Sopŭrŭg daya Israel mbŭh tagan Tapa, ka di kamanŭ nyambah tibudo anŭ. Anŭ inŭh mbŭh jadi jarat di Gideon ngga di rawang-i.

1 SAMUEL 14:3

(Imam adi taban efod inŭh Ahijah, anak Ahitub adi jurud Ichabod, adi anak Phinehas ka sukuh Eli, adi imam TUHAN di Shiloh.) Daya dŭh puan Jonathan mbŭh bu so nŭ.

1 SAMUEL 15:23

Rawan Ayŭh inŭh brinyam arap-i ngga pingandai siher; ka pinyigambung inŭh dosa, brinyam ngga nyambah tibudo. Sabab kuu tirawan pesan TUHAN, Ayŭh mbŭh tirawan kuu jadi raja.”

1 SAMUEL 2:18

Sitadŭn tipuh anŭ, Samuel pijuu bituan di TUHAN, nēn efod adi dog ndai so banang linen.

1 SAMUEL 21:9

Ahimelech nam, “Aku biyŭn pedang Goliath daya Philistine, adi kuu ko siŭ di ruban Elah. Pedang anŭ agi di punok efod ajeh, dog marut ngga banang. Kambŭi kuu raan, kuu bisa tambit-i — anŭ adŭ sinyata adi agi digiti!” “Nggen-i di aku,” David nang, “Mating pedang bŭkŭn adi re rabis kana so anŭ.”

1 SAMUEL 22:18

Jadi Saul nang di Doeg, “Kuu siŭ ngara!” — ka Doeg siŭ sopŭrŭg ngara. Di andu anŭ ayŭh siŭ mai puru-rimŭh naan imam adi tibirang taban efod.

1 SAMUEL 23:6

Di andu Abiathar anak Ahimelech bu ka tunda David di Keilah, ayŭh taban efod.

1 SAMUEL 23:9

Kan David dingah Saul re nyerang adŭp-i, ayŭh nang di imam Abiathar, “Taban efod ngga kamati.”

1 SAMUEL 30:7

David nang di imam Abiathar adi anak Ahimelech, “Taban ka yŭn ku efod,” ka Abiathar taban-i ka yŭn-i.