HOSEA 2:7 - Hakcipta - Biatah Bidayuh

⁷ Ayŭh re bikaduh tadak bara ambai-i pak re dŭh tungang ndŭg ngara. Komŭnŭ ayŭh re nang, “Aku re pari ka banŭh ku adi sibungas-i. Pimudip ku kana dawŭ-i.”

HOSEA 2:7 ပူးပေါင်းရင်းမြစ်များ

2 KRONIKEL 28:23

Ayŭh jugan sadis ka tapa tapa daya Syria, adi ko ngarah ayŭh. Ayŭh nang, “Tapa tapa daya Syria mbŭh turung raja raja Syria, jadi kambŭi aku jugan sadis ka ngara, kadŭ ngara re turung gŭh aku.” Anŭ taban pinyirusag di ayŭh ngga di rayat-i.

MAZMUR 116:7

Tanang meh, atin ku, sabab TUHAN mbŭh kana ngga aku.

ISAIAH 30:16

Gŭt angān bisatur an pirupas adŭp ngan pakai kuda adi raju bikaduh. Sawŭ bikaduh bu inŭh angān patut! Angān pikir kuda ngan sukup raju, pak ngara adi tadak angān re rabis raju!

JEREMIAH 14:22

Tibudo bangsa bangsa dŭh dapŭd bada andu ujen; rangit sadi adŭp-i dŭh dapŭd bada andu ujen. Kieh na pingarap ami darŭm tangan Mai, O TUHAN adi Tapa ami, sabab Kaam inŭh adi ndai sopŭrŭg kayuh anŭ.

JEREMIAH 2:2

piagah pinganang ati di barang naan daya di Jerusalem. “Aku ingat munki masam tŭtŭd kuu di tika kuu gibabŭ sŭ, munki masam kuu rindu Aku di tika kuu bauh ko sawan; kuu tunda Aku mutas tarun tana-pajam, mutas tana adi bŭn dog ngŭmŭh.

JEREMIAH 2:28

“Diki tapa tapa anŭ adi ko angān ndai yŭn adŭp ngan? Kan angān dog pinyusah, bada ngara nyiramat angān, kambŭi ngara dapŭd? Judah, kuu biyŭn raru bagŭ tapa kiang dudu kupo mu.

JEREMIAH 2:36

Kuu pirabu adŭp mu darŭm kuu tunda tapa tapa bangsa bŭkŭn. Kuu re asa bada Egypt, nimun Assyria ko piasa kuu.

JEREMIAH 3:1

TUHAN nang, “Kambŭi daya taran sawŭn-i, ka ayŭh bu ka jadi sawŭn daya bŭkŭn, daya anŭ dŭh siŭn tambit ayŭh pari, amai pingandai anŭ re nyembar ndi tarun tana rais anŭ. Pak, Israel, kuu muko biyŭn bagŭ ambai, ka madin kuu raan pari ka Aku!

JEREMIAH 31:18

“Aku dingah daya Israel nang darŭm susah, ‘TUHAN, kieh ko keya ka dāng adi dŭh tungang dog primon, pak Kaam ngajar kieh bada nundok. Taban kieh ngga pari; kieh mbŭh sidia an pari ka Kaam, TUHAN adi Tapa ami.

JEREMIAH 31:32

Anŭ re dŭh mun simanya amba adi Aku ndai ngga tayung-babuk ngara kan Aku taban ngara ngga tangan adŭp Ku ruah so Egypt. Sunggu Aku mbŭh keya ka banŭh di ngara, ngara dŭh sita simanya anŭ.

JEREMIAH 44:17

Kieh re ndai sopŭrŭg anŭ adi kieh nang re ndai. Kieh re jugan sadis ka tapa ami, Rani Shorga, ka kieh re jugan sadis wain ka ayŭh, nimun adi mbŭh ami ngga tayung-babuk ami, raja ami ka pinguru ami ari ndai di kupo kupo di Judah ka di aran aran di Jerusalem. Komŭnŭ kieh re biyŭn bagŭ pinguman, kieh re udip mujur, ka dŭh biyŭn pinyusah.

EZEKIEL 16:18

Kuu tambit piraka adi dog ngabuh ngga butik bunga jiit adi Aku nggen di kuu ka na-i di patong patong anŭ, ka kuu jugan ka patong patong anŭ inyo kanā ngga kimanyan adi muko Aku nggen di kuu.

EZEKIEL 16:8

“Darŭm Aku panu murah, Aku rada tipuh-i mbŭh mandŭg adi ngga mu biawang. Aku nutu pŭrŭng ganan mu adi babŭ dah dah ngga jipo-tunduh Ku ka bijanji an awang kuu. Sawŭ, Aku ndai simanya sawan ngga kuu, ka kuu jadi jaku.” Anŭ inŭh kayuh adi TUHAN Raja nang.

EZEKIEL 20:32

Angān mbŭh natu adŭp ngan an jadi mun bangsa bangsa bŭkŭn, mun daya di rais rais bŭkŭn ka adi nyambah tŭngŭn kayuh ngga batuh. Pak-i dŭh re jadi simŭnŭ.

EZEKIEL 23:12

Pinyiraan pŭrŭng-i gŭh di bara daya bās ngga bara pingubak — soldadu adi nēn piraka adi jawa — ka di bara soldadu pinunggang kuda adi mara buang ramus.

EZEKIEL 23:22

“Ngapŭi meh, Oholibah, ati inŭh kayuh adi Aku, TUHAN Raja, nang di kuu. Kuu mbŭh reju di bara ambai mu anŭ, pak Aku re bada ngara baji di kuu ka kirurung kuu.

EZEKIEL 23:4

Adi tuuh inŭh Oholah (ayŭh ngarun Samaria), ka adi mara inŭh Oholibah (ayŭh ngarun Jerusalem). Aku sawŭn soduwŭh ngara, ka dapŭd anak anak so soduwŭh ngara.

DANIEL 4:17

Anŭ inŭh pingatur bara malaikat adi gringet ka adi marar bijaga. Jadi meh, isa-i sopŭrŭg daya di barang yŭn puan Tapa adi Siabo Bigatung biyŭn kuasa di tunduh pritah manusia ka biyŭn kuasa nggen-i di tadŭ daya adi-I mien, samŭn ngara adi siabo sŭ darŭm pangkat.’

DANIEL 4:25

Kaam re dog pibu so dupan bara manusia ka re udip bigaur ngga dudu dāng tarun. Sitŭkŭd ju sawa kaam re man kupai mun sapi, ka bŭŭs di sapa tarun ka bisa bada sipot-abun. Komŭnŭ kaam re ngaku Tapa adi Siabo Bigatung biyŭn kuasa di tunduh sopŭrŭg pritah manusia, ka biyŭn kuasa nggen-i di tadŭ daya adi-I mien.

DANIEL 4:32

Kuu re dog pibu so dupan bara manusia, udip bigaur ngga dudu dāng tarun, ka man kupai mun sapi sitŭkŭd ju sawa. Komŭnŭ kuu re ngaku nang Tapa adi Siabo Bigatung biyŭn kuasa di tunduh pritah manusia ka biyŭn kuasa nggen-i di tadŭ daya adi-I mien.”

DANIEL 5:21

Ayŭh dog pibu so dupan bara manusia, ka pikir kira-i jadi mun tung dāng. Ayŭh udip bigaur ngga kaldi tarun, man kupai mun sapi, ka bŭŭs di sapa tarun ngga dŭh biyŭn ani ani ngga nutu adŭp-i so sipot-abun. Sikasŭn-i ayŭh ngaku Tapa adi Siabo Bigatung biyŭn kuasa di tunduh sopŭrŭg pritah manusia ka biyŭn kuasa nggen-i di tadŭ daya adi-I mien.

HOSEA 1:2

Kan TUHAN sibungas-I minyu ngga Israel so baba Hosea, Ayŭh nang di Hosea, “Sawan kuu; sawŭn mu re dŭh tŭtŭd, ka bara anak mu re batur mun ayŭh. Simŭnŭ inŭh, daya Ku mbŭh tagan Aku ka mbŭh dŭh tŭtŭd.”

HOSEA 13:6

Pak kan angān mŭrŭt tarun tana adi kana, angān bisoh, angān jadi sambuh ka kambŭt Aku.

HOSEA 14:1

Pari ka TUHAN adi Tapa ngan, daya Israel. Dosa ngan mbŭh bada angān sikak ka rabu.

HOSEA 2:16

Komŭnŭ ayŭh re bagan Aku banŭh-i. Ayŭh dŭh re tia bagan Aku Baal-i.

HOSEA 5:13

“Kan Israel kinyam munki masam mandam adŭp-i re, ka kan Judah kiris tawan adŭp-i, nganŭ Israel re di ka Assyria di mite turung so raja bās empaya, pak ayŭh dŭh re dapŭd nguri ngara bait kah pibua tawan ngara.

HOSEA 5:15

“Aku re tagan daya Ku ndŭg ka ngara mbŭh sukup jera amai dosa adi mbŭh ngara ndai, ka ngara re mandŭg di jiroh Aku. Kadŭ darŭm sangsara ngara, ngara re bandar bandar an dapŭd Aku.”