HOSEA 2:4 - Hakcipta - Biatah Bidayuh

^4-5 Aku dŭh re masi di anak anak-i; ngara anŭ anak so dayung sundar adi dŭh puan mangŭh. Adŭp-i mbŭh nang, “Aku re di ka yŭn ambai ku. Ngara nggen di aku pinguman ka piin, buruh biri ka banang linen, inyo kanā ka wain.”

HOSEA 2:4 ပူးပေါင်းရင်းမြစ်များ

2 RAJA 9:22

“Kuu mandŭg ngga damai kah?” Joram siken ayŭh. “Simuki re agi damai,” Jehu nam, “darŭm ata gibabŭ ndai pingandai siher ka nyambah tibudo adi sindŭ mu Jezreel piguru?”

ISAIAH 27:11

Daan daan tŭngŭn kayuh mbŭh rayu ka pata, ka bara dayung sun-i ndu uwang. Sabab daya dŭh mirati ani ani, Tapa adi Pinapa ngara dŭh re masi bait apun ngara.

ISAIAH 50:1

TUHAN nang, “Angān pikir Aku pibu daya Ku mun daya taran sawŭn-i? Diki meh garang surat sare anŭ? Angān pikir Aku jua angān mun daya jua anak anak-i bada jadi urun? Dŭh, angān bu jadi daya-takap sabab dosa ngan; angān dog taran sabab sarah adŭp ngan.

ISAIAH 57:3

Mandŭg kamati yŭn dog bisara, angān daya bidosa! Angān dŭh kurang so bara nyamba-biruri, bara adi tanggah, ka bara sundar.

JEREMIAH 13:14

Komŭnŭ Aku re mapar ngara mun tipayan papar amai tipaka dupan adŭp-i, adi minyamba ngga adi mara. Aku re pirabur ngara ngga dŭh kira masi bait kira apun.”

JEREMIAH 16:5

“Kuu dŭh siŭn mŭrŭt ramin daya adi aŭn ngurid. Dŭhnyah susah pikir tadŭ tadŭ daya. Aku re dŭh tia nyiberkat daya Ku ngga damai bait kiren pinyirindu ngga masi Ku di ngara.

EZEKIEL 23:25

Sabab Aku baji di kuu, Aku re tandah ngara ndai di tunduh mu nimun baji ngara. Ngara re nyaper undung ngga kajit mu ka siŭ anak anak mu. Sawŭ, ngara re tambit anak anak dari ngga anak anak dayung mu so kuu ka badang ngara udip udip.

EZEKIEL 8:18

Ngara re kinyam bisā baji Ku. Aku dŭh re tandah bait masi di ngara. Ngara re nyirais ngga situngang ngara nang dua ka Aku, pak Aku dŭh re dingah ngara.”

EZEKIEL 9:10

Pak Aku dŭh re masi di ngara; Aku re ndai di ngara kayuh adi ngara ndai di daya bŭkŭn.”

HOSEA 1:2

Kan TUHAN sibungas-I minyu ngga Israel so baba Hosea, Ayŭh nang di Hosea, “Sawan kuu; sawŭn mu re dŭh tŭtŭd, ka bara anak mu re batur mun ayŭh. Simŭnŭ inŭh, daya Ku mbŭh tagan Aku ka mbŭh dŭh tŭtŭd.”

HOSEA 1:6

Gomer bite dinge ka biranak anak dayung. TUHAN nang di Hosea, “Kadŭn ayŭh ‘Dŭh-dog-masi’, sabab Aku re dŭh tia masi di daya Israel bait apun ngara.

HOSEA 5:7

Ngara mbŭh dŭh tŭtŭd di TUHAN; bara anak ngara dŭh Ayŭh dapu. Jadi madin ngara ngga tana ngara re dog pirabur.

ZECHARIAH 1:12

Komŭnŭ malaikat anŭ nang, “Kaam adi Bisa-pŭrŭg TUHAN, Kaam mbŭh baji di Jerusalem ngga kupo kupo Judah sitŭkŭd ju puru sawa. Ndŭg sinde baji Mai anŭ ka sinde meh Kaam re apun ngara?”

JOHN 8:41

Angān ndai anŭ adi sama ngan ndai.” “Kaŭs-i Adŭp Tapa sadi adŭ adi Sama ami,” ngara nam, “ka kieh ati mbŭh sawŭ bara anak-I.”

ROME 11:22

Digiti meh ata kiris munki masam mandis-i ka munki masam mangah-i Tapa. Ayŭh mangah ngga ngara adi mbŭh rabu, pak mandis ngga angān, anŭ inŭh kambŭi angān bijijŭ darŭm mandis-I. Pak kambŭi angān dŭh, angān gŭh re dog kadi.

ROME 9:18

Jadi meh, Tapa kiren masi di tadŭ daya Ayŭh raan, ka Ayŭh bada baking tadŭ daya Ayŭh raan.

JAMES 2:13

Amai Tapa dŭh re kiren masi kan Ayŭh nggen bisara di daya adi bŭn masi; pak daya adi masi dŭh re dog ukum Tapa.