HOSEA 2:18 - Hakcipta - Biatah Bidayuh

¹⁸ Di tika anŭ Aku re ndai simanya ngga sopŭrŭg dāng tarun ka manuk, isa ngara dŭh kinaman daya Ku. Aku re kadi gŭh sopŭrŭg sinyata perang so tarun tana anŭ, sopŭrŭg pedang ngga bawŭh panah, ka re bada daya Ku udip darŭm damai ngga siramat.

HOSEA 2:18 ပူးပေါင်းရင်းမြစ်များ

JOB 5:22

Kuu re tawŭh pinyiganas ka apag ka dŭh taru dāng tarun.

JOB 5:23

Ŭmŭh adi kuu majak re dŭh pibatuh; dāng tarun dŭh re nyerang kuu.

MAZMUR 148:10

sopŭrŭg dāng, rimon ngga adi siga, dāng bigawang ngga manuk.

MAZMUR 23:2

Ayŭh bada aku guring di kupai barŭm ka nguru aku ka piin adi tanang.

MAZMUR 46:9

Ayŭh pirŭŭ perang di ndi ong ong; Ayŭh mata bawŭh panah, pirusak jarok, ka badang pinangin.

ISAIAH 2:11

Andu-i re mandŭg adi ngga uap-sambuh manusia re mungan ka udip mirawa manusia dog pirabur. Komŭnŭ TUHAN sadi adi re dog katuh.

ISAIAH 2:17

Uap-sambuh manusia re mungan, ka udip mirawa manusia re dog pirabur. Tibudo re rarap, ka TUHAN sadi adi re dog katuh di andu anŭ.

ISAIAH 2:4

Ayŭh re nggen bisara di bangsa bangsa bās. Ngara re maba pedang bada jadi sinda bajak, jarok bada jadi sinda adi ngga mŭpŭd tugu pimuruh. Bangsa bangsa re dŭh tia matak biperang, dŭh tia sidia yŭn bisaad.

ISAIAH 26:1

Andu-i re mandŭg adi ngga daya re nang ragu ati di tarun tana Judah: Kupo ta tagap! Adŭp Tapa kingat sindung-i!

ISAIAH 32:18

Daya Tapa re dŭh tia gapang, ka ramin arŭn ngara re bamai buang siramat,

ISAIAH 54:5

Pinapa mu re keya ka banŭh di kuu; TUHAN Bisa-pŭrŭg inŭh adŭn-I. Tapa kudus Israel re nyiramat kuu; Ayŭh inŭh pimritah di ndi ong ong.

ISAIAH 65:25

Kasong tarun ngga anak anak biri re samah man; singah re man siriyang mun sapi, ka jippŭh re man dabu tana. Di Zion, sandah kudus Ku, re mating kayuh adi bisā bait kayuh adi arap.”

JEREMIAH 23:6

Kan Ayŭh jadi raja, daya Judah re siramat, ka daya Israel re udip darŭm damai. Ayŭh re dog kadŭn ‘TUHAN adi Pinyikudip Ta’.

JEREMIAH 30:10

“Daya Ku, dŭhnyah taru; daya Israel, dŭhnyah tikaran. Aku re nyiramat angān so tarun tana adi jo anŭ, tarun tana adi yŭn ngan jadi daya-takap. Angān re pari ka rais adŭp ngan ka rŭŭ darŭm damai; angān re siramat, ka mating daya re tia bada angān taru.

JEREMIAH 33:16

Daya Judah ngga daya Jerusalem re dog nyiramat ka re udip darŭm damai. Kupo anŭ re dog kadŭn ‘TUHAN adi Pinyikudip Ta’.

EZEKIEL 34:25

Aku re ndai simanya ngga ngara adi natu pinyiramat ngara. Aku re pibu sopŭrŭg dāng adi mangah so tarun tana anŭ, isa biri biri Ku dapŭd udip ngga siramat di pekan ka bŭŭs di tuān.

EZEKIEL 39:1

TUHAN Raja nang, “Manusia, nyarah Gog, pingubak pimritah bangsa Meshech ngga bangsa Tubal, ka kidaan di ayŭh nang Aku ati inŭh pinganyu-i.

ZECHARIAH 14:4

Di tika anŭ Ayŭh re mijog di Sandah Kanā, di parad ka timor Jerusalem. Komŭnŭ Sandah kanā re pape nyinuwŭh bada dau adi bayah. Sitangah sandah anŭ re tikana nuju parad ka utara ka sitangah nuju parad ka siratan.

ZECHARIAH 14:9

Komŭnŭ TUHAN re jadi raja yŭn ndi ong ong; barang naan daya re nyambah Ayŭh mun Tapa ka puan Ayŭh ngga adŭn anŭ gŭh.

ZECHARIAH 2:11

Di tika anŭ bagŭ bangsa re mandŭg ka TUHAN ka jadi daya-I. Ayŭh re rŭŭ di ruang ngan, ka angān re puan nang Ayŭh inŭh adi pait aku ka angān.

ZECHARIAH 3:10

Kan andu anŭ mandŭg, barang naan angān re bagan rasū ngan bada mandŭg ka sua kinyam damai ngga pinyipagŭng, dog kirurung teya anggor ngga tŭngŭn tŭngŭn ara ngan.”

ZECHARIAH 9:10

TUHAN nang, “Aku re kadi krita krita kuda so Israel ka kadi kuda kuda so Jerusalem; bawŭh adi dog pakai di tika perang re dog pirusak. Raja ngan re ndai damai di dupan bangsa bangsa; bayah pritah-i so rawŭt ndi ndŭg rawŭt andi, so Yang Euphrates ndŭg bŭngŭn ong.”