HOSEA 14:3 - Hakcipta - Biatah Bidayuh

³ Assyria dŭh dapŭd nyiramat kieh, ka kuda perang dŭh dapŭd grindung kieh. Kieh dŭh re tia nang di tibudo ami nang ngara inŭh Tapa ami. O TUHAN, Kaam masi di daya adi dŭh biyŭn daya adi bisa-i sabah.”

HOSEA 14:3 ပူးပေါင်းရင်းမြစ်များ

2 KRONIKEL 16:7

Di tika anŭ nabi Hanani di ka Raja Asa ka nang, “Sabab kuu bisangan di raja Syria ka dŭh bisangan di TUHAN adi Tapa mu, bara tibaran soldadu raja Israel mbŭh bu mangān kuu.

MAZMUR 10:14

Pak Kaam taŭn kiris; Kaam kiris pinyusah ngga sangsara daya ka ari sidia an turung. Adi dŭh biyŭn nasip bisangan di Kaam; Kaam ari turung daya adi sirata.

MAZMUR 146:3

Dŭhnyah sabah di pinguru manusia; mating manusia dapŭd nyiramat angān.

MAZMUR 146:9

Ayŭh grindung daya saruh adi udip di tarun tana ta; Ayŭh turung dayung uban ngga anak tumang, pak pirabur daya adi ginaka.

MAZMUR 33:17

Kuda kuda perang dŭh tipakai ngga dapŭd manang; pinyibake kuda dŭh dapŭd nyiramat.

MAZMUR 68:5

Tapa, adi rŭŭ di Ramin kudus-I, kingat anak tumang ka grindung dayung uban.

ISAIAH 1:29

Kuu re nyesar kuu ko nyambah tŭngŭn kayuh ka ndai teya pirapu'.

ISAIAH 2:20

Kan andu anŭ mandŭg, ngara re taran tibudo adi ngara ndai so mas ngga pirak, ka tingge-i yŭn babu ngga kadā.

ISAIAH 27:9

Pak dosa Israel re dog apun adŭ-i kan batuh mija-sambah daya adat karŭm mbŭh dog pirandŭk ndŭg ka asur mun dabu binyuh, ka mating tia mija-sambah kimanyan, bait tandā tandā pinatŭng tapa Asherah dŭm.

ISAIAH 30:16

Gŭt angān bisatur an pirupas adŭp ngan pakai kuda adi raju bikaduh. Sawŭ bikaduh bu inŭh angān patut! Angān pikir kuda ngan sukup raju, pak ngara adi tadak angān re rabis raju!

ISAIAH 30:2

Ngara di ka Egypt mite turung dŭh so ka pinyitayan Ku. Ngara raan Egypt grindung ngara, jadi ngara na pinyabah ngara di raja Egypt.

ISAIAH 31:1

Mbŭh payah inŭh ngara adi di ka Egypt yŭn mite turung! Ngara bisangan di kuasa ngga pinyibake bara tibaran soldadu Egypt, mun kuda, krita kuda, ka bara soldadu. Pak ngara dŭh bisangan di TUHAN, adi Tapa Israel, bait mite turung so Ayŭh.

ISAIAH 31:3

Daya Egypt dŭh tapa. Ngara daya saja. Kuda ngara inŭh kayuh adi rumuh. Kan TUHAN makat, bangsa adi bake re rubuh, ka bangsa adi-i turung re rubuh. Sopŭrŭg ngara re rusag.

ISAIAH 36:8

Aku an bitawar ngga angān ngga dŭn raja-empaya Assyria. Aku re nggen di angān duwŭh ribu kuda kambŭi angān tungang dapŭd kiang anŭ pinunggang bada nunggang-i!

JEREMIAH 49:11

Tingge anak tumang ngan ngga Aku, ka Aku re kingat ngara. Bara dayung uban ngan dapŭd bisangan di Aku.

EZEKIEL 36:25

Aku re masik piin bisig di angān, angān adi sembar bada tibudo ka bada barang masam kayuh.

EZEKIEL 37:23

Ngara re dŭh tia nyembar adŭp ngara ngga tibudo tibudo adi sipŭ anŭ bait kinais adŭp ngara ngga dosa. Aku re pirupas ngara so sopŭrŭg aran pimudip adi bada ngara bidosa ka adi bada ngara dŭh tŭtŭd di Aku. Aku re pibisig ngara; ngara re jadi daya Ku, ka Aku re jadi Tapa ngara.

HOSEA 12:1

Barang masam kayuh adi daya Israel ndai so isan isan ndŭg singarŭm inŭh dŭh biguna, buang-i kayuh adi bisa pirusak. Tipu ngga pinyiganas taŭn bitambah adŭ di dupan ngara. Ngara ndai pekat-damai ngga Assyria ka ndai dagang ngga Egypt.

HOSEA 13:2

Ngara babŭ bidosa amai babŭ ndai gayŭn gayŭn so basi an ngara nyambah, mun tibudo so pirak, adi dog ndai ngga tangan manusia. Komŭnŭ ngara nang, “Jugan sadis ka ngara!” Simuki daya re sium tibudo anŭ, tibudo adi dog ndai tunda gayŭn sapi!

HOSEA 14:8

Daya Israel re dŭh tia nyambah tibudo; Aku re nam dua ngara ka kingat ngara; mun tŭngŭn kayuh barŭm Aku re nyayung ngara; Aku inŭh adi so sopŭrŭg berkat mandŭg ka ngara.”

HOSEA 2:17

Aku re dŭh bada ayŭh tia nyabŭt dŭn Baal.

HOSEA 4:12

Ngara mite pinandŭng so supek kayuh! Ndi apŭg kayuh kidaan di ngara kayuh adi ngara raan puan! Ngara mbŭh tagan Aku. Mun dayung adi mbŭh jadi dayung sundar, ngara mbŭh nggen adŭp ngara di tapa bŭkŭn.

HOSEA 5:13

“Kan Israel kinyam munki masam mandam adŭp-i re, ka kan Judah kiris tawan adŭp-i, nganŭ Israel re di ka Assyria di mite turung so raja bās empaya, pak ayŭh dŭh re dapŭd nguri ngara bait kah pibua tawan ngara.

HOSEA 7:11

Israel mbŭh keya ka manuk asang adi budo. Sibungas-i daya Israel mite turung so Egypt, ka komŭnŭ so Assyria!

HOSEA 8:6

Ndi naan daya Israel adi tukang, ndai tibudo, adi taŭn dŭh tapa! Sapi mas adi dog nyambah di Samaria re dog mape bada asur!

HOSEA 8:9

Baking keya ka kaldi adi siga, daya Israel mbŭh kadŭg pinyiraan adŭp-i. Ngara mbŭh bu di mite turung so Assyria, ka mbŭh bayar bangsa bŭkŭn bada grindung adŭp-i.

JONAH 2:10

Komŭnŭ TUHAN mritah iken bada ruān Jonah di tabing rawŭt, ka-i sawŭ ndai simŭnŭ.

ZECHARIAH 13:2

Di tika anŭ Aku re kadi dŭn dŭn tibudo so rais ati, ka mating daya re ingat-i tia. Aku re kinating daya adi nang adŭp-i nabi ka re kinating pinyiraan daya nyambah tibudo.

JOHN 14:18

“Aku dŭh re tagan angān sadi mun anak tumang; Aku re mandŭg pari ka angān.

DITRONOMI 17:16

Raja anŭ dŭhsah biyŭn paŭh bagŭ kuda yŭn bara soldadu-i, ka ayŭh dŭhnyah gŭh bada daya-i di ka Egypt miris kuda, sabab TUHAN mbŭh minyu nang daya-I re dŭh tia pari kamanŭ.